ខេត្តស្វាយរៀង ៖ ការផ្ទុះអា.វុ.ធ.វែង-ខ្លីបានលាន់ឮយ៉ាងកក្រើកចំនួន៨គ្រាប់នៅវេលាទៀបភ្លឺ ក្នុងហាងខារ៉ាអូខេមួយកន្លែង បង្កឱ្យមានការភ្ញាក់ផ្អើលដល់អ្នកភូមិ ដែលកំពុងលង់លក់ក្នុងដំណេកមានការភ័យខ្លាច បានប្តឹងសមត្ថកិច្ចឲ្យជួយអន្តរាគមន៍ ។ ករណីផ្ទុះអា.វុ.ធនេះ បានកើតឡើងនៅចំណុចហាងខារ៉ាអូខេ…
ខេត្តស្វាយរៀង ៖ ការផ្ទុះអា.វុ.ធ.វែង-ខ្លីបានលាន់ឮយ៉ាងកក្រើកចំនួន៨គ្រាប់នៅវេលាទៀបភ្លឺ ក្នុងហាងខារ៉ាអូខេមួយកន្លែង បង្កឱ្យមានការភ្ញាក់ផ្អើលដល់អ្នកភូមិ ដែលកំពុងលង់លក់ក្នុងដំណេកមានការភ័យខ្លាច បានប្តឹងសមត្ថកិច្ចឲ្យជួយអន្តរាគមន៍ ។
ករណីផ្ទុះអា.វុ.ធនេះ បានកើតឡើងនៅចំណុចហាងខារ៉ាអូខេ ដែលមានយីហោ៦៨ ស្ថិតនៅភូមិបាវិតកណ្តាលសង្កាត់បាវិតក្រុងបាវិត ។ បន្ទាប់ពីសមត្ថកិច្ចចុះទៅធ្វើការស្រាវជ្រាវក៏បានឈានដល់ការឃាត់ខ្លួននារីជនជាតិវៀតណាមចំនួន១១នាក់មកសាកសួរ ទើបដឹងព័ត៌មានខ្លះៗថាជារឿងដណ្តើមស្រីគ្នា ។
បើតាមសមត្ថកិច្ចបានឲ្យដឹងថា ហេតុការណ៍នេះបានកើតឡើងកាលពីវេលាម៉ោង២និង៣០នាទីទៀបភ្លឺ ថ្ងៃទី២២ ខែវិច្ឆិកា ឆ្នាំ២០២២ ។ សមត្ថកិច្ចនគរបាលបានឱ្យដឹងថា នារីទាំង១១នាក់ដែលឃាត់ខ្លួនសាកសួររួមមាន ៖
១-ឈ្មោះ ឡូ ធីថាវ អាយុ២៧ឆ្នាំ ជនជាតិវៀតណាម ។
២-ឈ្មោះ ឡូ ធីងិន អាយុ២៦ឆ្នាំ ជនជាតិវៀតណាម ។
៣-ឈ្មោះ ឡូ ធីង៉ា អាយុ១៧ឆ្នាំ ជនជាតិវៀតណាម ។
៤-ឈ្មោះ វ៉ាង ធីយួ អាយុ១៧ឆ្នាំ ជនជាតិវៀតណាម ។
៥-ឈ្មោះ បៀវ ធីវិន អាយុ១៥ឆ្នាំ ជនជាតិវៀតណាម ។
៦-ឈ្មោះ ដ ធីហៀប អាយុ១៧ឆ្នាំ ជនជាតិវៀតណាម ។
៧-ឈ្មោះ ឡុក ធីថាម អាយុ ១៧ឆ្នាំជនជាតិវៀតណាម
៨-ឈ្មោះ ឡុង ធីហាយ អាយុ២៤ឆ្នាំ ជនជាតិវៀតណាម ។
៩-ឈ្មោះ ឡេ ធីមី អាយុ១៦ឆ្នាំ ជនជាតិវៀតណាម ។
១០-ឈ្មោះ លឿន ធីថាវ អាយុ២៥ឆ្នាំ ជនជាតិវៀតណាម ។
១១-ឈ្មោះ ឡូ ធីទៀប អាយុ១៦ឆ្នាំជនជាតិវៀតណាម ។
សមត្ថកិច្ចបានឲ្យដឹងទៀតថា តាមប្រជាពលរដ្ឋបានរាយការណ៍ថា មានករណីផ្ទុះអា.វុ.ធនេះបង្កឡើងដោយជនជាតិវៀតណាម២ក្រុមជិះរថយន្ត២គ្រឿង ដែល១គ្រឿង ម៉ាក TOYOTA ព្រូសពណ៌ប្រផេះពាក់ផ្លាកលេខភ្នំពេញ 2BL-293 និងរថយន្តទី២ ម៉ាកហាយឡែនឌ័រ(HIGHLANDER) ពាក់ផ្លាកលេខភ្នំពេញ2BH-0217 ពណ៌ទឹកប្រាក់បានចូលផឹកស៊ីក្នុងហាងខារ៉ាអូខេ យីហោ៦៨ ដោយមានក្រុមនារីរៀងៗខ្លួន ។
