មានការផ្ទុះអាវុធវែងខ្លីបានលាន់ឮយ៉ាងកក្រើកចំនួន៨គ្រា.ប់ កាលពីវេលាទៀបភ្លឺ នៅក្នុងហាងខារ៉ាអូខេមួយកន្លែង បង្កឱ្យមានការភ្ញាក់ផ្អើលដល់អ្នកភូមិដែលកំពុងលង់លក់ក្នុងដំណេកមានការភ័យខ្លាច ហើយក៏បាន
ខេត្តស្វាយរៀង ៖ មានការផ្ទុះអាវុធវែងខ្លីបានលាន់ឮយ៉ាងកក្រើកចំនួន៨គ្រា.ប់ កាលពីវេលាទៀបភ្លឺ នៅក្នុងហាងខារ៉ាអូខេមួយកន្លែង បង្កឱ្យមានការភ្ញាក់ផ្អើលដល់អ្នកភូមិដែលកំពុងលង់លក់ក្នុងដំណេកមានការភ័យខ្លាច ហើយក៏បានប្តឹងសមត្ថកិច្ចឲ្យជួយអន្តរាគមន៍ ។
ករណីផ្ទុះអាវុធខាងលើនេះ បានកើតឡើងនៅចំណុចហាងខារ៉ាអូខេ ដែលមានយីហោ «៦៨» ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ។ បន្ទាប់ពីសមត្ថកិច្ចចុះទៅធ្វើការស្រាវជ្រាវ ហើយក៏បានឈានដល់ការឃាត់ខ្លួននារីជនជាតិវៀតណាមចំនួន១១នាក់មកសាកសួរ ទើបដឹងព័ត៌មានខ្លះៗថា ជារឿងដណ្តើមស្រីគ្នា ។
បើតាមសមត្ថកិច្ចបានឲ្យដឹងថា ហេតុការណ៍នេះបានកើតឡើងកាលពីវេលាម៉ោង២និង៣០នាទីទៀបភ្លឺ ថ្ងៃទី២២ ខែវិច្ឆិកា ឆ្នាំ២០២២ ។
ហើយបើតាមសមត្ថកិច្ចនគរបាលបានឱ្យដឹងថា នារីទាំង១១នាក់ដែលឃាត់ខ្លួនសាកសួរនោះរួមមាន ៖ ១- ឈ្មោះ ឡូ ធីថាវ អាយុ២៧ឆ្នាំ ជនជាតិវៀតណាម។ ២- ឈ្មោះ ឡូ ធីងិន អាយុ២៦ឆ្នាំ ជនជាតិវៀតណាម។ ៣-ឈ្មោះ ឡូ ធីង៉ា អាយុ១៧ឆ្នាំ ជនជាតិវៀតណាម។ ៤- ឈ្មោះ វ៉ាង ធីយួ អាយុ១៧ឆ្នាំ ជនជាតិវៀតណាម។ ៥- ឈ្មោះ បៀវ ធីវិន អាយុ១៥ឆ្នាំ ជនជាតិវៀតណាម។ ៦- ឈ្មោះ ដ ធីហៀប អាយុ១៧ឆ្នាំ ជនជាតិវៀតណាម។ ៧- ឈ្មោះ ឡុក ធីថាម អាយុ ១៧ឆ្នាំជនជាតិវៀតណាម។ ៨- ឈ្មោះ ឡុង ធីហាយ អាយុ២៤ឆ្នាំ ជនជាតិវៀតណាម។ ៩- ឈ្មោះ ឡេ ធីមី អាយុ១៦ឆ្នាំ ជនជាតិវៀតណាម។ ១០- ឈ្មោះ លឿន ធីថាវ អាយុ២៥ឆ្នាំ ជនជាតិវៀតណាម ។ និង១១- ឈ្មោះ ឡូ ធីទៀប អាយុ១៦ឆ្នាំ ជនជាតិវៀតណាម ។
សមត្ថកិច្ចបានឲ្យដឹងទៀតថា តាមប្រជាពលរដ្ឋបានរាយការណ៍ថា មានករណីផ្ទុះអាវុធនេះបង្កឡើងដោយជនជាតិវៀតណាម២ក្រុម ជិះរថយន្ត២គ្រឿង ដែល១គ្រឿង ម៉ាក TOYOTA ព្រូស ពណ៌ប្រផេះពាក់ផ្លាកលេខ ភ្នំពេញ2BL-293 និងរថយន្តទី២ ម៉ាក ហាយឡែនឌ័រ (HIGHLANDER) ពាក់ផ្លាកលេខ ភ្នំពេញ2BH-0217 ពណ៌ទឹកប្រាក់ បានចូលមកផឹកស៊ីក្នុងហាងខារ៉ាអូខេយីហោ «៦៨» ដោយមានក្រុមនារីរៀងៗខ្លួន ។
ប្រភពដដែលបន្តទៀតថា ក្រោយពីទទួលព័ត៌មានភ្លាម នគរបាលនៃអធិការដ្ឋានក្រុងបាវិត ក៏បានដឹកនាំកម្លាំងចុះទៅដល់ធ្វើការស្រាវជ្រាវនៅកន្លែងកើតហេតុ ហើយក៏បានរកឃើញសំបកគ្រា.ប់ចំនួន៨ ក្នុងនោះអាវុធវែងម៉ាកAK47 ចំនួន៧គ្រា.ប់ (សំបកផ្ទុះ៦គ្រា.ប់ គ្រា.ប់មិនទាន់ផ្ទុះ១គ្រា.ប់) និងសំបកគ្រា.ប់ អាវុធខ្លី១គ្រា.ប់ និងផ្លាកលេខរថយន្ត ភ្នំពេញ 2BH-0217 បានជ្រុះនៅកន្លែងកើតហេតុ ។
