ខ្លាំងម្ល៉េះកូនមេភូមិ ទើប១៤ឆ្នាំសោះហ៊ានដល់ម្ល៉ឹង
ខេត្តបាត់ដំបង ៖ ក្មេងប្រុសអាយុ១៤ឆ្នាំដែលគេស្គាល់ថា ជាកូនរបស់លោកមេភូមិម្នាក់ផង ត្រូវកម្លាំងកងរាជអាវុធហត្ថឃាត់ខ្លួន បន្ទាប់ពី
ខេត្តបាត់ដំបង ៖ ក្មេងប្រុសអាយុ១៤ឆ្នាំដែលគេស្គាល់ថា ជាកូនរបស់លោកមេភូមិម្នាក់ផង ត្រូវកម្លាំងកងរាជអាវុធហត្ថឃាត់ខ្លួន បន្ទាប់ពីឆែកឆេរឃើញលាក់ទុកថ្នាំញៀនជាប់នឹងខ្លួន កាលពីល្ងាចថ្ងៃទី២៨ មីនា ពេលកំពុងធ្វើដំណើរលើថ្នល់ជាតិលេខ៥៧ ចំណុចភូមិគីឡូ៣៨ ឃុំត្រែង ស្រុករតន:មណ្ឌល។
មន្ត្រីកងរាជអាវុធហត្ថបានរាយការណ៍ថា ជនសង្ស័យរូបនោះ ឈ្មោះ ខា សុភុត អាយុ១៤ឆ្នាំ ជាយុវសិស្ស រស់នៅក្នុងភូមិ-ឃុំខាងលើ ហើយជាកូនប្រុសរបស់លោកមេភូមិគីឡូ៣៨ នេះតែម្ដង។ សេចក្ដីរាយការណ៍បានឲ្យដឹងទៀតថា កម្លាំងកងរាជអាវុធហត្ថស្រុករតនៈមណ្ឌល បានតាមប្រមាញ់អ្នករកស៊ីគ្រឿងញៀនវ័យក្មេងនេះ បន្ទាប់ពីស៊ើបអង្កេតដឹងថា ជននេះកំពុងដឹកជញ្ជូនថ្នាំញៀនយកទៅលក់ដូរបន្ត ហើយក៏ស្ទាក់ត្រូតពិនិត្យពេលកំពុងជិះម៉ូតូតាមផ្លូវ ទើបឆែកឆេររកឃើញវត្ថុតាងថ្នាំញៀនចំនួន២ថង់ (ម៉ាទឹកកក)។
បើតាមប្រភពព័ត៌ពីសាក្សីបានឲ្យដឹងថា បច្ចុប្បន្នក្រុមអ្នកលក់ដូរ និងប្រើប្រាសថ្នាំញៀន តែងប្រមូលផ្ដុំគ្នានៅតាមដងផ្លូវម្ដុំចំណុចខាងលើនៅពេលយប់ ព្រោះទីនោះមានហាងផឹកស៊ីមួយកន្លែង មានទាំងក្លិប ខារ៉ាអូខេទៀតផង។ ក្រុមយុវជនក្មេងៗតែងតែទៅនៅទីនោះ ដើម្បីទិញថ្នាំញៀនប្រើប្រាស់ រីឯអ្នកលក់ថ្នាំក៏មិននៅឆ្ងាយពីទីនោះដែរ តែអ្នកលក់ខ្លះអាចជិះម៉ូតូ ឬរថយន្ត។
មន្ត្រីកងរាជអាវុធហត្ថបានបញ្ជាក់ថា មន្ត្រីជំនាញកំពុងសួរនាំជនសង្ស័យវ័យក្មេងនេះ ដើម្បីស្រាវជ្រាវរកមេខ្លោងដែលជាប្រភពនៃអ្នកផ្ដល់ថ្នាំញៀន។ មន្ត្រីដដែលក៏បានទទួលស្គាល់ដែរថា នៅតំបន់ខាងលើពិតជាសំបូរក្រុមអ្នកលក់ដូរ និងប្រើប្រាសថ្នាំញៀនជួបជុំគ្នាពេលយប់មែន ព្រោះជាកន្លែងដាច់ស្រយ៉ាល ជាពិសេសពួកគេណាត់ជួបគ្នាដោះដូរទំនិញនាពេលយប់។ ទោះជាយ៉ាងណា ជនសង្ស័យខាងលើមន្ត្រីជំនាញកំពុងសួរនាំ ដើម្បីចាត់ការតាមនីតិវិធីច្បាប់ហើយ៕
ចែករំលែកព័តមាននេះ