ខេត្តឧត្តរមានជ័យ ៖ ក្មេងទំនើង២ក្រុមកើតមានជម្លោះឈានដល់ការប្រើអំពើហិ.ង្សាដេញកា.ប់ចាក់គ្នាដូចសាច់រឿងហុងកុង នៅក្នុងរោងអាពាហ៍ពិពាហ៍កូនប្រុសស្រី ហេតុការណ៍នេះកើតឡើងកាលពីវេលាម៉ោង២និង១៥នាទីរសៀល
ខេត្តឧត្តរមានជ័យ ៖ ក្មេងទំនើង២ក្រុមកើតមានជម្លោះឈានដល់ការប្រើអំពើហិង្សាដេញកាប់ចាក់គ្នាដូចសាច់រឿងហុងកុង នៅក្នុងរោងអាពាហ៍ពិពាហ៍កូនប្រុសស្រី ហេតុការណ៍នេះកើតឡើងកាលពីវេលាម៉ោង២និង១៥នាទីរសៀលថ្ងៃទី១ ខែឧសភា ឆ្នាំ២០១៧ ស្ថិតក្នុងភូមិបាត់ផ្តៅ ឃុំចុងកាល ស្រុកចុងកាល់ ។
ក្រុមក្មេងទំនើងទាំង២ក្រុមដែលដេញកាប់ចាក់គ្នានោះ ១-ឈ្មោះ សេ វាសនា ភេទប្រុស អាយុ៣០ឆ្នាំ មុខររធ្វើស្រែ ២-ឈ្មោះ រាំ ខ្លិម ភេទប្រុស អាយុ១៩ឆ្នាំ មុខរបរធ្វើស្រែ រងរបួសបែកលើត្របកភ្នែកខាងឆ្វេងប្រវែង៥ហ៊ុន ៣-ឈ្មោះ រើន ដូច ភេទប្រុស អាយុ២២ឆ្នាំ មុខរបរធ្វើស្រែ រងរបួសដាច់បាតដៃខាងស្តាំប្រវែង១តឹក ៤-ឈ្មោះតើយ មុំ ភេទប្រុស អាយុ២៤ឆ្នាំ មុខរបរធ្វើស្រែ រងរបួសបែកលើត្រជៀកខាងស្តាំប្រវែង៣ហ៊ុន ទាំង៤នាក់រស់នៅភូមិបាត់ផ្តៅ ឃុំចុងកាល់ ស្រុកចុងកាល់ រងរបួសបែកក្បាល កំពុងសំរាកព្យាបាលនៅក្នុងមន្ទីរពេទ្យ។ ដោយឡែកភាគីដែលឈ្នះ ១-ឈ្មោះ លី ស៊ីមា ភេទប្រុស អាយុ១៨ឆ្នាំ មុខរបរកសិករ នៅភូមិ១ ឃុំព្រះពល្លា ស្រុកសេរីសោភ័ណ្ឌ ខេត្តបន្ទាយមានជ័យ ២-ឈ្មោះ សរ សេរី ភេទប្រុស អាយុ២៨ឆ្នាំ មុខរបរកសិករ ៣-ឈ្មោះ ប្រាក់ សុពេក ភេទប្រុស អាយុ១៩ឆ្នាំ មុខរបរធ្វើស្រែ និង៤-ឈ្មោះ លី ម៉ៅ ភេទប្រុស អាយុ២៨ឆ្នាំ មុខរបរកសិករ ទាំង៤នាក់នេះរស់នៅភូមិជាមួយគ្នាខាងលើ ត្រូវប៉ូលីសឃាត់ខ្លួន។
ប៉ូលិសស្រុកចុងកាល់បានឱ្យដឹងថា ពេលនោះមានពលរដ្ឋរស់នៅភូមិ-ឃុំកើតហេតុខាងលើបានរៀបចំអាពាហ៍ពិពាហ៍កូនប្រុសស្រី ហើយមានចាក់ធុងបាស់រាំលេងកម្សាន្តផងដែរ ស្រាប់តែក្រុមក្មេងទាំង២ក្រុមកើតមានជម្លោះវាយតប់កាប់ចាក់គ្នា បណ្តាលឱ្យ៤នាក់រងរបួសធ្ងន់-ស្រាល និង៤នាក់ទៀតសមត្ថកិច្ចធ្វើការឃាត់ខ្លួននាំទៅសាកសួរ និងកសាងសំណុំរឿងចាត់ការទៅតាមនិតិវិធីច្បាប់៕
ចែករំលែកព័តមាននេះ