នារីតែងខ្លួនជាប្រុសម្នាក់លួចកាបូបលុយគេបានសម្រេចតែគេចខ្លួនមិនរួច
រាជធានីភ្នំពេញ ៖ បុរសម្នាក់ខណៈចេញពីកម្មពិធីផឹកស៊ីត្រឡប់ទៅផ្ទះវិញស្រាប់តែមានស្ត្រីតែងខ្លួនជាប្រុសមកហៅឱ្យគាត់ឈប់ម៉ូតូ
រាជធានីភ្នំពេញ ៖ បុរសម្នាក់ខណៈចេញពីកម្មពិធីផឹកស៊ីត្រឡប់ទៅផ្ទះវិញស្រាប់តែមានស្ត្រីតែងខ្លួនជាប្រុសមកហៅឱ្យគាត់ឈប់ម៉ូតូ
រាជធានីភ្នំពេញ ៖ បុរសម្នាក់ខណៈចេញពីកម្មពិធីផឹកស៊ីត្រឡប់ទៅផ្ទះវិញស្រាប់តែមានស្ត្រីតែងខ្លួនជាប្រុសមកហៅឱ្យគាត់ឈប់ម៉ូតូនិងបានធ្វើសកម្មភាពលូកយកកាបូបលុយរបស់គាត់ចេញពីក្នុងហោបៅពេលនោះគាត់បានដឹងខ្លួនទាន់ក៏ដេញចាប់បានប្រគល់ឱ្យសមត្ថកិច្ចតែម្តង ករណីនេះបង្ករភ្ញាក់ផ្អើកាលពីម៉ោង១១និង៣០នាទីយប់ថ្ងៃទី៨ ខែមេសា ឆ្នាំ២០១៧ នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ស្ត្រីសង្ស័យឈ្មោះ អ៊ី កញ្ញា អាយុ១៨ឆ្នាំ មុខរបរមិនពិតប្រាកដស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតភូមិដូនវង្ស ឃុំទ្រា ស្រុកបាទី ខេត្តតាកែវ ។ ជនរងគ្រោះឈ្មោះ ស សារ៉ូ អាយុ៣៨ឆ្នាំ មុខរបរបុគ្គលិកក្រុមហ៊ុនឯកជនស្នាក់នៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
តាមសំដីបុរសខាងលើបានប្រាប់ថា មុនកើតហេតុគាត់បានចេញពីពិធីជប់លៀងនៅកន្លែងធ្វើការមិត្តភត្តិដោយជិះម៉ូតូម្នាក់ឯង ម៉ាកហុងដាឌ្រីមសេ១២៥ គោលបំណងត្រឡប់ទៅផ្ទះ ខណៈមកដល់ចំណុចខាងលើស្រាប់តែមានស្រីតែងខ្លួនជាប្រុសមកកាក់ហៅតាមដងផ្លូវពេលនោះគាត់បានប្រាបថា គាត់មិនមែនអ្នករត់ម៉ូតួឌុបឡើយពេលនោះស្ត្រីខាងលើបានបន្លំយកកាបូបដាក់លុយពីក្នុងហោប៉ៅខាងក្រោយពេលបានកាបូបដល់ដៃហើយបានព្យាយាមរត់គេចខ្លួនមកដល់ផ្លូលំភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ទើបដេញចាប់បានភ្ញាមៗនិងយកប្រគល់ឱ្យសមត្ថកិច្ចធ្វើការសាកសួរ ។
នៅចំពោះមុខសមត្ថកិច្ចស្រីសង្ស័យបានប្រាប់ថា ខ្លួនពិតជាបានធ្វើសកម្មភាពលួចយកកាបូបលុយខាងលើពិតប្រាកដមែនបច្ចុប្បន្នស្ត្រីខាងលើត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌពោធិ៍សែនជ័យ ៕
ចែករំលែកព័តមាននេះ