រាជធានីភ្នំពេញ ៖ ក្រសួងដែនដីនគរូបនីយកម្ម និងសំណង់ ព្រមទាំងអាជ្ញាធររាជធានី នៅតែគ្មានចំណាត់ការលើសំណង់អត់ច្បាប់ ដែលរំលោភដីច្រាំងទន្លេមេគង្គដ៏ធំស្គឹមស្កៃ ស្ថិតនៅវិថីកែវ ចិន្តា ក្បែររោងចក្រផលិតទឹកស្អាត ក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ ។
រាជធានីភ្នំពេញ ៖ ក្រសួងដែនដីនគរូបនីយកម្ម និងសំណង់ ព្រមទាំងអាជ្ញាធររាជធានី នៅតែគ្មានចំណាត់ការលើសំណង់អត់ច្បាប់ ដែលរំលោភដីច្រាំងទន្លេមេគង្គដ៏ធំស្គឹមស្កៃ ស្ថិតនៅវិថីកែវចិន្តា ក្បែររោងចក្រផលិតទឹកស្អាត ក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ ។
ទោះបីជាមន្ត្រីជំនាញចុះត្រួតពិនិត្យ និងចេញលិខិតឱ្យរុះរើចេញយ៉ាងណា ក៏នៅតែគ្មានប្រសិទ្ធិភាព ។ ហើយអ្វីដែលចាប់អារម្មណ៍ ខណៈពេលដែលអាជ្ញាធរចុះឃាត់ និងចេញសេចក្តីជូនដំណឹងឱ្យម្ចាស់រុះរើនោះ ត្រូវម្ចាស់ពុំបានសហការណ៍ គឺនៅតែបន្តសាងសង់រហូតដល់រួចរាល់ មានដល់កម្ពស់៥ជាន់ និងប្រក់ដំបូលរួចរាលហើយ ។ ខណៈសំណង់នោះ នៅតែបន្តសាងសង់ ដោយប្រក់ដំបូល និងសំអាត រហូតជិតរួចរាល់ទៅហើយ នៅថ្មីៗនេះសោត គេឃើញ លោកប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានដឹកនាំមន្ត្រីជំនាញចុះទៅពិនិត្យសំណង់អត់ច្បាប់នោះទៀត នៅតែគ្មានវិធានការណ៍ទៀត។
តាមព័ត៌មានឱ្យដឹងថា ម្ចាស់សំណង់នេះ គេមានខ្នងធំណាស់ នៅពេលដែលអាជ្ញាធរ និងមន្ត្រីជំនាញចុះទៅពិនិត្យ ម្ចាស់មិនបានសហការឱ្យមន្ត្រីរជំនាញបានចុះទៅពិនិត្យឡើយ ។ គេនិយាយថា បើក្រសួង និងអាជ្ញាធរ មិនចំណាត់ការលើសំណង់អត់ច្បាប់ និងរំលោភច្រាំងទន្លេនេះនោះទេ ការអនុវត្តច្បាប់ វាគ្មានប្រសិទ្ធិភាព ។
ចែករំលែកព័តមាននេះ