ខេត្តបន្ទាយមានជ័យ ៖ ពិធីបុណ្យអុំទូកថ្នាក់ខេត្តនៅបន្ទាយមានជ័យ នៅតែរៀបចំដដែល ប៉ុន្តែបានលើកពេលពីថ្ងៃទី២៩-៣០ចុងតុលា ទៅថ្ងៃទី០៤-០៥ ខែវិច្ឆិកា ឆ្នាំ២០២២ វិញ នៅស្ទឹងសិរីសោភ័ណ ខាងក្រោយសាកលវិទ្យាល័យមានជ័យដដែល ។ ការលើកពេលនេះ គណ:កម្មាធិការរៀបចំពិធីបុណ្យជាតិអន្តរជាតិខេត្តថា ដោយសារទឹកជំនន់លិចទីតាំងប្រារព្ធពិធី ។
![](https://kohsantepheapdaily.com.kh/wp-content/uploads/2022/10/32a817d4774fdd92374f9ff308709f35.jpg)
នៅថ្ងៃទឺ១៧ ខែតុលា នៅសាលប្រជុំធំនៃសាលាខេត្តបន្ទាយមានជ័យ មានប្រជុំការងារគណៈកម្មការរៀបចំការប្រណាំងទូកបណ្ដែតប្រទីប និងសំពះព្រះខែ អកអំបុក និងស្តង់ពិព័រណ៌ទៅភូមិ១ ផលិតផល១ នៅខេត្តបន្ទាយមានជ័យ ក្រោមអធិបតីភាព ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមានការចូលរួមពីថ្នាក់ដឹកនាំមន្ទីរ ស្ថាប័ន អង្គភាព ពាក់ព័ន្ធជុំវិញខេត្ត ស្រុក ក្រុង ឃុំ សង្កាត់ ដែលមានទូក ។
![](https://kohsantepheapdaily.com.kh/wp-content/uploads/2022/10/24028e6bd3440264ec36d6ab8bc4f3a2.jpg)
ឯកឧត្តម អ៊ុំ រាត្រី បានលើកឡើងថា ឆ្នាំនេះ មានទូក២៦ចូលរួមប្រឡងប្រណាំង ក្នុងនោះទូកអុំចែវខ្នាតធំឬចំណុះច្រើននាក់ មានចំនួន២០ទូកនិងទូកកិត្តិយស ចំណុះ៥នាក់ ចំនួន៤ទូក និងចំណុះ៣នាក់ចំនួន២ទូក។ ជាមួយគ្នានោះឯកឧត្តម អភិបាលខេត្ត ក៏បានណែនាំអោយមន្ត្រីអាជ្ញាធរ សមត្ថកិច្ចស៊ីវិលនិងកងកម្លាំង ក៏ដូចជាគណ:កម្មការនានា និងចំណុះទូកត្រៀមលក្ខណ:អនុវត្តការងារប្រណាំងទូកបណ្ដែតប្រទីប និងសំពះព្រះខែ អកអំបុក និងស្តង់ពិព័រណ៍ទូទៅភូមិ១ ផលិតផល១ អោយបានល្អ។ពិសេសគឺបង្កលក្ខណ:ការសប្បាយរីករាយជូនប្រជាជន មហាជន ។
![](https://kohsantepheapdaily.com.kh/wp-content/uploads/2022/10/4a8cc8689446620c9a25b03b9d1a0fcd.jpg)
នៅថ្ងៃត្រង់ដដែល លោកអ៊ុំ រាត្រី និងមន្ត្រីក្រុមការងារបានទៅពិនិត្យ វាយតម្លៃដល់ទីតាំងវេទិកា កន្លែងភ្ញៀវទស្សនា ទីកន្លែងចំណុះទូកស្នាក់នៅ និងកម្មវិធីនានា ឃើញថាទឹកជំនន់ពីទីធ្លាសាកលវិទ្យាល័យមានជ័យបានស្រកហើយដោយសារការអន្តរាគមន៍បូមនិងលើកទំនប់ការពារទឹកជំនន់នៅត្រើយស្តាំ (ខាងជើង)។
![](https://kohsantepheapdaily.com.kh/wp-content/uploads/2022/10/53929105b1bcbc312152dfa378fa0248.jpg)
ប៉ុន្តែត្រង់អគារវេទិកា ផ្លូវនៅត្រើយឆ្វេង (ត្បូង) នៅទឹកជំនន់លិចលង់នៅឡើយ ។នៅជាង២សប្តាហ៍ទៀត ទឹកជំនន់អាចនឹងស្រកផុតអស់ ដែលបង្កអោយរៀបចំពិធីបាន ។មុនពេលពិធីប្រណាំង គ្រប់ស្រុក ក្រុង មន្ទីរ អង្គភាព បានត្រូវពិនិត្យ ជួសជុល កែលម្អ និងតុបតែងទូកនិមួយៗនិងរៀបចំគណ:កម្មការគ្រប់គ្រង់ទូក ប្រវត្តិទូករួចហើយ ៕
![](https://kohsantepheapdaily.com.kh/wp-content/uploads/2022/10/de3a05082b1acc8aa57e366815837dbb.jpg)
ចែករំលែកព័តមាននេះ