រាជធានីភ្នំពេញ ៖ នារីម្នាក់ ដោយសារចាញ់បោកប្រុសព្រាន រហូតមានផ្ទៃពោះ៦ខែ និងខឹងបងស្រីស្តីបន្ទោសដេញចេញពីផ្ទះទៀតនោះ បានមកប៉ុនប៉ងលោតទឹកសំលាប់ខ្លួននៅលើស្ពានព្រះមុនីវង្សថ្មី ប៉ុន្តែបងប្អូនអ្នកធ្វើដំណើរតាមផ្លូវឃើញ ក៏រាយការណ៍
រាជធានីភ្នំពេញ ៖ នារីម្នាក់ ដោយសារចាញ់បោកប្រុសព្រាន រហូតមានផ្ទៃពោះ៦ខែ និងខឹងបងស្រីស្តីបន្ទោសដេញចេញពីផ្ទះទៀតនោះ បានមកប៉ុនប៉ងលោតទឹកសំលាប់ខ្លួននៅលើស្ពានព្រះមុនីវង្សថ្មី ប៉ុន្តែបងប្អូនអ្នកធ្វើដំណើរតាមផ្លូវឃើញ ក៏រាយការណ៍ប្រាប់សមត្ថកិច្ចឱ្យជួយឃាត់ យកទៅសាកសួរនៅប៉ុស្តិ៍នគរបាលចាក់អង្រែលើ កើតឡើងកាលពីវេលាម៉ោង០៨និង៣០នាទីយប់ ថ្ងៃទី២៧ មីនា ស្ថិតនៅលើស្ពានអាកាសក្បាលថ្នល់ ក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។
ប្រភពឱ្យដឹងថា នារីរងគ្រោះឈ្មោះរឿន ស្រីមុំ អាយុ១៨ឆ្នាំ ជាអ្នកដើរលក់សណ្តែកដីតាមហាង ស្នាក់នៅផ្ទះជួលជាមួយបងស្រី នៅម្តុំវត្តសន្សំកុសល ផ្លូវបេតុង សង្កាត់បឹងទំពុន ខណ្ឌមានជ័យ ។
តាមប្រភពពីប្រជាពលរដ្ឋដែលឃើញហេតុការណ៍ថា ពួកគាត់កំពុងតែធ្វើដំណើរតាមផ្លូវឆ្លងកាត់ស្ពានអាកាសក្បាលថ្នល់ ខណៈពេលនោះ ក៏ប្រទះឃើញនារីខាងលើបានឈរយំរេរ៉លើស្ពាន រួចហើយនារីរូបនោះបំរុងឡើងលើដៃស្ពានលោតសម្លាប់ខ្លួន តែបានពួកគាត់ឃើញ បានជួយឃាត់ និងលួងលោម រួចហើយបានផ្តល់ដំណឹងទៅដល់សមត្ថកិច្ចមូលដ្ឋាន មកយកនារីរូបនោះទៅសាកសួរនៅប៉ុស្តិ៍នគរបាលចាក់អង្រែលើ ។
នារីរូបនោះបានរៀបរាប់ទាំងទឹកភ្នែកថា ដោយសារតែរូបខឹងបងស្រីបង្កើតបានស្តីបន្ទោស ដែលខំជួយធ្វើការក្នុងផ្ទះសព្វគ្រប់បែបយ៉ាងហើយ ក៏មិនត្រូវចិត្តបងស្រីនាង ។ នៅមុនពេលកើតហេតុ បងស្រីនាងបានស្តីបន្ទោស និងបានដេញនាងចេញពីផ្ទះទៀត ហើយណាមួយរូបនាង មានផ្ទៃពោះខ្វះតែ៣ថ្ងៃទៀត បានចំនួន៦ខែហើយ ហើយកូននៅក្នុងពោះរបស់នាង គឺគ្មានឪពុកនោះទេ ដោយសារតែរូបនាងចាញ់បោកគេ ទើបធ្វើឱ្យរូបនាងពិបាកចិត្ត ទើបសម្រចចិត្តមកលោតទឹកសម្លាប់ខ្លួនបែបនេះ ។
ចែករំលែកព័តមាននេះ