ប៉ះចំថ្ងៃស៊យ! ១ក្រុមធ្វើសកម្មភាពលើស្ត្រីម្នាក់ក្រោមស្ពានអាកាសស្ទឹងមានជ័យ មិនសំរេច អស់ទាំងម៉ូតូ១គ្រឿងទៀត
- ភ្នំពេញ
រាជធានីភ្នំពេញ ៖ ជនសង្ស័យមួយក្រុមចេញធ្វើសកម្មភាពឆ.ក់ទូរសព្ទ័ពីស្ត្រីម្នាក់ដែលជិះនៅលើម៉ូតូ
រាជធានីភ្នំពេញ ៖ ជនសង្ស័យមួយក្រុមចេញធ្វើសកម្មភាពឆ.ក់ទូរសព្ទ័ពីស្ត្រីម្នាក់ដែលជិះនៅលើម៉ូតូកង់បីឥណ្ឌា មិនបានសំរេច ចំថ្ងៃស៊យក៍ត្រូវអ្នកបើកម៉ូតូកង់បី បើកកៀរបណ្ដាលឲ្យដួលម៉ូតូនៅកន្លែងកើតហេតុ ហើយនាំគ្នារត់គេចចោលម៉ូតូមួយគ្រឿងនៅកន្លែងកើតហេតុ បង្កការភ្ញាក់ផ្អើលកាលពីវេលាម៉ោង៧និង២៥នាទីយប់ថ្ងៃទី២៣ ខែតុលា ឆ្នាំ២០២២ នៅចំណុចក្រោមស្ពានស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
សមត្ថកិច្ចបានដកហូតម៉ូតូមួយគ្រឿង ម៉ាកស៊ុយហ្ស៊ុយគីនិច ស៊េរីឆ្នាំ២០២៣ ពណ៌ទឹកប្រាក់ ពាក់ស្លាកលេខ ភ្នំពេញ 1JU 0265 ជារបស់ជនសង្ស័យជិះធ្វើសកម្មភាព ។
តាមប្រភពពីស្ត្រីរងគ្រោះ បានអោយដឹងថា មុនពេលកើតហេតុ រូបគាត់បានហៅម៉ូតូកង់បីឥណ្ឌា ជិះចេញពីម្តុំផ្លូវ២០០៤ ក្នុងគោលបំណងទៅទិញបន្លែនៅផ្សារដើមគ ដោយធ្វើដំណើរតាមផ្លូវ២៧១ ក្នុងទិសដៅពីជើងទៅត្បូង លុះមកដល់ចំណុចកើតហេតុ បានវៀងតាមក្រោមស្ពានស្ទឹងមានជ័យ គាប់ជួនពេលនោះ ក៍ស្រាប់តែមានជនសង្ស័យមួយក្រុម មានគ្នា៤នាក់ ជិះម៉ូតូ២គ្រឿង ប្រភេទអូតូ ក្នុងនោះជនសង្ស័យ២នាក់ ក្នុងចំណោម៤នាក់ បានជិះម៉ូតូម៉ាកស៊ុយហ្ស៊ុយគីនិច មួយគ្រឿង បានមកធ្វើសកម្មភាព ឆ.ក់យកទូរសព្ទ័ពីដៃរបស់គាត់បានសំរេច ហើយក៍បន្ថែមល្បឿនម៉ូតូគេចខ្លួនដែរ តែពេលនោះត្រូវបានរូបគាត់ស្រែកថាចោរៗ ក៍ត្រូវបុរសជាអ្នកបើកកង់បីមើលតាមកញ្ចក់ឃើញ ក៍បានបួងចង្កូតកៀរបំបុ.កម៉ូតូជនសង្ស័យ បណ្ដាលឲ្យដួលម៉ូតូ ហើយធ្លាក់ទូរសព្ទ័របស់គាត់ជាជនរងគ្រោះនៅលើដីវិញផងដែរ ។
តាមប្រភពដដែលបានបន្តទៀតថា បន្ទាប់ពីដួលម៉ូតូ ហើយធ្លាក់ទូរសព្ទ័របស់គាត់វិញ ជនសង្ស័យភ័.យស្លន់ស្លោក៏នាំគ្នីគ្នារត់ទៅជិះម៉ូតូជាមួយបក្សពួកផ្សេងទៀតគេចខ្លួនបាត់ស្រមោលអស់ តែបានបន្សល់ទុកម៉ូតូមួយគ្រឿងម៉ាកស៊ុយហ្ស៊ុយគីនិច ពណ៌ទឹកប្រាក់ ពាក់ស្លាកលេខ ភ្នំពេញ 1JU 0265 នៅកន្លែងកើតហេតុតែម្តង ។
ក្នុងករណីខាងលើនេះដែរ ស្ត្រីរងគ្រោះមិនបានទៅពាក់បណ្ដឹងនោះទេ ដោយសារតែទូរស័ព្ទដែលទិញតម្លៃជាង១០០ដុល្លារមិនបានបាត់ គាត់ក៏បន្តដំណើរជិះកង់បីឥណ្ឌាទៅទិញបន្លែជាបន្តទៀត។
ក្រោយពេលកើតហេតុ នៅសល់តែម៉ូតូរបស់ជនសង្ស័យ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលស្ទឹងមានជ័យទី១ ដើម្បីសមត្ថកិច្ចធ្វើការស្រាវជ្រាវរកជនសង្ស័យ នាំយកមកចាត់ការតាមនីតិវិធី ៕
ចែករំលែកព័តមាននេះ