រាជធានីភ្នំពេញ ៖ លោក កោ វណ្ឌី អនុប្រធានសាលាដំបូងរាជធានីភ្នំពេញ និងជាប្រធានក្រុមប្រឹក្សាជំនុំជម្រះ កាលពីព្រឹកថ្ងៃទី២៨ មីនា ២០១៧ បានប្រកាសសាលក្រមផ្តន្ទាទោសលើជនជាប់ចោទក្នុង
រាជធានីភ្នំពេញ ៖ លោក កោ វណ្ឌី អនុប្រធានសាលាដំបូងរាជធានីភ្នំពេញ និងជាប្រធានក្រុមប្រឹក្សាជំនុំជម្រះ កាលពីព្រឹកថ្ងៃទី២៨ មីនា ២០១៧ បានប្រកាសសាលក្រមផ្តន្ទាទោសលើជនជាប់ចោទក្នុងសំណុំរឿងឃាតកម្មសម្លាប់សង្សារនៅផ្ទះសំណាក់ «អូយេស» ដាក់ពន្ធនាគារអស់មួយជីវិត ។
គួរបញ្ជាក់ថា កាលពីព្រឹកថ្ងៃទី១៦ មីនា បានលើកយកសំណុំរឿងឃាតកម្ម ដែលសង្សារមួយ គូរសម្លាប់គ្នានៅក្នុងផ្ទះសំណាក់ «អូយេស» ។ ប៉ុន្តែសវនាការនោះ ក្រោយពីសាកសួរដេញដោលចប់សព្វគ្រប់ ប្រធានក្រុមប្រឹក្សាបានលើកពេលប្រកាសសាលក្រមទៅថ្ងៃទី២៨ មីនា នេះ ។
ជនត្រូវចោទឈ្មោះ ចាន់ សុភ័ក្ត្រ ហៅពៅ ភេទស្រុស អាយុ៣៨ឆ្នាំ មុខរបរស្នាក់នៅមិនពិតប្រាកដ និងមានស្រុកកំណើតនៅឯខេត្តព្រះវិហារ ។ កាលពីថ្ងៃទី០១ ខែវិច្ឆិកា ឆ្នាំ២០១៦ កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ បានធ្វើការចាប់ខ្លួនជនជាប់ចោទឈ្មោះ ចាន់ សុភ័ក្រ ហៅ ពៅ ដែលជាប់ពាក់ព័ន្ធករណីសម្លាប់សង្សារនៅ ផ្ទះសំណាក់ «អូយេស» ទៅកាន់សាលាដំបូងរាជធានីភ្នំពេញ ។ ជនរងគ្រោះក្នុងអំពើឃាតកម្មនោះឈ្មោះ អាង វណ្ណា ហៅ លីលី ភេទស្រី អាយុ២២ឆ្នាំ មុខរបរបុគ្គលិកខារ៉ាអូខេយីហោ ហេងហេង នៅដេអិន ស្នាក់នៅផ្ទះជួល១៦C.១៦D ផ្លូវលេខ១១២ ស្ថិតក្នុងសង្កាត់ ផ្សារដេប៉ូទី៣ ខណ្ឌទួលគោក រាជធានីភ្នំពេញ។
ចែករំលែកព័តមាននេះ