ADផ្ទាំងផ្សព្វផ្សាយពាណិជ្ជកម្ម

Picture

អ្នក​គួរតែ​ស្រែក ឬ​ជេរ ដើម្បី​ប្រដៅ​កូន​ទេ ?

2 ខែ មុន

រាជធានី​ភ្នំពេញ ៖ ប្រសិនបើ​អ្នកជា​ឪពុក​ម្តាយ អ្នក​ប្រហែលជា​បាត់បង់​ការ​ទប់​កំហឹង​ជាមួយ​កូន​របស់​អ្នក ហើយ​បាន​ស្រែក​ដាក់​ពួក​គេ​នៅ​ពេល​ណាមួយ ។ ឪពុក​ម្តាយ​គ្រាន់តែ​ជា​មនុស្ស​ប៉ុណ្ណោះ ហើយ​ពេល​ខ្លះ ក៏​អាច​ខឹង​នឹង​បញ្ហា​អាកប្បកិរិយា​របស់​កូន​ៗ​ដូច​ជា​ការ​ប្រឆាំង និង​ការ​និយាយ​តប​វិញ…

រាជធានី​ភ្នំពេញ ៖ ប្រសិនបើ​អ្នកជា​ឪពុក​ម្តាយ អ្នក​ប្រហែលជា​បាត់បង់​ការ​ទប់​កំហឹង​ជាមួយ​កូន​របស់​អ្នក ហើយ​បាន​ស្រែក​ដាក់​ពួក​គេ​នៅ​ពេល​ណាមួយ ។ ឪពុក​ម្តាយ​គ្រាន់តែ​ជា​មនុស្ស​ប៉ុណ្ណោះ ហើយ​ពេល​ខ្លះ ក៏​អាច​ខឹង​នឹង​បញ្ហា​អាកប្បកិរិយា​របស់​កូន​ៗ​ដូច​ជា​ការ​ប្រឆាំង និង​ការ​និយាយ​តប​វិញ ។ ការ​ស្រែក​ជេរ និង​ការ​បាត់បង់​ភាព​ត្រជាក់​របស់​យើង ជួនកាល​អាច​កើតឡើង ប៉ុន្តែ​ប្រសិនបើ​ការ​ស្រែក​ជេរ គឺជា​រឿង​ដែល​កើតឡើង​ញឹកញាប់​ពេក​នៅ​ក្នុងផ្ទះ​របស់​អ្នក វា​អាច​ដល់​ពេល​ហើយ​សម្រាប់​អ្នក​ដើម្បី​ទទួលយក​នូវ​អ្វី​ដែល​កំពុង​កើតឡើង ហើយ​ពិចារណា​រក​វិធី​ជំនួស ដើម្បី​ទំនាក់ទំនង​ជាមួយ​កូន​របស់​អ្នក ។

Picture

១. ហេតុផល​ស្រែក​ជេរ​គ្មាន​ប្រសិទ្ធភាព ៖ មាន​ហេតុផល​ជា​ច្រើន​ដែល​ហេតុ​អ្វី​បានជា​ការ​ស្រែក ស្តីថា និង​ជេរ​កូនចៅ​មិនមែន​ជា​ទម្រង់​នៃ​វិន័យ​ដ៏​ល្អ ហើយ​តាម​ពិត​ទៅ វា​គឺជា​កំហុស​វិន័យ​ទូទៅ ។ អ្វី​ដែល​សំខាន់​បំផុត​ត្រូវ​សួរ​ខ្លួនឯង គឺ​អ្វី​ដែល​កូន​របស់​អ្នក​អាច​រៀនសូត្រ​បាន ពេល​គេ​ត្រូវ​បាន​គេ​ប្រដៅ​ក្នុង​របៀប​នេះ ហើយ​តើ​គេ​អាច​នឹង​រង​ផល​ប៉ះពាល់​ដោយ​ការ​ស្រែក​ជេរ​ជា​ប្រចាំ ។ នេះ​ជា​ហេតុផល​មួយ​ចំនួន​ដែល​អ្នក​ប្រហែលជា​ចង់​បន្ទាប​សំឡេង​របស់​អ្នក ហើយ​ស្ងប់ស្ងាត់​មុន​ពេល​អ្នក​ប្រដៅ​កូន ។

