រាជធានីភ្នំពេញ ៖ ប្រមុខរដ្ឋមន្ត្រីក្រសួងការពារជាតិសាធារណរដ្ឋកូរ៉េ (កូរ៉េខាងត្បូង) បានស្នើដល់កម្ពុជា ឲ្យជួយសម្របសម្រួលធ្វើយ៉ាងណា អាចមានកិច្ចប្រជុំក្រៅផ្លូវការរដ្ឋមន្ត្រី ការពារជាតិសាធារណរដ្ឋកូរ៉េ ជាមួយរដ្ឋមន្ត្រីការពារជាតិអាស៊ាន នៅពេលខាងមុខផងដែរ…
រាជធានីភ្នំពេញ ៖ ប្រមុខរដ្ឋមន្ត្រីក្រសួងការពារជាតិសាធារណរដ្ឋកូរ៉េ (កូរ៉េខាងត្បូង) បានស្នើដល់កម្ពុជា ឲ្យជួយសម្របសម្រួលធ្វើយ៉ាងណា អាចមានកិច្ចប្រជុំក្រៅផ្លូវការរដ្ឋមន្ត្រី ការពារជាតិសាធារណរដ្ឋកូរ៉េ ជាមួយរដ្ឋមន្ត្រីការពារជាតិអាស៊ាន នៅពេលខាងមុខផងដែរ ។
ការស្នើសុំនេះធ្វើឡើងរវាងឯកឧត្តម លី ជុងស៊ុប រដ្ឋមន្ត្រីក្រសួងការពារជាតិ សាធារណរដ្ឋកូរ៉េ បានចូលជួបពិភាក្សាការងារទ្វេភាគី ជាមួយសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិខណៈសម្តេចចូលរួមក្នុងកិច្ចប្រជុំរដ្ឋមន្ត្រីការពារជាតិ អាស៊ានបូក លើកទី៩ នៅខេត្តសៀមរាប ។
យោងតាមការចេញផ្សាយបណ្តាញសង្គម នាយករដ្ឋានព័ត៌មានក្រសួងការពារជាតិ នៅថ្ងៃទី២៥ វិច្ឆិកា បានឲ្យដឹងថា នៅក្នុងជំនួបនោះ ឯកឧត្តម លី ជុងស៊ុប បានថ្លែងអំណរគុណដល់សម្ដេចពិជ័យសេនា ដែលបានរៀបចំទទួលគណៈប្រតិភូក្រសួងការពារជាតិកូរ៉េ និងបានកោតសរសើរចំពោះជោគជ័យ និងសមិទ្ធផលដែលសម្រេចបានដោយសម្ដេចពិជ័យសេនាបានដឹកនាំដោយជោគជ័យ នូវកិច្ចប្រជុំរដ្ឋមន្ត្រីការពារជាតិអាស៊ានបូក ។
ចំណែកសម្តេចពិជ័យសេនា ទៀ បាញ់ បានបញ្ជាក់ថា ៖ កិច្ចសហប្រតិបត្តិការរវាងប្រទេសយើងទាំងពីរកម្ពុជា និង សាធារណរដ្ឋកូរ៉េ បានរីកចម្រើនបន្ថែមទៀតក្រោយ ពីជំងឺរាតត្បាតកូវីដ-១៩ បានថយចុះ។ កិច្ចសហប្រតិបត្តិការរវាងកងទ័ពទាំងពីរនៅតែ បង្កើនទំនាក់ទំនងបានយ៉ាងល្អប្រសើរ ជាមួយនិងការយោគយល់គ្នាទៅវិញទៅមក ។
សម្តេចពិជ័យសេនា បានបញ្ជាក់ថា ៖ ថ្វីត្បិតតែក្រសួងការពារជាតិនៃព្រះរាជា ណាចក្រកម្ពុជានិង សាធារណដ្ឋកូរ៉េ មិនបានទៅបំពេញទស្សនកិច្ចដោយផ្ទាល់ យ៉ាងណាក៏ដោយ ក៏យើងនៅតែបន្តទំនាក់ទំនង និងជួបសន្ទនាគ្នា តាមបញ្តាញសង្គម ផ្សេងៗដើម្បីបង្កើនកិច្ចសហប្រតិបត្តិការឲ្យបានកាន់តែស៊ីជម្រៅបន្ថែមទៀត។
ជាមួយគ្នានោះដែរសម្ដេចពិជ័យសេនា បានថ្លៃងអំណរគុណដល់ក្រសួងការពារជាតិ កូរ៉េដែលបានផ្ដល់ អាហារូបករណ៍ ជួយបណ្ដុះបណ្ដាល ខភម ជាបន្តបន្តបន្ទាប់ មានរយៈពេលវែង និងរយៈពេលខ្លី ដែលមកដល់ពេលនេះ មាននាយទាហាន ខភម ចំនួន ៥៧ នាក់ បានទៅសិក្សានៅប្រទេសកូរ៉េ ។
