ខេត្តត្បូងឃ្មុំ ៖ អាជ្ញាធរមូលដ្ឋាន សមត្ថកិច្ច ព្រមទាំងស្ថាប័នជំនាញ ធ្លាប់បានធ្វើការណែនាំដល់អ្នកបើកបររថយន្ត និងម្ចាស់អាជីវកម្មលក់ក្រូស ខ្សាច់ ដែលមានចំនួន៧ទីតាំងនៅឃុំទន្លេបិទ ស្រុកត្បូងឃ្មុំ ត្រូវតែ
ខេត្តត្បូងឃ្មុំ ៖ អាជ្ញាធរមូលដ្ឋាន សមត្ថកិច្ច ព្រមទាំងស្ថាប័នជំនាញ ធ្លាប់បានធ្វើការណែនាំដល់អ្នកបើកបររថយន្ត និងម្ចាស់អាជីវកម្មលក់ក្រូស ខ្សាច់ ដែលមានចំនួន៧ទីតាំងនៅឃុំទន្លេបិទ ស្រុកត្បូងឃ្មុំ ត្រូវតែគោរពរាល់ពេលដែលដឹកចេញ ទៅកាន់គោលដៅណាមួយ គឺត្រូវតែគ្របឲ្យបានជិត ក្នុងនោះមានអ្នកខ្លះបានគោរពតាម។
ជាក់ស្តែងនៅព្រឹកថ្ងៃទី២៨ មីនា ២០១៧ មានរថយន្តបែនដឹកខ្សាច់១គ្រឿង ពាក់ស្លាកលេខត្បូងឃ្មុំ 3A-0377 មិនបានគ្រប់នោះទេ កំពុងតែជិះសេះលែងដៃ មិនខ្ចីខ្វល់នឹងការណែនាំបន្តិចសោះដាក់ឡើងហៀរហូរតែម្តង ។
លោក ភិន ឈុន មេឃុំទន្លេបិទមានប្រសាសន៍ឲ្យដឹងថា កន្លងទៅ រូបលោកបានរាយការណ៍ប្រាប់ទៅលោកអភិបាលស្រុកត្បូងឃ្មុំរួចរាល់ហើយ ពីសកម្មភាពរថយន្តដឹកក្រួសខ្សាច់តូចធំ ដែលបានដឹកមិនគ្របពីលើឲ្យជិត ជាហេតុធ្វើឲ្យជ្រុះរាយប៉ាយតាមផ្លូវថ្នល់ ។ ជាមួយនោះលោកអភិបាលស្រុកក៏បានសន្យាថា នឹងទាក់ទងជាមួយនិងស្ថាប័នជំនាញមន្ទីររ៉ែ និងថាមពលខេត្ត ឲ្យចុះមកកាន់ឃុំទន្លេបិទដើម្បីមានវិធានការណ៍ជាមួយនិងរថយន្តដែលមិនស្តាប់ការណែនាំ ។ រាល់ថ្ងៃនេះ មិនមានកម្លាំងនគរបាលចរាចរណ៍ស្រុកនៅយាមតាមផ្លូវ ដើម្បីចាំផាកពិន័យដូចមុនទៀតទេ ដែលជាឱកាសឲ្យអ្នកបើកបររថយន្តដឹកខ្សាច់កាន់តែបានចិត្តមិនគ្រប ។
លោកប៉ុន ប៊ុនធឿន ប្រធានស្តីទីមន្ទីររ៉ែ និងថាមពលខេត្តត្បូងឃ្មុំ បានឲ្យដឹងដែរថា រូបលោកសូមទទួលស្គាល់ពិតជាមានរថយន្តដឹកខ្សាច់មិនគ្របមែន ដោយកន្លងមករូបលោកបានចុះទៅកាន់ឃុំទន្លេបិទ បានឃើញដោយផ្ទាល់ភ្នែកតែម្តង ។ ជាមួយនោះក៏បានរាយការណ៍ជូនលោកអភិបាលខេត្ត ដោយបានណែនាំធ្វើយ៉ាងណាចុះអនុវត្តន៍ឲ្យទទួលបានជោគជ័យ លុះត្រាតែមានការចូលរួមពីកម្លាំងនគរបាលចរាចរណ៍ និងអាវុធហត្ថចុះអនុវត្តន៍នូវសារាចរណ៍លេខ៣១០ របស់រដ្ឋមន្ត្រីក្រសួងរ៉ែ និងថាមពល ចុះថ្ងៃទី២០តុលា ២០១៥ ។ ដូចជាត្រង់ចំណុចទី១ បានបញ្ជាក់ថា អាជីវករក្រុមហ៊ុនរ៉ែទាំងអស់ត្រូវផ្ទុករ៉ែសំណង់លើរថយន្តដែលត្រូវដឹកជញ្ជូនរ៉ែចេញពីការដ្ឋាន ឬដេប៉ូរបស់ខ្លួនក្នុងកំរិតមិនឲ្យហួសពីទ្រុងរថយន្តដែលត្រូវបានដឹកជញ្ជូននោះឡើយ ។ ការដឹកជញ្ជូនត្រូវគោរពតាមបទដ្ឋាននៃការកម្រិតទង្ងន់ផ្ទុកតាមប្រភេទរថយន្ត និងតាមប្រភេទផ្លូវដឹកជញ្ជូន ។
លោកប៊ុន ធឿន ប្រធានស្តីទីមន្ទីររ៉ែ និងថាមពលខេត្ត បញ្ជាក់ថា ក្រោយបុណ្យចូលឆ្នាំប្រពៃណីជាតិខ្មែរខាងមុខនេះ រូបលោកនិងដឹកនាំកម្លាំងចុះសហការជាមួយនឹងសមត្ថកិច្ចតាមការណែនាំរបស់អាជ្ញាធរខេត្ត ក្នុងករណីដែលបានរកឃើញម្ចាស់ដេប៉ូណាមិនគោរពនោះ និងត្រូវឃាត់រថយន្តទុកជាបណ្តោះអាសន្ន ឬផ្អាកមិនឲ្យធ្វើអាជីវកម្ម១សប្តាហ៍ផងដែរ ៕
ចែករំលែកព័តមាននេះ