Picture

២. កុំឱ្យ​កូន​គិត​ថា ធម្មតា​ពេល​អ្នក​ជេរ ៖ ការ​បង្កើន​សំឡេង​របស់​អ្នក​អាច​ទទួល​បានការ​ចាប់អារម្មណ៍​ពី​កូន​អ្នក​ក្នុង​ពេល​ភ្លាម​ៗ ប៉ុន្តែ​វា​ជា​រឿង​សំខាន់​ក្នុង​ការ​គិត​អំពី​អ្វី​ដែល​ការ​ស្រែក​កំពុង​បង្រៀន​កូន​របស់​អ្នក ។ នៅ​ពេល​អ្នក​បញ្ចេញ​សំឡេង កូន​របស់​អ្នកដឹង​ថា ការ​ឈ្លានពាន គឺជា​វិធី​ដែល​អាច​ទទួលយក​បាន​ក្នុង​ការ​ទំនាក់ទំនង ។ ដូច​ជា​ការ​វាយ​កូន​របស់​អ្នក វា​នឹង​បង្រៀន​គេ​ថា ការ​វាយ គឺជា​វិធី​ល្អ​ក្នុង​ការ​ប្រៀនប្រដៅ កូន​របស់​អ្នក​នឹង​មើលឃើញ​ថា ការ​ស្រែក​ជា​អ្វី​ដែល​អ្នក​គួរ​ធ្វើ​ដើម្បី​រក​ចំណុច​របស់​អ្នក​នៅ​ពេល​មាន​បញ្ហា ឬ​ជម្លោះ ។

Picture

៣. ការ​ជេរ​នឹង​បាត់បង់​ប្រសិទ្ធភាព ៖ តាម​រយៈ​ការ​បង្កើន​សំឡេង និង​ការ​ស្រែក​ជេរ​របស់​អ្នកជា​ទៀងទាត់ អ្នក​កំពុង​បង្កើត​ស្ថានភាព​មួយ​ដែល​កូន​របស់​អ្នក​នឹង​មិនសូវ​ស្តាប់​អ្នក​ទេ ។ តើ​អ្នកមាន​អារម្មណ៍​យ៉ាងណា ប្រសិនបើ​ចៅហ្វាយ​របស់​អ្នក​ស្រែក​ដាក់​អ្នក​នៅ​ពេល​ដែល​អ្នក​ធ្វើ​ខុស ? ចុះបើ​ដៃគូ​របស់​អ្នក ឬ​មិត្ត​ភ័ក្តិ ឬ​សមាជិកគ្រួសារ​និយាយ​ទៅ​កាន់​អ្នក​តាម​របៀប​នេះ​អំឡុង​ពេល​ឈ្លោះ​គ្នា តើ​អ្នកមាន​អារម្មណ៍​ឈឺចាប់ និង​ខឹង ឬ​អ្នក​នឹង​មាន​អារម្មណ៍​ចង់​ស្តាប់​អ្វី​ដែល​គាត់​កំពុងនិយាយ​ទេ ? កូន​អ្នក​ក៏​ដូច​គ្នា​ដែរ គេ​មិន​គោរព និង​ឱ្យ​តម្លៃ​អ្នក​ទេ ។

Picture

៤. កូន​របស់​អ្នក​នឹង​ដកថយ ឬ​ខឹង ៖ មនុស្ស​យើង​មាន​ប្រតិកម្ម​ធម្មជាតិ​ចំពោះ​ការ​ត្រូវ​គេ​ស្រែក​ដាក់ ។ យើង​ដកថយ ឬ​ឆ្លើយ​តប​ដោយ​កំហឹង ។ ទាំងនេះ គឺជា​ប្រតិកម្ម​ដែល​អ្នក​នឹង​ទទួល​បាន​ពី​កូន នៅ​ពេល​អ្នក​បាត់បង់​ភាព​ត្រជាក់​របស់​អ្នក ហើយ​ថា​តើ​អាកប្បកិរិយា​របស់​កូន​អ្នក​ត្រូវ​បាន​កែ ឬ​អត់ អ្នក​គួរតែ​សួរ​ខ្លួនឯង​ថា តើ​វា​មាន​តម្លៃ​ដែរ ឬទេ ? ៕

Picture

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សម្រាប់​វគ្គ​សិក្សា​ថ្មី កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស​សិស្ស​ធំ កម្មវិធី​ភាសា​ចិន ចូល​រៀន​ថ្ងៃ​ទី ១ ខែវិច្ឆិកា ឆ្មាំ ២០២២ ។ ចំ​ណែ​កម្មវិធី​ចំណេះ​ទូទៅ​ខ្មែរ​ពី​ថ្នាក់​ទី ១ ដល់ទី ១២ ចាប់​ទទួល​ចុះ​ឈ្មោះ​ចូល​រៀន​ជា​រៀងរាល់ថ្ងៃ ។ ការ​ចុះ​ឈ្មោះ​បុត្រ​ធីតា​នៅ​សាលារៀន​យើងខ្ញុំ លោក​អ្នក​នឹង​ទទួល​បាន​ពិន្ទុ​សន្សំ​កាន់តែ​ច្រើន ដើម្បី​ប្តូរ​យក​សម្ភារ ឬ​ទូទាត់​ជាមួយ​និង​សេ​វាស​ផ្សេង​ៗ ។

សាលារៀន​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023