ខេត្តកំពង់ឆ្នាំង ៖ បុរសជាឪពុកចុងម្នាក់ ត្រូវកម្លាំងនគរបាលមូលដ្ឋានចាប់ខ្លួន បញ្ជូនមកស្នងការដ្ឋាននគរបាលខេត្ត កាលពីរសៀលថ្ងៃទី២៦ មីនា ដោយត្រូវចោទប្រកាន់ពីបទ បានចាប់កូនស្រីចុងរំលោភបានសម្រេច ប្រព្រឹត្តកាលពីថ្ងៃទី២៤ មីនា ស្ថិតនៅចំណុចចុងភូមិសិឡា ឃុំស្វាយជ្រំ ស្រុករលាប្អៀរ ខណៈពីរនាក់ឪពុកនិងកូនចុងត្រឡប់មកពីធ្វើការសំណង់វិញ ។
ខេត្តកំពង់ឆ្នាំង ៖ បុរសជាឪពុកចុងម្នាក់ ត្រូវកម្លាំងនគរបាលមូលដ្ឋានចាប់ខ្លួន បញ្ជូនមកស្នងការដ្ឋាននគរបាលខេត្ត កាលពីរសៀលថ្ងៃទី២៦ មីនា ដោយត្រូវចោទប្រកាន់ពីបទ បានចាប់កូនស្រីចុងរំលោភបានសម្រេច ប្រព្រឹត្តកាលពីថ្ងៃទី២៤ មីនា ស្ថិតនៅចំណុចចុងភូមិសិឡា ឃុំស្វាយជ្រំ ស្រុករលាប្អៀរ ខណៈពីរនាក់ឪពុកនិងកូនចុងត្រឡប់មកពីធ្វើការសំណង់វិញ ។
ប្រភពឱ្យដឹងថា ជនសង្ស័យឈ្មោះម៉ក់ សុផុន អាយុ៤២ឆ្នាំ រីឯកូនស្រីរងគ្រោះអាយុ១៥ឆ្នាំ ។ ប្រភពដដែលបន្ត មុនពេលកើតហេតុ ពីរនាក់ឪពុកនិងកូនត្រឡប់ពីធ្វើកម្មករសំណង់វិញ ។ លុះមកដល់ចំណុចកើតហេតុ ជាកន្លែងស្ងាត់នៅវេលាម៉ោង០៧ និង៣០នាទីយប់ ឪពុងក៏មានចំណង់ផ្លូវភេទ ក៏បានចាប់កូនស្រីរំលោភរហូតបានសម្រេច ។
ក្រោយពីរំលោភហើយ ឪពុកចុងបានគំរាមអារ.កសម្លាប់ចោល បើហ៊ានប្រាប់ម្តាយ ឬប្រាប់នរណាម្នាក់ ។ ដោយសារតែការភ័យខ្លាច ក្មេងរងគ្រោះមិនហ៊ានប្រាប់ម្តាយនោះទេ ប៉ុន្តែរសៀលថ្ងៃទី២៥ មីនា ម្តាយឃើញកូនស្រីមានសភាពស្លេកស្លាំង និងមានធ្លាក់ឈាមផង ក៏ជជីកសួរកូនស្រី ហើយនាងបានប្រាប់រឿងរ៉ាវទាំងអស់ដល់ម្តាយ ។
បន្ទាប់មកម្តាយ ក៏បានទៅដាក់ពាក្យប្តឹងសមត្ថកិច្ចនគរបាលមូលដ្ឋាន ឱ្យចាប់ឃាត់ខ្លួនជនសង្ស័យតែម្តង ។
ចែករំលែកព័តមាននេះ