ដេកលក់មួយភាំង ក៏ឮសំឡេងបញ្ឆេះចេញមកមើល ស្រាប់តែឆោឡោ
រាជធានីភ្នំពេញ ៖ រថយន្តសាំយ៉ុងមួយគ្រឿងម្ចាស់បានចតទុកនៅមុខផ្ទះ រួចហើយបានចូលទៅដេកលង់លក់ ស្រាប់តែត្រូវបានជនសង្ស័យលួចយកទៅបាត់ដោយសុវត្ថិភាព បង្កឲ្យមានការភ្ញាក់ផ្អើល
រាជធានីភ្នំពេញ ៖ រថយន្តសាំយ៉ុងមួយគ្រឿងម្ចាស់បានចតទុកនៅមុខផ្ទះ រួចហើយបានចូលទៅដេកលង់លក់ ស្រាប់តែត្រូវបានជនសង្ស័យលួចយកទៅបាត់ដោយសុវត្ថិភាព បង្កឲ្យមានការភ្ញាក់ផ្អើល
រាជធានីភ្នំពេញ ៖ រថយន្តសាំយ៉ុងមួយគ្រឿងម្ចាស់បានចតទុកនៅមុខផ្ទះ រួចហើយបានចូលទៅដេកលង់លក់ ស្រាប់តែត្រូវបានជនសង្ស័យលួចយកទៅបាត់ដោយសុវត្ថិភាព បង្កឲ្យមានការភ្ញាក់ផ្អើលឡើងនៅវេលាម៉ោង១២និង៤០អធ្រាត្រឈានចូលថ្ងៃទី២៧ ខែមីនា ឆ្នាំ២០១៧ ក្បែរនឹងស្នាក់ការភូមិទ្រា៤ ផ្ទះលេខ១៣១៨ ផ្លូវបេតុង ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះជាម្ចាស់រថយន្តឈ្មោះ ហួត នី ភេទប្រុស អាយុ៥៥ឆ្នាំ មុខរបរបើករថយន្តដឹកបន្លែលក់ មានប្រពន្ធឈ្មោះ ទំ ហេន អាយុ៥៩ឆ្នាំ មុខរបលក់បន្លែ ស្នាក់នៅផ្ទះលេខ១៣១៨ផ្លូវបេតុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។ ចំណែករថយន្តដែលត្រូវជនសង្ស័យលួចយកទៅម៉ាក សាំយ៉ុង ១៥កៅអី ពណ៌សំបកឪឡឹក ពាក់ស្លាកលេខ ភ្នំពេញ 2X 3341។
តាមសម្ដីជនរងគ្រោះបាននិយាយថា នៅពេលព្រឹកមុនពេលកើតហេតុ រូបគាត់បានយករថយន្តទៅដឹកបន្លែមកលក់នៅផ្សារលូប្រាំរួចហើយ ក៏បានបើករថយន្តរបស់គាត់មកចតទុកនៅមុខផ្ទះ ដោយបានយកទាំងភួយមកគ្រប់យ៉ាងត្រឹមត្រូវ លុះដល់យប់ឡើង ពួកគាត់ ព្រមទាំងកូនចៅបានចូលទៅដេកក្នុងផ្ទះលង់លក់អស់ទៅ រហូតដល់ម៉ោងកើតហេតុខាងលើ ពួកគាត់ទាំងកូន ទាំងចៅ ស្រាប់តែលឺសំលេងបញ្ឆេះរថយន្ត ពេលពួកគាត់បានបើកទ្វារផ្ទះចេញមកមើល ស្រាប់តែរថយន្តរបស់គាត់ត្រូវជនសង្ស័យលួចបើកយកទៅប្រមាណ៥០ម៉ែត្រ ពេលនោះពួកគាត់បានស្រែកថា ចោរៗផ្អើលអស់អ្នកជិតខាងចេញមក ហើយក៏បានទាញម៉ូតូជិះដេញតាម ដែល តែរថយន្តបើកលឿនពេកធ្វើឲ្យពួកគាត់មិនដឹងថា រថយន្ត និងបើកចេញទៅផ្លូវណាឱ្យប្រាកដនោះទេ។ ខណៈពេលនោះដែរ ពួកគាត់ទាំងកូនៗបានជិះម៉ូតូ៣គ្រឿង ដើម្បីស្វែងរករថយន្តដែរ តែរកមិនឃើញ ដោយសង្ឃឹមក្នុងចិត្ត គាត់ក៏បានទៅដាក់ពាក្យបណ្តឹងនៅប៉ុស្តិ៍នគរបាលស្ទឹងមានជ័យ ដើម្បីជួយស្រាវជ្រាវរករថយន្តរបស់គាត់មកវិញផង៕
ចែករំលែកព័តមាននេះ