រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កាលពីវេលាម៉ោង០១ និង៣០នាទីរសៀលថ្ងៃទី២៧ មេសា មានការភ្ញាក់ផ្អើលមួយ ដោយឃើញកម្លាំងនគរបាលការិយាល័យប្រឆាំងការជួញដូរមនុស្ស និងអនីតិជនជាច្រើននាក់ នាំគ្នាចុះទៅក្នុងហាងលក់នំប៉័ងសាច់មួយកន្លែង មានផ្ទះលេខ៣៩ ផ្លូវ១៥៥ ក្នុងសង្កាត់ទួលទំពូង១ ខណ្ឌចំការមន ដើម្បីឃាត់ខ្លួនបុរសជនបរទេសម្នាក់ ពាក់ព័ន្ធករណីរំលោភសេពសន្ថវៈលើអនីតិជន ។
ប្រភពឱ្យដឹងថា ទោះបីជាយ៉ាងណា ភ្លាមៗនោះ គេមិនបានស្គាល់ឈ្មោះបុរសបរទេសជាប់ចោទខាងលើទេ ព្រោះកម្លាំងបញ្ជូនចូលរថយន្តនាំទៅកាន់ស្នងការរាជធានីភ្នំពេញ ដើម្បីចាត់ការតាមច្បាប់ ។ ការចាប់ខ្លួននេះផងដែរ គឺបន្ទាប់ពីមានពាក្យបណ្តឹងរបស់ភាគីខាងជនរងគ្រោះ ដែលសុទ្ធសឹងតែជាអនីតិជន មានរហូតដល់៤នាក់ឯណោះ ។
ចែករំលែកព័តមាននេះ