សួនផ្កាដ៏ប្រណីតចំនួន១០ស្ថិតនៅប្រទេសមួយចំនួនលើពិភពលោក ។ តើនៅប្រទេសណាខ្លះ ?
១-សួនផ្កាTulipនៅក្រុងអាំស្ទែដាំ ប្រទេសហូឡង់
ក្រុងអាំស្ទែដាំ ប្រទេសហូឡង់ ជាទីក្រុងបុរាណមានមន្តស្នេហ៍ផ្នែកស្ថាបត្យកម្ម ហើយក៏ជាទីក្រុងមានកេរ្តិ៍ឈ្មោះលើឧទ្យានផ្ការំលេចភាពស្រស់ស្អាតក្នុងអំឡុងពីខែមីនា ដល់ឧសភា ជារៀងរាល់ឆ្នាំ ។
២-សួនផ្កានៅឧទ្យាន«Anza BorregoDesert State Park»សហរដ្ឋអាមេរិក
«Anza BorregoDesert State Park»ស្ថិតនៅរដ្ឋកាលីហ្វ៊័រនីញ៉ា ជាឧទ្យានមានសម្រស់ស្រស់ស្អាតនៅលើពិភពលោក សម្បូរដោយរុក្ខជាតិចម្រុះពណ៌ មានជួរភ្នំច្រើន ប៉ុន្តែអ្វីដែលលេចធ្លោបំផុតគឺវាលផ្កាព្រៃរីកនៅលើវាលខ្សាច់ដ៏ធំទូលាយក្នុងរដូវស្លឹកឈើលាស់ គួរឱ្យចង់គយគន់ ។
៣-សួនផ្កានៅជុំវិញភ្នំភ្លើង«Osorno»ប្រទេសស៊ីលី
«Osorno»ជាភ្នំភ្លើងមួយនៅមានថាមពល ស្ថិតនៅខ្សែបន្ទាត់ព្រំដែនរវាងខេត្តOsornoនិងខេត្តLlanquihueប្រទេសស៊ីលី មានទេសភាពស្រស់ស្អាត និងលេចធ្លោស្ថិតនៅទីខ្ពស់ប្រហែល២៦៥២ម៉ែត្រ ។
៤-សួនព្រៃព្រឹក្សានៅសិង្ហបុរី
សួន«Singapore Botancal Gardens» ស្ថិតនៅកណ្តាលក្រុង រំលេចដោយទេសភាពស្រស់ស្អាត និងធម្មជាតិនានារហូតក្លាយជាបេតិកភណ្ឌពិភពលោក ហើយនៅក្នុងសួនឧទ្យាននេះមានរុក្ខជាតិច្រើនជាង៦០.០០០ពូជ ។
៥-សួនផ្កា«Pink Moss»ប្រទេសជប៉ុន
ឧទ្យាន«ហ៊ីស៊ុយជីយ៉ាម៉ា»ស្ថិតនៅក្រុងជីជីប៊ូ ខេត្តSaitamaប្រទេសជប៉ុនជាឧទ្យានមួយមានកេរិ៍្តឈ្មោះព្រោះនៅទីនោះមានសួនផ្កា«Pink Moss»នៅពេលរីកត្រចង់ប្រៀបដូចជាកម្រាលព្រំ ។
៦-សួនផ្កា«ឡាវេនឌ័រ»នៅក្រុងប្រូវ៉ង់ប្រទេសបារាំង
ក្រុងប្រូវ៉ង់«Provence»ជាទីក្រុងមានដាំផ្កា«ឡាវ៉េនឌ័រ»ជាជួរគួរឱ្យគយគន់ ដោយទេសភាពរបស់ផ្កាពណ៌ស្វាយលាតសន្ធឹងយ៉ាងស្រស់ស្អាត ។
៧-សួន«Claude Monet»ប្រទេសបារាំង
សួន«Claude Monet»ស្ថិតនៅក្រុងGivernyប្រទេសបារាំងជាសួនឧទ្យានដ៏ល្បីឈ្មោះនៅលើពិភពលោក និងបើកឱ្យចូលទស្សនានៅចុងខែមីនា ដល់ដើមខែវិច្ឆិកា ។
៨-សួនផ្កាព្រៃក្នុងឧទ្យានជាតិ«Namaqualand»អាហ្វ្រិកខាងត្បូង
ឧទ្យានជាតិNamaqualandស្ថិតនៅឆ្ងាយពីក្រុងខេបថោន ជាច្រើនរយគីឡូម៉ែត្រជាតំបន់មានរុក្ខជាតិជាច្រើនប្រភេទនិងមានកេរិ៍្តឈ្មោះជាសួនផ្កាព្រៃដោយរីកប្រណីតក្នុងអំឡុងខែកក្កដា ដល់តុលាជារៀងរាល់ឆ្នាំ ។
៩-សួនផ្កាឈូករ័ត្នប្រទេសអីុតាលី
នៅតំបន់Tuscanyក្រៅពីមានចម្ការទំពាំងបាយជូរ នៅទីនោះមានភាពលេចធ្លោផ្នែកធម្មជាតិគួរឱ្យគយគន់នៅលើពិភពលោក ។ អ្នកទេសចរជាច្រើននាក់រមែងដើរកម្សាន្តទស្សនាសួនផ្កាឈូករ័ត្ន ដែលរីកត្រចង់តាមជ្រលងភ្នំ និងមានពណ៌ស្រស់ស្អាត ។
១០-សួនផ្កា«Poppy»នៅរដ្ឋកាលីហ្វ៊័រនីញ៉ា សហរដ្ឋអាមេរិក
សួនផ្កាPoppyមានទីតាំងស្ថិតនៅAntelope Valley California Poppy Reserveតែងតែរីកជាប្រចាំនៅរៀងរាល់ខែមេសា គាប់ភ្នែកអ្នកទេសចរ ៕
ចែករំលែកព័តមាននេះ