អត់ពាក់មួកសុវត្ថិភាពហើយបើកលឿនទៀត មានអីស្ទើរស្លា.ប់
ខេត្តកណ្តាល ៖ មានគ្រោះថ្នាក់ចរាចរណ៍មួយបានកើតឡើងរវាងម៉ូតូនឹងម៉ូតូក្នុងទិសដៅបញ្ច្រាសគ្នា បណ្តាលឲ្យរបួសធ្ងន់ពីរនាក់។
ខេត្តកណ្តាល ៖ មានគ្រោះថ្នាក់ចរាចរណ៍មួយបានកើតឡើងរវាងម៉ូតូនឹងម៉ូតូក្នុងទិសដៅបញ្ច្រាសគ្នា បណ្តាលឲ្យរបួសធ្ងន់ពីរនាក់។
ខេត្តកណ្តាល ៖ មានគ្រោះថ្នាក់ចរាចរណ៍មួយបានកើតឡើងរវាងម៉ូតូនឹងម៉ូតូក្នុងទិសដៅបញ្ច្រាសគ្នា បណ្តាលឲ្យរបួសធ្ងន់ពីរនាក់។ ហេតុការណ៍គ្រោះថ្នាក់នេះកើតឡើងនៅថ្ងៃទី២០ ខែឧសភា ឆ្នាំ២០១៧ វេលាម៉ោង១និង១៥នាទី នៅលើកំណាត់ផ្លូវលេខ៣៨០ ចំណុចមុខផ្ទះឈ្មោះ សយ ទ្រី ស្ថិតនៅក្នុងភូមិតាស្គរ ឃុំសារិកាកែវ ស្រុកល្វាឯម ខេត្តកណ្ដាល។
នគរបាលចរាចរ បានឲ្យដឹងថា មុនពេលកើតហេតុមានម៉ូតូមួយគ្រឿងម៉ាកហុងដាឌ្រីម សេ១២៥មួយគ្រឿង ពណ៌ខ្មៅ ផលិតឆ្នាំ២០០៧ ពាក់ស្លាកលេខកំពង់ស្ពឺ 1A-8098 បើកបរដោយឈ្មោះ ពឿន ប៉ូ ភេទប្រុស អាយុ២៣ឆ្នាំ មុខរបរកម្មករសំណង់ មានទីលំនៅបច្ចុប្បន្នភូមិក្ដីកណ្ដាល ឃុំសារិកាកែវ ស្រុកល្វាឯម ខេត្តកណ្ដាល(មិនពាក់មួកសុវត្ថិភាព) បើកបរមានទិសដៅពីកើតទៅលិច ពេលមកដល់ចំណុចកើតហេតុខាងលើបានបុកជាមួយម៉ូតូម៉ាក ហុងដាគូប ពណ៌ខៀវ ផលិតឆ្នាំ១៩៩២ ពាក់ស្លាកលេខ ភព1-ដ-7056 បើកបរដោយឈ្មោះ ថុន សីហា ភេទប្រុស អាយុ២៧ឆ្នាំ មុខរបរកសិករ រស់នៅភូមិតាស្គរ ឃុំសារិកាកែវ ស្រុកល្វាឯម ខេត្តកណ្តាល (មិនពាក់មួកសុវត្ថិភាព)។
ក្នុងហេតុការណ៍នេះបណ្តាលឲ្យរបួសធ្ងន់ពីរនាក់ អ្នកបើកបរទាំងពីរ ខូចខាតម៉ូតូចំនួន ពីរគ្រឿង។យោងតាមការសន្និដ្ឋានរបស់កម្លាំងជំនាញ និងការពិនិត្យកន្លែងកើតហេតុជាក់ស្ដែងករណីនេះបណ្ដាលមកពីអ្នកបើកបរម៉ូតូម៉ាក់ហុងដា សេ១២៥ ផលិតឆ្នាំ២០០៧ បើកបរមានល្បឿនលឿន។ ក្រោយកើតហេតុអ្នករបួសត្រូវបានបញ្ជូនទៅមន្ទីរពេទ្យ ចំណែកមធ្យោបាយពាក់ព័ន្ធសមត្ថកិច្ចវាស់វែងយកមករក្សារទុកនៅអធិការស្រុក៕
ចែករំលែកព័តមាននេះ