នៅក្នុងជំនួបនោះសម្ដេចពិជ័យសេនាបានស្នើសុំដល់ឯកឧត្តម រដ្ឋមន្ត្រីក្រសួងកា រពារជាតិកូរ៉េ ឲ្យជួយជំរុញបង្កើនចំនួនអាហារូបករណ៍ដល់កម្ពុជាបន្ថែមទៀត នាឆ្នាំបន្តបន្ទាប់ ។ដោយឡែកនៅឆ្នាំ ២០២៣ ខាងមុខ ភាគីកម្ពុជា នឹងអញ្ជើញ នាយទាហានសាធារណរដ្ឋ កូរ៉េចំនួន ២ រូប មកសិក្សាភាសាខ្មែរនៅកម្ពុជាផងដែរ ។
ឯកឧត្តមរដ្ឋមន្ត្រីការពារជាតិកូរ៉េ បានកោតសរសើរ សម្ដេចពិជ័យសេនា ក្នុងនាមជាប្រធាន ដឹក នាំកិច្ចប្រជុំរដ្ឋមន្ត្រីការពារជាតិអាស៊ាន បានដឹកនាំកន្លងមកទទួ លបានលទ្ធផលជាផ្លែផ្កាហើយឯកឧត្តមសង្ឃឹមថាកម្ពុជានឹងបន្តតួនាទីសំខាន់ៗបន្ថែមទៀតក្នុងការអភិវឌ្ឍសហគមន៍អាស៊ាន។
ឯកឧត្តមបានសម្ដែងនូវជំនឿជឿជាក់ថា កិច្ចសហប្រតិការរវាងសាធារណរដ្ឋកូរ៉េនិងកម្ពុជា នឹងក្លាយទៅជាសសរស្ដម្ភមួ យដ៏សំខាន់ដើម្បីជំរុញបង្កើនសមត្ថភាពនៃកិច្ចសហកកិច្ចសហប្រតិការរក្សាសន្តិភាពក្រោមឆត្រ័របស់អង្គការសហប្រជាជាតិនៅពេលខាងមុខ ។
ឯកឧត្តមរដ្ឋមន្ត្រីការពារជាតិកូរ៉េបានបញ្ជាក់ថា៖ក្នុងក្របខ័ណ្ឌ កិច្ចប្រជុំរដ្ឋមន្ត្រី ការពារជាតិអាស៊ានបូក សាធារណរដ្ឋកូរ៉េបាន ចូលរួមយ៉ាងសកម្មនៅក្នុងកិច្ចសហប្រតិបត្តិ ការនៅក្នុងក្រុមការងារជំនាញដូចជាក្នុងវិស័យប្រតិបត្តិការរក្សាសន្តិភាព វិស័យសន្តិសុខសមុទ្រ វិស័យសន្តិសុខព័ត៌មានវិទ្យា ក្នុងនោះបានចូលរួមកិច្ចសហប្រតិបត្តការនៅក្នុងតំបន់ថែមទៀត ។
ឯកឧត្តមគូសញ្ជាក់ថា៖«ដើម្បីជំរុញឲ្យកិច្ចសហការនេះកាន់តែឈានទៅមុខបន្ថែមទៀត ឯកឧត្តម បានស្នើដល់កម្ពុជា អោយជួយសម្របសម្រួលធ្វើយ៉ាងណា អាចមានកិច្ចប្រជុំក្រៅផ្លូ វការរដ្ឋមន្ត្រី ការពារជាតិសាធារណរដ្ឋកូរ៉េ ជាមួយរដ្ឋមន្ត្រីការពារជាតិអាស៊ាន នៅពេលខាងមុខផងដែរ» ។
សូមជម្រាបថានៅក្នុងឱកាសនោះសម្តេចពិជ័យសេនា ទៀ បាញ់ និង ឯកឧត្តម លី ជុងស៊ុបរដ្ឋមន្ត្រីក្រសួងការពារជាតិសាធារណរដ្ឋកូរ៉េបានចុះហត្ថលេខាអនុសារណៈយោគយល់ស្តីពីប្រតិបត្តិការរក្សាសន្តិភាពអង្គការសហប្រជាជាតិរវាងព្រះរាជាណាចក្រកម្ពុជា និង សាធារណរដ្ឋកូរ៉េ និងផ្ទេរប្រគល់សម្ភារៈគ្រឿងចក្រក្រោមគំរោងត្រីភាគីអ ង្គការសហប្រជាជាតិផងដែរ ៕
ចែករំលែកព័តមាននេះ