ប្រធានាធិបតីអាមេរិកលោក Joe Biden នឹងជំរុញមេដឹកនាំចិន Xi Jinping ឱ្យទប់ស្កាត់ «ទំនោរអាក្រក់បំផុតរបស់កូរ៉េខាងជើង» ហើយប្រាប់គាត់ថា ការកសាងអាវុធរបស់ទីក្រុងព្យុងយ៉ាងនឹងជំរុញឱ្យមានការពង្រឹងវត្តមានយោធាអាមេរិកនៅក្នុងតំបន់អាស៊ី។…
ប្រធានាធិបតីអាមេរិកលោក Joe Biden នឹងជំរុញមេដឹកនាំចិន Xi Jinping ឱ្យទប់ស្កាត់ «ទំនោរអាក្រក់បំផុតរបស់កូរ៉េខាងជើង» ហើយប្រាប់គាត់ថា ការកសាងអាវុធរបស់ទីក្រុងព្យុងយ៉ាងនឹងជំរុញឱ្យមានការពង្រឹងវត្តមានយោធាអាមេរិកនៅក្នុងតំបន់អាស៊ី។ នេះបើតាមមន្ត្រីជាន់ខ្ពស់មួយរូបបាននិយាយនៅថ្ងៃសៅរ៍ទី ១២ ខែវិច្ឆិកា នេះ ។
ទីប្រឹក្សាសន្តិសុខជាតិលោក Jake Sullivan បានប្រាប់អ្នកយកព័ត៌មានថា នៅក្នុងកិច្ចប្រជុំនៅថ្ងៃចន្ទខាងមុខនេះ នៅក្រៅកិច្ចប្រជុំកំពូល G20 លោក Biden នឹងប្រាប់លោក Xi ថា ប្រទេសចិនមាន «ផលប្រយោជន៍ក្នុងការដើរតួនាទីស្ថាបនាក្នុងការទប់ស្កាត់និន្នាការដ៏អាក្រក់បំផុតរបស់កូរ៉េខាងជើង» ។
លោក Biden ក៏នឹងប្រាប់លោក Xi ផងដែរថា ការកសាងមីស៊ីល និងនុយក្លេអ៊ែររបស់កូរ៉េខាងជើងនៅលើផ្លូវនេះ វានឹងមានន័យថា ជាការបង្កើនវត្តមានបន្ថែមរបស់យោធា និងសន្តិសុខអាមេរិកនៅក្នុងតំបន់ ។
ថ្លែងអំឡុងការធ្វើដំណើរទៅកាន់ប្រទេសកម្ពុជា សម្រាប់ចូលរួមកិច្ចប្រជុំកំពូលអាស៊ាននៅសប្តាហ៍នេះ លោក Jake Sullivan និយាយថា លោក Biden នឹងមិនធ្វើការទាមទារលើចិននោះទេ ប៉ុន្តែជាការផ្តល់ទស្សនៈដល់លោក Xi ។
លោកលើកឡើងថា «កូរ៉េខាងជើងតំណាងឱ្យការគំរា.មកំហែងមិនត្រឹមតែចំពោះសហរដ្ឋអាមេរិក មិនត្រឹមតែចំពោះកូរ៉េខាងត្បូង និងជប៉ុនប៉ុណ្ណោះទេ ប៉ុន្តែសម្រាប់សន្តិភាព និងស្ថិរភាពនៅទូទាំងតំបន់ទាំងមូល» ។
លោក Sullivan បាននិយាយថា តើចិនចង់បង្កើនសម្ពាធលើកូរ៉េខាងជើង គឺ«ពិតណាស់អាស្រ័យលើពួកគេ» ។ ប៉ុន្តែលោកបញ្ជាក់ថា «ស្ថានភាពគឺកាន់តែធ្ងន់ធ្ងរក្នុងពេលបច្ចុប្បន្ន» ដោយកូរ៉េខាងជើងត្រូវគេរំពឹងថា នឹងធ្វើការបា.ញ់សាកល្បងអាវុ.ធនុយក្លេអ៊ែរ និងកសាងសមត្ថភាពមីស៊ីលរបស់ខ្លួនយ៉ាងលឿន ។
ទីប្រឹក្សារូបនេះក៏បាននិយាយផងដែរថា លោក Biden សង្ឃឹមថា ការជួបពិភាក្សាទល់មុខដោយផ្ទាល់ជាលើកដំបូងជាមួយលោក Xi Jinping នឹងនាំឱ្យកិច្ចប្រជុំបែបនេះកាន់តែច្រើន និងមានការចូលរួមបន្ថែមរវាងរដ្ឋាភិបាលទាំងពីរ ៕ (យោងតាមប្រភព៖ CNA)
ចែករំលែកព័តមាននេះ