បង្ក្រាបបទល្មើសនេសាទនៅអន្លង់មេត្រី រឹបអូសរបាំងសាច់អួន និងរបាំងស្បៃមុងជាច្រើន(វីដេអូ)
- កំពង់ឆ្នាំង
សមត្ថកិច្ចចម្រុះ មានកងរាជអាវុធហត្ថស្រុក នគរបាលស្រុក និងមន្ត្រីជំនាញរដ្ឋបាលជលផលកំពង់ប្រាសាទ
សមត្ថកិច្ចចម្រុះ មានកងរាជអាវុធហត្ថស្រុក នគរបាលស្រុក និងមន្ត្រីជំនាញរដ្ឋបាលជលផលកំពង់ប្រាសាទ
ខេត្តកំពង់ឆ្នាំង ៖ សមត្ថកិច្ចចម្រុះ មានកងរាជអាវុធហត្ថស្រុក នគរបាលស្រុក និងមន្ត្រីជំនាញរដ្ឋបាលជលផលកំពង់ប្រាសាទ នៅព្រឹកថ្ងៃទី៣ ខែវិច្ឆិកា ឆ្នាំ២០២២ បានចុះបង្ក្រាបបទល្មើសនេសាទដាក់របាំងសាច់អួន និងរបាំងស្បៃមុង នៅចំណុចអន្លង់មេត្រី ស្ថិតក្នុងភូមិក្បាលកន្លង់ ឃុំពាមឆ្កោក ស្រុកជ្រុលគីរី។
មន្ត្រីរដ្ឋបាលជលផលកំពង់ប្រាសាទ បានឲ្យដឹងថា កម្លាំងសមត្ថកិច្ចចម្រុះចំនួន១៤នាក់ បានប្រើមធ្យោបាយកាណូតបាឡាស្មាច់ចំនួន៤គ្រឿង ចុះបង្ក្រាបទល្មើសនេសាទ ដែលដាក់របាំងសាច់អួន និងរបាំងស្បៃមុង នៅចំណុចអន្លុងមេត្រី ស្ថិតក្នុងភូមិក្បាលកន្លង់ ឃុំពាមឆ្កោក ដែលជាលទ្ធផល បានរុះរើរបាំងសាច់អួនចំនួន៤កន្លែង ដែលមានប្រវែង៤៥០ម៉ែត្រ, រុះរើរបាំងស្បៃមុង ចំនួន១៤កន្លែង ដែលមានប្រវែង៦០០ម៉ែត្រ, លបលូសាច់អួន ចំនួន៤មាត់, លបលូស្បៃមុង ចំនួន១៤មាត់, បង្គោលចំនួន៣៥០ដើម និងចាក់លែងកូនត្រីចម្រុះចូលទៅក្នុងបឹងធម្មជាតិវិញជាង១០០គីឡូក្រាម ហើយចំពោះសម្ភារៈវិញ ត្រូវបំផ្លាញចោលនៅនឹងកន្លែងតែម្តង។
សូមបញ្ជាក់ផងដែរថា បទល្មើសនេសាទនៅតែកើតមានឡើងតាមតំបន់នានា ជាពិសេសនៅស្រុកជ្រុលគីរីគឺ ការដាក់របាំងសាច់ស្បៃមុង ដែលជាបទល្មើសបំផ្លាញមច្ឆាជាតិយ៉ាងធ្ងន់ធ្ងរ ព្រោះតែត្រីតូចធំមិនរួចពីស្បៃមុងរបស់ក្រុមបទល្មើសនេះឡើយ៕
ចែករំលែកព័តមាននេះ