យុវជនយុវតីដ៏ស្រស់ស្អាតចំនួន៣នាក់បានរងរបួសបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវយុវជនចំនួន៨នាក់ ជិះម៉ូតូ៤គ្រឿងដេញតាមកា.ប់ធ្វើឲ្យផិតភ័យ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនយុវតីដ៏ស្រស់ស្អាតចំនួន៣នាក់បានរងរបួសបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវយុវជនចំនួន៨នាក់ ជិះម៉ូតូ៤គ្រឿងដេញតាមកា.ប់ធ្វើឲ្យផិតភ័យចាប់ហ្វ្រាំងមិនជាប់ក៏រអិលទៅបុកចូលហាងមួយកន្លែង បណ្តាលឲ្យរងការខូចខាតតែម្តង បង្កឱ្យមានការភ្ញាក់ផ្អើលកាលពីវេលាម៉ោង២រំលងអធ្រាត្រឈានចូលថ្ងៃទី៣១ ខែតុលា ឆ្នាំ២០២២ នៅតាមបណ្តោយផ្លូវមហាវិថីព្រះសុធារស ចំណុចហាងសាច់អាំងបែបចិន ស្ថិតក្នុងសង្កាត់ទន្លេបាសាក់ ខណ្ឌចំការមន ។
យោងតាមប្រភពពីជនរងគ្រោះបានឲ្យដឹងថា មុនកើតហេតុ ពួកគេបានជិះម៉ូតូម៉ាក Honda Scoppy ពណ៌សផ្កាឈូក ពាក់ស្លាកលេខ ភ្នំពេញ 1JC.3472 ទើបតែចេញមកពីហាងញ៉ាំអីមួយកន្លែង ក្នុងគោលបំណងត្រឡប់ទៅផ្ទះវិញ ខណៈពេលដែលពួកគេធ្វើដំណើរទៅដល់ចំណុចសួនច្បារវត្តបុទុមវត្តី ក៏ស្រាប់តែលេចមុខក្រុមជនបង្ក ដែលមានគ្នាចំនួន៨នា ក់ជិះម៉ូតូ៤គ្រឿង ប្រដាប់ដោយកាំបិតបុ័ងតោគ្រប់ដៃ ជិះសំដៅទៅរកពួកគេ។
ជនរងគ្រោះបន្តថា ភ្លាមៗនោះ ពួកគេក៏បានបត់ម៉ូតូបកក្រោយ ដើម្បីជិះរត់គេចខ្លួន លុះមកដល់ចំណុចខាងមុខប៉ុស្តិ៍នគរបាលទន្លេបាសាក់ បំណងដើម្បីទៅប្រាប់កម្លាំងសមត្ថកិច្ចឲ្យជួយអន្តរាគម៍ ប៉ុន្តែស្របពេលនោះដោយសារតែបើកលឿនពេក ហើយណាមួយភ័យខ្លាចផងនោះ ក៏បានចាប់ហ្វ្រាំងរអិសដួលជ្រុលទៅបុកចំពីក្រោយកង់បីឥណ្ឌា ផ្នែកខាងស្តាំ រងការខូចខាត ចំណែកម៉ូតូវិញនៅមិនទាន់អស់ល្បឿន ក៏ជ្រុលទៅបុកចង្ក្រានអាំងសាច់ហាងចិនមួយកន្លែងបន្ថែមទៀត ធ្វើឱ្យរងការខូចខាត និងបណ្តាលឲ្យយុវតីចំនួន២នាក់រងរបួសធ្ងន់ធ្ងរ បន្ទាប់មកត្រូវបានរថយន្តដឹកបញ្ជូនទៅសង្គ្រោះបន្ទាន់ភ្លាមៗ។
បច្ចុប្បន្ន នគរបាលប៉ុស្តិ៍ទន្លេបាសាក់ បានប្រាប់អោយជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលចតុមុខ ដើម្បីងា.យស្រួលឲ្យខាងសមត្ថកិច្ចធ្វើការស្រាវជ្រាវរកមុខជនបង្កយកមកផ្តន្ទាទោសតាមច្បាប់ផងដែរ៕
ចែករំលែកព័តមាននេះ