អ្នករកស៊ីពុះដីឡូត៌លក់ម្នាក់ធ្លាប់បា.ញ់សង្សារកាល២ឆ្នាំមុន ពេលនេះបា.ញ់គំរា.មអ្នកភូមិទៀត
រាជធានីភ្នំពេញ ៖ ជនសង្ស័យ២នាក់ ក្នុងនោះម្នាក់គឺជាអ្នករកស៊ីពុះដីឡូត៍លក់ ហើយធ្លាប់បា.ញ់
រាជធានីភ្នំពេញ ៖ ជនសង្ស័យ២នាក់ ក្នុងនោះម្នាក់គឺជាអ្នករកស៊ីពុះដីឡូត៍លក់ ហើយធ្លាប់បា.ញ់សម្លា.ប់សង្សារកាលពី២ឆ្នាំមុន និងម្នាក់ទៀតជាមន្ត្រីយោធានៅអង្គភាពបញ្ជូនសារ ត្រូវបានកម្លាំងនគរបាលប៉ុស្តិ៍ចោមចៅទី៣ ធ្វើការឃាត់ខ្លួន ។ ក្រោយពេលជនសង្ស័យទាំង២នាក់បានវា.យ និងបា.ញ់គំរា.ម ព្រមបើករថយន្តបំបុ.កអ្នកភូមិប៉ុនប៉ងសម្លា.ប់ រួចនាំគ្នាចូលកាន់ប៉ុស្តិ៍នគរបាលដើម្បីដាក់ពាក្យបណ្ដឹងចោទប្រកាន់ជនរងគ្រោះថែមទៀតនោះ។
ហេតុករណ៍ខាងលើនោះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង២រសៀល ថ្ងៃទី៨ ខែវិច្ឆិកា ឆ្នាំ២០២២ នៅតាមផ្លូវលំក្បែរផ្លូវរថភ្លើងខ្សែភ្នំពេញ-កំពត ស្ថិតនៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១-ឈ្មោះទាក់ ឌី ហៅឌី អាយុ៣០ឆ្នាំ មុខរបរពុះដីឡូត៌លក់ មានទីលំនៅផ្ទះលេខ១៤២ ផ្លូវលេខ៣៦ បុរីពិភពថ្មីឈូកវ៉ា២ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យ១រូបនេះជិះរថយន្តម៉ាកJeep ពណ៍ខ្មៅ ពាក់ស្លាកលេខ ភ្នំពេញ 2BG-0004 និងប្រើប្រាស់អាវុ.ធខ្លីប្រភេទបា.ញ់ឆ.ក់១ដើម និងធ្លាប់បា.ញ់សម្លា.ប់សង្សារនៅក្នុងរថយន្តកាលពីអំឡុងឆ្នាំ២០២០កន្លងទៅនេះនៅក្នុងខេត្តកំពង់ឆ្នាំង ។ ទី២-ឈ្មោះកើត សម្ផស្ស អាយុ៣៤ឆ្នាំមុខរបរជាយោធានៅអគ្គបញ្ជាការដ្ឋានបញ្ជូនសារ ស្នាក់នៅក្នុងបន្ទាយស្ថិតនៅក្នុងភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ ។ ជននេះប្រើប្រាស់អាវុ.ធខ្លី១ដើម ម៉ាកBereta ហើយក្រោយបង្កហេតុរួចបានយកអាវុ.ធនោះទៅទុកនៅបន្ទាយវិញហើយ។
