យុវតីម្នាក់ត្រូវបង្ខំឱ្យដោះអាវទ្រនាប់ពេលចូលប្រឡង
AFP ផ្សាយថា យុវតីជនជាតិឥណ្ឌាម្នាក់បានបង្ហើបឱ្យដឹងកាលពីថ្ងៃទី៨ ឧសភា ២០១៧ថា នាងត្រូវមេប្រយោគរបស់ក្រសួងអប់រំបញ្ជាឱ្យដោះអាវទ្រនាប់ចេញ
AFP ផ្សាយថា យុវតីជនជាតិឥណ្ឌាម្នាក់បានបង្ហើបឱ្យដឹងកាលពីថ្ងៃទី៨ ឧសភា ២០១៧ថា នាងត្រូវមេប្រយោគរបស់ក្រសួងអប់រំបញ្ជាឱ្យដោះអាវទ្រនាប់ចេញ
AFP ផ្សាយថា យុវតីជនជាតិឥណ្ឌាម្នាក់បានបង្ហើបឱ្យដឹងកាលពីថ្ងៃទី៨ ឧសភា ២០១៧ថា នាងត្រូវមេប្រយោគរបស់ក្រសួងអប់រំបញ្ជាឱ្យដោះអាវទ្រនាប់ចេញនៅចំពោះមុខបេក្ខជនប្រឡងជាច្រើន ដោយសង្ស័យថានាងលាក់ឧបករណ៍អេឡិកត្រូនិកពេលចូលប្រឡងពេទ្យ ។
យុវតីដែលមិនបង្ហាញឈ្មោះនោះបញ្ជាក់ប្រាប់សារព័ត៌មានក្នុងស្រុកថា នៅពេលនាងចូលប្រឡងនៅមជ្ឈមណ្ឌលប្រឡងក្នុងរដ្ឋក្រេឡា កាលពីថ្ងៃទី៧ ឧសភា ២០១៧ ស្រាប់តែម៉ាស៊ីនត្រួតពិនិត្យមុនចូលប្រឡងបញ្ចេញសំឡេងរោទ៍។ នាងនិយាយថា «ពេលនោះពួកគេប្រាប់ខ្ញុំថា ប្រសិនបើមិនដោះអាវក្នុងចេញមិនអនុញ្ញាតឱ្យខ្ញុំចូលប្រឡងទេព្រោះសង្ស័យខ្ញុំលាក់ឯកសារ ហេតុដូច្នេះខ្ញុំក៏ដោះវាចេញ និងយកវាផ្ញើម្តាយដែលឈរចាំនៅខាងក្រៅ» ។
យុវតីដដែលបញ្ជាក់ប្រាប់ Times of India ថា «ខ្ញុំបាត់បង់ទំនុកចិត្ត និងមានអារម្មណ៍ច្របូកច្របល់នៅពេលឱ្យនាងខ្ញុំដោះអាវទ្រនាប់ចេញនៅចំពោះមុខមនុស្សជាច្រើនបែបនោះ » ។
លោកចាឡា លុដឌីន ប្រធាននាយកដ្ឋានអប់រំរបស់ឥណ្ឌាថ្លែងថា«យើងមានបទបញ្ជាយ៉ាងច្បាស់ថា ប្រសិនបើម៉ាស៊ីនដែលចាប់យកលោហៈបញ្ចេញសំឡេងស្រែក នឹងមិនអនុញ្ញាតឱ្យចូលមណ្ឌលប្រឡងទេ ហើយយើងប្រាប់ឱ្យសិស្សយកវត្ថុនោះចេញ » ។
កាលពីឆ្នាំ២០១៥ មនុស្សជាច្រើននាក់ត្រូវចាប់ខ្លួននៅរដ្ឋភីហា ពីបទផ្លោះរបង និងឡើងលើជញ្ជាំងនៃមណ្ឌលប្រឡងដើម្បីយកឯកសារឱ្យបេក្ខជនប្រឡងជាសាច់ញាតិរបស់ខ្លួន ៕
ចែករំលែកព័តមាននេះ