លួចចូលក្នុងសាលា បែរជាដាំដូងឡើងលើ
តាមប្រភពព័ត៌មាន Huffington Post បានឲ្យដឹងថា បុរសម្នាក់ដែលត្រូវបានគេដឹងថា ជាអ្នកមានបំណងលួចចូលក្នុងសាលា បាន
អាមេរិក ៖ តាមប្រភពព័ត៌មាន Huffington Post បានឲ្យដឹងថា បុរសម្នាក់ដែលត្រូវបានគេដឹងថា ជាអ្នកមានបំណងលួចចូលក្នុងសាលា បានទាក់ខោជាប់នឹងចង្រឹងរបងដែលធ្វើឲ្យដាំក្បាលចុះក្រោមងើបទៅណាមិនរួច។ និយាយរួមទៅ គឺពិតជាគួរឲ្យខ្មាស់គេណាស់។
រឿងនេះ បានកើតឡើងនៅបឋមសិក្សាក្នុង Tucson រដ្ឋ Arizona សហរដ្ឋអាមេរិក កាលពីថ្ងៃសុក្រ។ នាពេលដែលកើតហេតុនោះ គឺជាថ្ងៃឈប់សម្រាករបស់សិស្សដែលធ្វើឲ្យសាលាមានសភាពស្ងាត់។
អ្នកនាំពាក្យរបស់ប៉ូលិសបានប្រាប់ឲ្យដឹងថា ពួកគេបាននិយាយជាមួយនឹងបុរសម្នាក់នោះហើយ តែគ្មានបានព័ត៌មានអ្វីទេ។
លោក Corey Greenhill ដែលជាអ្នកគ្រប់គ្រងនៅហាងមួយជិតសាលាខាងលើ បានប្រាប់មកអ្នកយកព័ត៌មានថា គាត់បានឃើញសកម្មភាពរបស់បុរសនោះ មុនពេលជាប់នឹងចង្រឹងរបង។ បុរសនោះបានចូលក្នុងហាងរបស់លោក ហើយខ្ចីទូរស័ព្ទដើរចេញទៅ។ អ្វីដែលធ្វើឲ្យលោក Corey ឆ្ងល់ គឺហេតុអ្វីបានជាបុរសខាងលើយកទូរស័ព្ទដៃរបស់លោកទៅតេទឱ្យប៉ូលិសទៅវិញ។ លោក Corey ប្រាប់ថា ៖ «ខ្ញុំពិតជាមិនដឹងថា អ្វីឲ្យប្រាកដទេ»៕
ចែករំលែកព័តមាននេះ