ខេត្តបាត់ដំបង ៖ ជនសង្ស័យម្នាក់ ត្រូវសមត្ថកិច្ចតាមឃាត់ខ្លួនបាន ក្រោយពីជិះម៉ូតូធ្វើសកម្មភាពឆក់ទូរស័ព្ទដៃពីក្មេងស្រីម្នាក់បានសម្រេចហើយគេចខ្លួន កើតឡើងកាលពីម៉ោង១២ថ្ងៃត្រង់ថ្ងៃទី០៦ មេសា ស្ថិតក្នុងភូមិអូរតាគាំ១ សង្កាត់ទូលតាឯង ក្រុងបាត់ដំបង។
ប្រភពឱ្យដឹងថា ជនសង្ស័យឈ្មោះលី សុខា អាយុ៤២ឆ្នាំ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ។ ចំណែកក្មេងស្រីរងគ្រោះឈ្មោះគង់ គឹមហុង អាយុ១៣ឆ្នាំ នៅកន្លែងកើតហេតុ ។
មុនពេលកើតហេតុ ជនសង្ស័យបានចុះទៅឆក់យកទូរស័ព្ទពីក្នុងដៃក្មេងស្រីរងគ្រោះ រួចជននេះជិះម៉ូតូគេចខ្លួន តែត្រូវបងស្រីនាងជិះដេញតាម និងស្រែកផ្អើលពេញក្រុង ។ ក្រោយមក ក៏ត្រូវសមត្ថកិច្ចស្រាវជ្រាវឃាត់ខ្លួនបាន ។ បើតាមសមត្ថកិច្ចបញ្ជាក់ថា ជនសង្ស័យជិះម៉ូតូយកទៅទុកចោលនៅកន្លែងលក់ទឹកអំពៅ ខាងក្រោយវិទ្យាល័យសម្ដេចឪ រួចជិះម៉ូតូមួយគ្រឿងទៀតគេចខ្លួនបាត់ លុះប៉ុន្មាននាទីក្រោយ ទើបសមត្ថកិច្ចរកឃើញ និងឃាត់ខ្លួនតែម្ដង។
ចែករំលែកព័តមាននេះ