ប្រភពបន្តទៀតថា ក្រោយពីទទួលព័ត៌មានភ្លាម នគរបាលនៃអធិការដ្ឋានក្រុងបាវិត ក៏បានដឹកនាំកម្លាំងចុះទៅដល់ធ្វើការស្រាវជ្រាវនៅកន្លែងកើតហេតុក៏បានរកឃើញសម្បកគ្រាប់ចំនួន៨ ក្នុងនោះអាវុធវែងម៉ាកAK47 ចំនួន៧គ្រាប់(សម្បកផ្ទុះ៦គ្រាប់ គ្រាប់មិនទាន់ផ្ទុះ១គ្រាប់) និងសម្បកគ្រាប់ អា.វុ.ធខ្លី១គ្រាប់ និងផ្លាកលេខរថយន្តភ្នំពេញ 2BH-0217 បានជ្រុះនៅកន្លែងកើតហេតុ ។
ក្រោយមកសមត្ថកិច្ច បន្តការស្រាវជ្រាវបានរកឃើញរថយន្តខាងលើនៅជិតកន្លែងកើតហេតុ ម៉ាក HIGHLANDER ពណ៌ទឹកប្រាក់ ត្រូវបានប្លុងចោលនៅលើផ្លូវ ឯម្ចាស់បានរត់គេចខ្លួនបាត់ ហើយក៏ទទួលព័ត៌មានថា រថយន្ត១គ្រឿងទៀត ម៉ាកព្រូស បានបើករត់គេចខ្លួន មកក្រុងស្វាយរៀង ទើបសមត្ថកិច្ចក៏បានដាក់កម្លាំងស្ទាក់តាមដងផ្លូវ ។
ជនសង្ស័យទំនងដឹងខ្លួន ក៏បានឈប់រថយន្ត ហើយយករថយន្តទៅប្លុងចោលនៅលើផ្លូវជាតិលេខ១ នៅចំណុចភូមិកណ្តៀងរាយឃុំកណ្តៀងរាយ ស្រុកស្វាយទាប ខេត្តស្វាយរៀងនាំគ្នាគេចខ្លួនបាត់ស្រមោល ។
ប្រភពបន្តទៀតថា សមត្ថកិច្ចក៏ស្រាវជ្រាវយ៉ាងដុតដៃដុតជើងរហូតដល់ម៉ោង៦ល្ងាចថ្ងៃទី២២ វិច្ឆិកាថ្ងៃដដែល និងកំណត់បានមុខសញ្ញាជនសង្ស័យដែលបានជួលផ្ទះរបស់ឈ្មោះ កៅ ផល្លា ភេទស្រី អាយុ៤០ឆ្នាំ មានទីតាំងនៅក្នុងបូរីរិទ្ធី រ៉េស៊ីដេន ស្ថិតនៅភូមិតាបិប សង្កាត់បាវិត ក្រុងបាវិត ខេត្តស្វាយរៀង ។ បន្ទាប់មក សមត្ថកិច្ចបានធ្វើការឆែកឆេរផ្ទះជួល ។ ដោយមានការសម្របសម្រួលនីតិវិធីពីលោក ដូរ៉ា អង្គប្រទាន ព្រះរាជអាជ្ញារង អមសាលាដំបូងខេត្តស្វាយរៀង ក៏រកឃើញមាននារីជាជនជាតិវៀតណាមចំនួន១១នាក់ ក៏នាំខ្លួនយកមកអធិការដ្ឋានក្រុងបាវិត ដើម្បីធ្វើការសាកសួរ ។
ក្រោយពីការសាកសួរចប់ និងមានការឯកភាពពីលោក ព្រះរាជអាជ្ញាអមសាលាដំបូងខេត្តស្វាយរៀង ឱ្យឃាត់ខ្លួននារីជនជាតិវៀតណាម១១នាក់ ជាបណ្ដោះអាសន្តដើម្បីធ្វើការស្រាវជ្រាវរកមុខសញ្ញាបន្តទៀត ពិសេសម្ចាស់អា.វុធ ដែលបានបា.ញ់បោះ ក្នុងហាងខារ៉ាអូខេ ។
មុនពេលសមត្ថកិច្ចទៅដល់ជនសង្ស័យ បានបើករថយន្តរត់គេចពីសមត្ថកិច្ច ដោយដឹកបក្សពួកទៅទម្លាក់នៅផ្ទះជួលហើយបើករថយន្តគេចខ្លួន ដោយសមត្ថកិច្ចដាក់កម្លាំងស្ទាក់តាមផ្លូវ ទើបជនសង្ស័យទុករថយន្តផ្លុងចោល ហើយគេចខ្លួនបាត់ស្រមោល ។ ទោះបីជាយ៉ាងណាក៏ដោយសមត្ថកិច្ចកំពុងបន្តការស្រាវជ្រាវរកជនសង្ស័យខាងលើយកមកផ្តន្ទាទោសឲ្យខាងតែបាន គេមានការសង្ស័យថា ឈ្លោះព្រោះតែដណ្តើមស្រីគ្នា ។
សូមបញ្ជាក់ថា មកដល់ព្រឹកថ្ងៃទី២៤ វិច្ឆិកា ២០២២ មិនអាចសុំការបំភ្លឺ ក្នុងការតាមវែកមុខម្ចាស់រថយន្តដែលបង្កការបា.ញ់បោះនោះទេ លទ្ធផលយ៉ាងណាសូមរង់ចាំសមត្ថកិច្ចបំភ្លឺនៅពេលក្រោយ ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