រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា មានគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៣និង១៥នាទីរសៀលថ្ងៃទី២១ ខែឧសភា ឆ្នាំ២០១៧ នេះនៅលើកំណាត់ផ្លូវជាតិលេខ៣ ស្ថិតនៅចំណុចភូមសាស្ត្រស្ពានទឹកថ្លា សង្កាត់ ក្រាំងពង្រ ខណ្ឌដង្កោ
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា មានគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង៣និង១៥នាទីរសៀលថ្ងៃទី២១ ខែឧសភា ឆ្នាំ២០១៧ នេះនៅលើកំណាត់ផ្លូវជាតិលេខ៣ ស្ថិតនៅចំណុចភូមសាស្ត្រស្ពានទឹកថ្លា សង្កាត់ ក្រាំងពង្រ ខណ្ឌដង្កោ ។
តាមប្រភពព័ត៌មានបានឱ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្តដឹកថ្មពណ៌ទឹកសមុទ្រ ពាក់ស្លាកលេខ ចង្កូតស្តាំ PP-1668 បើកបរដោយបុរសម្នាក់មិនទាន់ស្គាល់អត្តសញ្ញាណក្នុងទិសដៅពីត្បូងទៅជើង ខណៈមកដល់ចំណុចកើតហេតុខាងលើក៏បានបុកជាមួយម៉ូតូមួយគ្រឿងម៉ាកហុងដាឌ្រីម C125 ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ កំពុងចាម 1O-1691 ដែលបើកបរពីកើតទៅលិចបំរុងនឹងឆ្លងផ្លូវត្រូវបានរថយន្តដឹកថ្មបុកពេញទំហឹងអូសប្រហែល២០ម៉ែត្រចូលផ្ទះប្រជាពលរដ្ឋ បណ្តាលឱ្យបុរសម្នាក់ស្លាប់នៅនឹងកន្លែង និងម្នាក់ទៀតរងរបួស ។
តាមប្រភពព័ត៌មានបានឱ្យដឹងទៀតថា ជនរងគ្រោះទាំងពីរនាក់ទី១-ឈ្មោះ ពេទ្យ កុសល អាយុ៣៨ឆ្នាំ ជាកសិករ មានទីលំនៅក្នុងភូមិកំពង់ត្របែក ឃុំកំពង់ត្របែក ស្រុកកំពង់ត្របែក ខេត្តព្រៃវែង (ស្លាប់) និងទី២-ឈ្មោះ ខាត់ ឡុង អាយុ២៥ឆ្នាំ ជាកម្មកររោងចក្រកាត់ដេរ រងរបួស ។ ភ្លាមៗនោះដែរនគរបាលចរាចរណ៍បានចុះទៅដល់កន្លែងកើតហេតុនឹងបានវាស់វែង និងឃាត់ខ្លួនអ្នកបើកបររថយន្តយកទៅកាន់អធិការដ្ឋាននគរបាលខណ្ឌដើម្បីដោះស្រាយទៅតាមនីតិវិធី ៕
ចែករំលែកព័តមាននេះ