ADផ្ទាំងផ្សព្វផ្សាយពាណិជ្ជកម្ម

Picture

នៅ​អាង​អូរ​ខៃ​ដ​ន ​ប្រជាពលរដ្ឋសប្បាយ​បង់​សំណាញ់​​​ចាប់​ត្រី​

3 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ នា​រដូវ​ទឹក​ស្រក​ធ្លាក់​ខ្យល់​ត្រជាក់​ពី​ទិសឧត្តរ មាន​ប្រជាពលរដ្ឋ​មិន​តិច​ជាង​១០០​នាក់​ទេ​ក្នុង​១​ថ្ងៃ​ៗ នាំ​គ្នា​ទៅ​បង់សំណាញ់​ចាប់​ត្រី​នៅ​អាង​អូរ​ខៃ​ដ​ន ស្ថិត​ក្នុងភូមិ​កូន​ដំរី សង្កាត់​និមិត្ត ក្រុង​ប៉ោយ​ប៉ែ​ត ដែល​ក្នុង​១​ថ្ងៃ​ៗ​បាន​ត្រី​ចម្រុះ​ពី​៤០​ទៅ​៥០​គីឡូក្រាម ដែល​សកម្មភាព​បែប​នេះ​កើត​មាន​ជា​ប្រពៃណី​ទៅ​ហើយ…

ខេត្តបន្ទាយមានជ័យ ៖ នា​រដូវ​ទឹក​ស្រក​ធ្លាក់​ខ្យល់​ត្រជាក់​ពី​ទិសឧត្តរ មាន​ប្រជាពលរដ្ឋ​មិន​តិច​ជាង​១០០​នាក់​ទេ​ក្នុង​១​ថ្ងៃ​ៗ នាំ​គ្នា​ទៅ​បង់សំណាញ់​ចាប់​ត្រី​នៅ​អាង​អូរ​ខៃ​ដ​ន ស្ថិត​ក្នុងភូមិ​កូន​ដំរី សង្កាត់​និមិត្ត ក្រុង​ប៉ោយ​ប៉ែ​ត ដែល​ក្នុង​១​ថ្ងៃ​ៗ​បាន​ត្រី​ចម្រុះ​ពី​៤០​ទៅ​៥០​គីឡូក្រាម ដែល​សកម្មភាព​បែប​នេះ​កើត​មាន​ជា​ប្រពៃណី​ទៅ​ហើយ ។

Picture

ពួក​គាត់​និយាយ​ថា ការ​នេសាទ​ត្រី​ដោយ​បង់សំណាញ់​នេះ​មាន​រយៈពេល​២​ថ្ងៃ​មក​ហើយ ដែល​បង់​បាន​នៅ​ផ្នែក​ខាងក្រោយ​អាង នៅ​ពេល​ដែលគេ​បើកទ្វារ​ទឹក​ហូរ​តិច​ៗ ត្រី​បាន​សម្រុក​ឡើង​ចូល​ទៅ​ក្នុង​អាង ហើយ​ពួក​គាត់​បង់សំណាញ់​បាន​ភាគច្រើន​ជា​ត្រី​ស និង​ត្រី​រៀល ។

Picture

ត្រី​ដែល​បង់សំណាញ់​បាន​នេះ ពួក​គាត់​យក​ទៅ​ធ្វើ​ប្រហុក និង​ធ្វើ​ត្រីឆ្អើរ​ទុក​សម្រាប់​រដូវ​ប្រមូល​ផល​​ស្រូវកណ្តាល និង​ស្រូវធ្ងន់ ។ ប៉ុន្តែ​អ្នកខ្លះ​លក់​ឱ្យ​ឈ្មួញ​ដែល​មក​ទិញ​ដល់​កន្លែង​បង់ សំណាញ់ ដែល​ត្រី​ឆ្លាំង​១​គីឡូក្រាម ១២.០០០​រៀល​ទៅ​១៥.០០០​រៀល ត្រី​ឆ្លូញ​១​គីឡូក្រាម​តម្លៃ ២០.០០០​រៀល​ទៅ ២៥.០០០​រៀល ត្រី​ស​១​គីឡូក្រាម​តម្លៃ​៤.០០០​រៀល ទៅ​៦.០០០​រៀល ត្រី​កញ្ចុះ​១​គីឡូ​ក្រាម ១០.០០០​រៀល ត្រី​ឆ្ពិន​១​គីឡូក្រាម ១០.០០០​រៀល ។

Picture

ដោយឡែក នៅ​អាង​ម្កាក់ ក្រុង​សិរី​សោភ័ណ ប្រជាពលរដ្ឋ​បង់សំណាញ់​នៅ​ខាងកើត​អាង តាម​ប្រឡាយ​ដែល​គេ​បើកទឹក​ចេញពី​អាង ។ បើ​ប្រៀបធៀប​នឹង​ឆ្នាំ​មុន គឺ​ឆ្នាំ​នេះ​សម្បូរ​ត្រី​ជាង​ដោយ​សារ​ទឹកជំនន់​លិច​ល្ហល្ហេវ ត្រី​ចេញពី​ស្រះ​ចិញ្ចឹម​នានា​ច្រើន ៕

Picture


Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023