ADផ្ទាំងផ្សព្វផ្សាយពាណិជ្ជកម្ម

Picture

ត្រឹម​២​ថ្ងៃ​! បង្ក្រាប​បទល្មើស​នេសាទ​ក្នុងស្រុក​ចំនួន​២ រឹបអូស​បានជា​ច្រើន

3 ខែ មុន
  • កំពង់ឆ្នាំង

សមត្ថកិច្ច​ចម្រុះ មាន​កងរាជអាវុធហត្ថ កម្លាំង​នគរបាល​សហគមន៍​នេសាទ ដឹកនាំ​ដោយ​ខណ្ឌ និង​ផ្នែក​រដ្ឋបាល​ជលផល នៃ​មន្ទីរ​កសិកម្ម​រុក្ខា​ប្រមាញ់ និង​នេសាទ​ខេត្តកំពង់ឆ្នាំង រយៈពេល​២​ថ្ងៃ គឺ​ចាប់ពី​ថ្ងៃ​ទី​

ខេត្តកំពង់ឆ្នាំង ៖ សមត្ថកិច្ច​ចម្រុះ មាន​កងរាជអាវុធហត្ថ កម្លាំង​នគរបាល​សហគមន៍​នេសាទ ដឹកនាំ​ដោយ​ខណ្ឌ និង​ផ្នែក​រដ្ឋបាល​ជលផល នៃ​មន្ទីរ​កសិកម្ម​រុក្ខា​ប្រមាញ់ និង​នេសាទ​ខេត្តកំពង់ឆ្នាំង រយៈពេល​២​ថ្ងៃ គឺ​ចាប់ពី​ថ្ងៃ​ទី​១៧ និង​ថ្ងៃ​ទី​១៨ ខែតុលា ឆ្នាំ​២០២២​នេះ បាន​ចុះ​បង្ក្រាប​បទល្មើស​នេសាទ​នៅ​ក្នុងភូមិ​សាស្ត្រ​ស្រុក​រលាប្អៀរ និង​ស្រុក​ជល់​គី​រី​។

Picture

លោក លី ឡា នាយ​ខណ្ឌ​រដ្ឋបាល​ជលផល នៃ​មន្ទីរ​កសិកម្ម​រុក្ខា​ប្រមាញ់​និង​នេសាទ​ខេត្តកំពង់ឆ្នាំង បាន​ឲ្យ​ដឹង​ថា នៅ​ថ្ងៃ​ទី​១៨ ខែតុលា ឆ្នាំ ២០២២ សមត្ថកិច្ច​ចម្រុះ ដឹកនាំ​ដោយ​មន្ត្រី​ខណ្ឌ​ផ្នែក​រដ្ឋបាល​ជលផល មាន​គ្នា​សរុប​១៤​នាក់ ប្រើប្រាស់​កាណូត​បា​ឡា​ស្មាច់​ចំនួន​២​គ្រឿង បាន​ចុះ​បង្ក្រាប​បទល្មើស​នៅ​ចំណុច​ព្រែក​ប្រណាក​, ចំណុច​ខ្វែង​ឆ្លុះ​ស្ថិត​ក្នុងភូមិ​ភ្លង ឃុំ​ពាម​ឆ្កោក​, ចំណុច​អន្លង់​អក ក្នុងភូមិ​កំពង់​បា​ស្រូវ ឃុំ​ជលសារ ស្រុក​ជល់​គី​រី​។

Picture

លោក​បន្ត​ថា ជា​លទ្ធផល​ការ​បង្ក្រាប គឺ​របាំង​ស្បៃ​មុង​ចំនួន​៩ ន្លែ​ង​មាន​ប្រវែង​៤៥០​ម៉ែត្រ​, លប​លូ​ស្បៃ​មុង​៩​លប​, បង្គោល​៤៥០​ដើម និង​ចាក់​លែង​កូន​ត្រី​ចម្រុះ​ប្រមាណ​ជាង​១០០​គីឡូក្រាម ចូល​ទន្លេ​វិញ​។

ដោយឡែក ថ្ងៃ​ទី​១៧ ខែតុលា សមត្ថកិច្ច​ចម្រុះ​បាន​ចុះ​បង្ក្រាប​បទល្មើស​នេសាទ​នៅ​ចំណុច​កោះ​កែវ​, ចំណុច​អន្លង់​អក និង​ចំណុច​អន្លង់​អណ្ដើក ស្ថិត​ក្នុងភូមិ​កំពង់​រាំង ឃុំ​ស្វាយ​ជ្រុំ ស្រុក​រលា​បៀរ​។ ជា​លទ្ធផល​នៃ​ការ​បង្ក្រាប គឺ​រួស​រើរ​បាំងសាច់​អួន​ចំនួន​៦​កន្លែង ស្មើនឹង​៥៥០​ម៉ែត្រ​, លប​លូ​សាច់​អួន​៦​លប​, បង្គោល​១៣០​ដើម និង​កូន​ត្រី​ចម្រុះ​ចូល​ទន្លេ​វិញ​ចំនួន​ប្រមាណ​២០ គីឡូក្រាម​ផង​ដែរ​។

ក្នុង​នាម​មន្ត្រី​រដ្ឋបាល​ជលផល លោក លី​ឡា ក៏​បាន​អំពាវនាវ​ដល់​បងប្អូន​ប្រជាពលរដ្ឋ សូម​មេត្តា​បញ្ឈប់​ការ​ប្រព្រឹត្ត​បទល្មើស​នេសាទ​ជា​បន្ត​ទៀត​៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023