ADផ្ទាំងផ្សព្វផ្សាយពាណិជ្ជកម្ម

Picture

​ហ៊ាន​មែន​! កាត់​ពី​ត្បូងឃ្មុំ មក​លួច​ក្របី​ដល់​កំពង់ឆ្នាំង ចុង​ក្រោយ​នៅ​តែ​រត់​មិន​រួច

1 ឆ្នាំ មុន
  • កំពង់ឆ្នាំង

ជនសង្ស័យ​ចំនួន​២​នាក់ រួម​នឹង​វត្ថុ​តាង​មាន​ក្របី​ចំនួន​៤​ក្បាល ត្រូវ​បាន​សមត្ថ​កិច្ច​នគរបាល​ប៉ុស្តិ៍​ក្តុល​សែន​ជ័យ និង​នគរបាល​ប៉ុស្តិ៍​អញ្ចាញ​រូង សហការ​ជាមួយ​ប្រជា​ការពារ​ធ្វើការ​

ខេត្តកំពង់ឆ្នាំង ៖ ជនសង្ស័យ​ចំនួន​២​នាក់ រួម​នឹង​វត្ថុ​តាង​មាន​ក្របី​ចំនួន​៤​ក្បាល ត្រូវ​បាន​សមត្ថ​កិច្ច​នគរបាល​ប៉ុស្តិ៍​ក្តុល​សែន​ជ័យ និង​នគរបាល​ប៉ុស្តិ៍​អញ្ចាញ​រូង សហការ​ជាមួយ​ប្រជា​ការពារ​ធ្វើការ​ចាប់​ឃាត់​បាន​នៅ​វេលា​ម៉ោង​១​និង​៣០​នាទី​រំលង​អធ្រាត្រ​ឈាន​ចូល​ថ្ងៃ​ទី​១៤ ខែវិច្ឆិកា ឆ្នាំ​២០២២ នៅ​ចំណុច​ព្រែកជីក ស្ថិត​ក្នុងភូមិ​អញ្ចាញ ឃុំ​ក្តុល​សែន​ជ័យ ស្រុក​ទឹកផុស​។

លោក ខែ​ម វិបុល អធិការ​នគរបាល​ស្រុក​ទឹកផុស បាន​ឲ្យ​ដឹង​ថា ជនសង្ស័យ​ជា​មុខសញ្ញា​ធ្វើ​សកម្មភាព​លួច​ក្របី​ទាំង​២​នាក់​ខាងលើ​នេះ ម្នាក់​មានឈ្មោះ ម៉េ​ន បាន អាយុ​៣១​ឆ្នាំ និង​ម្នាក់​ទៀត​ឈ្មោះ ឈុ​ន ដា​និ​តុ អាយុ​២៧​ឆ្នាំ ពួក​គេ​ទាំង​២​នាក់​មាន​ទីលំនៅ​ភូមិ​អណ្ដូង​តា​ជោ ឃុំ​រូង ស្រុក​មេមត់ ខេត្ត​ត្បូងឃ្មុំ ចំណែក​វត្ថុ​តាង​ដែល​រឹបអូស​យក​បាន​វិញ មាន​ក្របី​ចំនួន​៤​ក្បាល ក្នុង​នោះ​កូន​ក្របី​ឈ្មោល​១​ក្បាល​។

ប្រភព​ដដែល​បាន​បន្ត​ថា ក្របី​ទាំង​៤​ក្បាល​ខាងលើ​នេះ គឺជា​កម្មសិទ្ធិ​របស់​ម្ចាស់​ទី​១- ឈ្មោះ យ៉ែ​ម សុខ​ភឿន អាយុ​៤៤​ឆ្នាំ មាន​ក្របី​មេ​១​ក្បាល និង​កូន​ក្របី​ឈ្មោល​១​ក្បាល​, ម្ចាស់​ទី​២- ឈ្មោះ ឆៅ អាត មាន​មេក្របី​១​ក្បាល និង​ម្ចាស់​ទី​៣- ឈ្មោះ អ៊ុ​ន អាយុ​៧៦​ឆ្នាំ មាន​ក្របី​មេ​១​ក្បាល​។

ជនសង្ស័យ​ទាំង​២​នាក់​ខាងលើ​នេះ ក្រោយ​ពី​បញ្ជូន​មក​ដល់​ស្នងការ​នគរបាល​ខេត្ត បាន​សារភាព​នៅ​ចំពោះ​មុខមន្ត្រី​នគរបាល​កា​រុ​តា​ល័យ​ព្រហ្មទណ្ឌ​កំរិត​ស្រាល​ថា ពួក​គេ​បាន​ប្រព្រឹត្ត​បែប​នេះ​នៅ​ខេត្តកំពង់ឆ្នាំង​ចំនួន​២​ដង​រួច​មក​ហើយ​។

ក្រោយ​ស្តាប់​ចម្លើយ​សារភាព​រួច សមត្ថកិច្ច​បាន​កសាង​សំណុំរឿង​បញ្ជូន​ជនសង្ស័យ​ជា​មុខសញ្ញា​លួច​ក្របី រួម​នឹង​វត្ថុ​តាង​ទៅ​កាន់​តុលាការ ដើម្បី​ចាត់ការ​តាម​ផ្លូវច្បាប់​៕

អត្ថបទសរសេរ ដោយ

កែសម្រួលដោយ