ដោយឡែកជនរងគ្រោះ២នាក់ ក្នុងនោះម្នាក់ឈ្មោះ ហយ ហេន ភេទប្រុស អាយុ៤៧ឆ្នាំ មុខរបរ បើកបររថយន្ត ស្នាក់នៅក្នុងភូមិកើតហេតុ បានរងរបួសជើង និងខ្លួនប្រាណ ដោយសារជនសង្ស័យឈ្មោះទាក់ឌី ហៅ ឌី បើករថយន្តបុ.ក និងម្នាក់ទៀតឈ្មោះនួន លី ភេទប្រុស អាយុ៦៣ឆ្នាំ មុខរបរបើកបររថយន្ត ស្នាក់នៅក្នុងភូមិកើតហេតុ រងរបួសហើមជាំមេដៃ ដោយសាតែជនសង្ស័យឈ្មោះទាក់ ឌី វា.យទាត់ធាក់ និងបា.ញ់គំរាម.ប៉ងសម្លា.ប់ទាំងរូបគាត់និងកូនៗរបស់គាត់ផងដែរ។
យោងតាមរបាយការណ៍នគរបាលខណ្ឌពោធិ៍សែនជ័យបញ្ជាក់ថា នៅមុនពេលកើតហេតុ ជនរងគ្រោះឈ្មោះនួន លី បានដើរចេញពីផ្ទះទៅរកទិញបារីជក់នៅផ្ទះរបស់អ្នកក្បែរខាងម្នាក់ទៀតឈ្មោះជួប ផល ហើយពេលទៅដល់បានឃើញជនសង្ស័យទាំង២នាក់នោះកំពុងផឹកស៊ីជាមួយម្ចាស់។ ខណៈនោះម្ចាស់ផ្ទះឈ្មោះជួប ផល បានហៅបុរសរងគ្រោះឲ្យចូលផឹកស៊ីជាមួយដែរ ប៉ុន្តែជនរងគ្រោះប្រកែកនិងបាននិយាយលេងសើចតាមបែបអ្នករាប់អានគ្នាថា «កូនចៅឯងផឹកទៅ ព្រោះខ្ញុំក៏ស្រវឹងស្រាដែរហើយ »។
តាមប្រភពដដែលនេះបានឲ្យដឹងទៀតថា ពាក្យលេងសើចនេះ ម្ចាស់ផ្ទះឈ្មោះជួបផល ពុំបានប្រកាន់នោះទេ ប៉ុន្តែបែរជាជនសង្ស័យឈ្មោះទាក់ ឌី ហៅឌី ខឹងច្រឡោតទៅវិញ ហើយជននេះបាននិយាយទៅកាន់ជនរងគ្រោះដែលមានអាយុស្មើរនិងឪពុកខ្លួនទៅហើយនោះថា«ឯងនិយាយច្រើនម្ល៉េះ? តាឯងមកពីណា? និយាយឈ្លើយម្ល៉េះ? » ។ បន្ទាប់មកជនសង្ស័យរូបនេះបានស្ទុះទៅវា.យទាត់ធាក់បុរសរងគ្រោះ បណ្ដាលឲ្យរងរបួសមេដៃហើមជាំ ហើយជនរងគ្រោះគ្មានលទ្ធភាពតបតឡើយ និងបានដើរត្រឡប់ទៅផ្ទះវិញ រួចបានប្រាប់រឿងរ៉ាវដល់កូនប្រុសរបស់គាត់កំពុងផឹកស៊ីនៅផ្ទះបានដឹង។
របាយការណ៍ខាងលើបានសរសេរបន្តទៀតថា ភ្លាមៗនិះកូនប្រុសរួមទាំងបងប្អូនជនរងគ្រោះបាននាំគ្នាទៅសួរនាំជនសង្ស័យឈ្មោះទាក់ ឌី នោះថា«ហេតុអ្វីបានជាវាយទាត់ធាក់ឪពុកខ្ញុំអញ្ចឹង?» ខណៈនោះក៏បង្កឲ្យមានការឈ្លោះប្រកែកគ្នាយ៉ាងខ្លាំងរហូតឈានដល់ការប្រទូស្តរាយគ្នា ហើយឈ្មោះទាក់ ឌី បានយកកាំភ្លើ.ងខ្លីបា.ញ់ទៅលើក្រុមជនរងគ្រោះ១គ្រាប់ ប៉ុន្តែពុំបណ្ដាលឲ្យត្រូវនរណាម្នាក់ឡើយ ។ បន្ទាប់មកជនសង្ស័យម្នាក់ទៀតឈ្មោះកើត សម្ផស្ស ដែលជាមន្ត្រីយោធា បានយកអាវុ.ធខ្លីម៉ាកBereta មកភ្ជង់គំរា.មក្រុមជនរងគ្រោះ ការពារមិនឲ្យក្រុមជនរងគ្រោះចូលទៅវា.យឈ្មោះទាក់ ឌី ទើបពេលនោះឈ្មោះទាក់ ឌី មានឱកាសឡើងបើករថយន្តម៉ាកJeep គេចខ្លួននិងបានបើកបំបុ.កជនរងគ្រោះម្នាក់ទៀតឈ្មោះ ហយ ហេន អូសជាច្រើនម៉ែត្របណ្ដាលឲ្យរងរបួសយ៉ាងដំណំ រួចបើករថយន្តគេចបាត់ស្រមោល។