ក្រោយមកសមត្ថកិច្ច បន្តការស្រាវជ្រាវ ហើយក៏បានរកឃើញរថយន្តខាងលើ នៅជិតកន្លែងកើតហេតុ ម៉ាក HIGHLANDER ពណ៌ទឹកប្រាក់ ដែលត្រូវបានប្លុងចោលនៅលើផ្លូវ ឯម្ចាស់រថយន្តវិញបានរត់គេចខ្លួនបាត់ស្រមោល ហើយក៏ទទួលព័ត៌មានថា រថយន្ត១គ្រឿងទៀត ម៉ាកព្រូស បានបើករត់គេចខ្លួនមកក្រុងស្វាយរៀង ទើបសមត្ថកិច្ចបានដាក់កម្លាំងស្ទាក់ តាមដងផ្លូវតែម្តង។ ប៉ុន្តែជនសង្ស័យទាំងនោះទំនងដឹងខ្លួន ក៏បានឈប់រថយន្ត ហើយយករថយន្តនោះទៅប្លុងចោលនៅលើផ្លូវជាតិលេខ១ នៅចំណុចភូមិកណ្តៀងរាយ ឃុំកណ្តៀងរាយ ស្រុកស្វាយទាប ខេត្តស្វាយរៀង រួចនាំគ្នាគេចខ្លួនបាត់ស្រមោលទៅ។
ប្រភពដដែលបន្តទៀតថា ក្រោយមកសមត្ថកិច្ចក៏ស្រាវជ្រាវយ៉ាងដុតដៃដុតជើង រហូតដល់ម៉ោង៦ល្ងាចថ្ងៃទី២២ ខែវិច្ឆិកា ថ្ងៃដដែល និងកំណត់បានមុខសញ្ញាជនសង្ស័យដែលបានជួលផ្ទះរបស់ឈ្មោះ កៅ ផល្លា ភេទស្រី អាយុ៤០ឆ្នាំ ដែលមានទីតាំងនៅក្នុងបូរីរិទ្ធី រ៉េស៊ីដេន ស្ថិតក្នុងភូមិតាបិប សង្កាត់បាវិត ក្រុងបាវិត ខេត្តស្វាយរៀង បន្ទាប់មក សមត្ថកិច្ចក៏បានធ្វើការឆែកឆេរផ្ទះជួលនោះ។ ដោយមានការសម្របសម្រួលនីតិវិធី ពីលោក ដូរ៉ា អង្គប្រទាន ព្រះរាជអាជ្ញារង អមសាលាដំបូងខេត្តស្វាយរៀង ក៏បានរកឃើញមាននារីជាជនជាតិវៀតណាមចំនួន១១នាក់ ហើយក៏បាននាំខ្លួនយកមកអធិការដ្ឋានក្រុងបាវិត ដើម្បីធ្វើការសាកសួរ ។
ក្រោយពីការសាកសួរចប់ និងមានការឯកភាពពីលោកព្រះរាជអាជ្ញាអមសាលាដំបូងខេត្តស្វាយរៀង ឱ្យឃាត់ខ្លួននារីជនជាតិវៀតណាមទាំង១១នាក់នោះជាបណ្ដោះអាសន្ត ដើម្បីធ្វើការស្រាវជ្រាវរកមុខសញ្ញាបន្តទៀត ជាពិសេសម្ចាស់អាវុធដែលបានបាញ់បោះនៅក្នុងហាងខារ៉ាអូខេ។ តែមុនពេលសមត្ថកិច្ចទៅដល់នោះ គឺជនសង្ស័យបានបើករថយន្តរត់គេចពីសមត្ថកិច្ច ដោយដឹកបក្សពួកទៅទម្លាក់នៅផ្ទះជួល ហើយក៏បើករថយន្តគេចខ្លួន។ ក្រោយមកសមត្ថកិច្ចបានដាក់កម្លាំងចាំស្ទាក់តាមផ្លូវ ទើបជនសង្ស័យទុករថយន្តប្លុងចោល ហើយគេចខ្លួនបាត់ស្រមោលតែម្តងទៅ។ ទោះបីជាយ៉ាងណាក៏ដោយ ក៏សមត្ថកិច្ចកំពុងបន្តការស្រាវជ្រាវរកជនសង្ស័យខាងលើ យកមកផ្តន្ទាទោសឲ្យខាងតែបាន ហើយគេមានការសង្ស័យថា ឈ្លោះ ព្រោះតែដណ្តើមស្រីគ្នា ។
សូមបញ្ជាក់ថា លុះមកដល់ព្រឹកថ្ងៃទី២៤ ខែវិច្ឆិកា ឆ្នាំ២០២២នេះ មិនអាចសុំការបំភ្លឺក្នុងការតាមវែកមុខម្ចាស់រថយន្តដែលជាជនបង្កការបាញ់បោះនោះទេ លទ្ធផលយ៉ាងណានោះ សូមរង់ចាំសមត្ថកិច្ចបំភ្លឺនៅពេលក្រោយបន្តទៀត៕
ចែករំលែកព័តមាននេះ