នៅក្នុងរបាយការណ៍នោះបានបញ្ជាក់បន្ថែមថា លុះមួយសន្ទុះក្រោយមកទើបជនសង្ស័យឈ្មោះទាក់ ឌី នេះបើករថយន្តត្រឡប់ទៅកាន់កន្លែងកើតហេតុវិញ ដើម្បីទៅដឹកបក្សពួកឈ្មោះ កើត សម្ផស្ស ចេញពីកន្លែងកើតហេតុ ។ ខណៈនោះមុននិងដឹកគ្នាចាកចេញទៅជនសង្ស័យទាក់ ឌី បានបា.ញ់ឡើងលើ១គ្រាប់ទៀតគំរា.មមិនឲ្យអ្នកភូមិចូលទៅជិត រួចទើបនាំគ្នាជិះរថយន្តគេចខ្លួនបាត់ស្រមោល ។
ចំណែកកម្លាំងនគរបាលប៉ុស្តិ៍ចោមចៅទី៣ ក៏បានចុះទៅអន្តរាគមន៍ស្រាវជ្រាវភ្លាមៗផងដែរ ហើយរហូតដល់វេលាម៉ោង៨យប់ថ្ងៃដដែល ស្រាប់តែលេចមុនជនសង្ស័យទាំង២នាក់ជិះរថយន្តម៉ាកJeepខាងលើចូលទៅកាន់ប៉ុស្តិ៍នគរបាលចោមចៅទី៣ ដើម្បីដាក់ពាក្យបណ្ដឹងលើជនរងគ្រោះនិងបំភ្លឺជូននគរបាល ហើយពេលនោះនគរបាលក៏បានឃាត់ខ្លួនទាំង២នាក់ ដោយដកហូតយករថយន្តJeep១គ្រឿង អាវុ.ធខ្លីបា.ញ់ឆ.ក់១ដើម ជារបស់ជនសង្ស័យទាក់ ឌី ចំណែកអាវុ.ធខ្លីម៉ាកBereta ដែលជារបស់ជនសង្ស័យឈ្មោះកើត សម្ផស្ស ត្រូវបានជននេះយកទៅទុកនៅក្នុងបន្ទាយអគ្គបញ្ជាការដ្ឋានបញ្ជូនសារ ហើយនគរបាលបានកសាងសំណុំរឿងបញ្ជូនទៅសាលាដំបូងរាជធានីភ្នំពេញហើយ។
សូមរម្លឹកថា ជនសង្ស័យឈ្មោះទាក់ ឌី ហៅឌី អាយុ៣០ឆ្នាំ មុខរបរពុះដីឡូត៌លក់ មានទីលំនៅផ្ទះលេខ១៤២ ផ្លូវលេខ៣៦ បុរីពិភពថ្មីឈូក គឺជាឃា.តករបា.ញ់សម្លា.ប់ស្ត្រីម្នាក់ឈ្មោះធី លីហ្សា អាយុ១៨ឆ្នាំ ជាសង្សារ បណ្ដាលឲ្យស្លា.ប់ក្នុងរថយន្ត កាលពីវេលាទៀបភ្លឺថ្ងៃទី១៦ ខែកញ្ញា ឆ្នាំ២០២០ ហើយបើករថយន្តចូលទៅសារភាពនៅអាវុធហត្ថស្រុកឧដុង្គ ខេត្តកំពង់ស្ពឺ ។ ពេលនោះត្រូវបានកងរាជអាវុធហត្ថចាប់ខ្លួន ប៉ុន្តែទោសបា.ញ់សម្លា.ប់មនុស្សនេះជា.ប់គុ.កមិនបានយូរនោះទេ ក៏ចេញមកវិញ ហើយបានដើរផឹកស៊ីអុកឡុក គំរា.មបា.ញ់សម្លា.ប់អ្នកភូមិគួរឲ្យភ័.យខ្លា.ចបែបនេះដដែល ៕
ចែករំលែកព័តមាននេះ