ប្រទះឃើញសាកសពស្ត្រីម្នាក់ស្លាប់ក្នុងដីឡូត៍មួយកន្លែងជាប់មាត់សមុទ្រ
ខេត្តកែប ៖ ប្រជាពលរដ្ឋបានប្រទះឃើញសាកសពស្ត្រីចំណាស់ម្នាក់បានស្លាប់នៅក្នុងដីឡូត៍ក្បែរមាត់សមុទ្រមួយកន្លែងកាលពីវេលាម៉ោង10និង10នាទីព្រឹក
ខេត្តកែប ៖ ប្រជាពលរដ្ឋបានប្រទះឃើញសាកសពស្ត្រីចំណាស់ម្នាក់បានស្លាប់នៅក្នុងដីឡូត៍ក្បែរមាត់សមុទ្រមួយកន្លែងកាលពីវេលាម៉ោង10និង10នាទីព្រឹក ថ្ងៃទី25 ខែមីនា ឆ្នាំ2017 នៅត្រង់ចំណុចខាងជើងផ្ទះសំណាក់វិសាលសក្តិ៍ ចម្ងាយប្រមាណជា300ម៉ែត្រ ស្ថិតក្នុងភូមិថ្មី សង្កាត់ព្រៃធំ ក្រុងកែប ។
បើតាមសមត្ថកិច្ចដែលចុះទៅពិនិត្យសាកសពបានឲ្យដឹងថា ស្ត្រីចំណាស់ដែលស្លាប់នេះមានឈ្មោះ អ៊ុយ ឆេង អាយុ47ឆ្នាំ ជាកសិករ រស់នៅភូមិកើតហេតុខាងលើ ។ តាមការសន្និដ្ឋានរបស់សមត្ថកិច្ចស្ត្រីរូបនេះបានស្លាប់ដោយសារស្រវឹងស្រារួចខ្យល់គស្លាប់គ្មានអ្នកណាដឹង រយៈពេលប្រហែលជាបួនទៅប្រាំថ្ងៃទៅហើយដែលមានកូនប្រុសម្នាក់ជាកម្មករនេសាទនៅពេលបាត់ម្តាយកូនប្រុសរបស់គាត់ដើររកដែរតែរកមិនឃើញទើបពេលនេះមានអ្នកស្រុកប្រទះឃើញសាកសពទើបដឹង ។
ស្ត្រីចំណាស់រូបនេះគាត់ជាមនុស្សមានជម្ងឺកើតទាចទឹកផងហើយស្ត្រីរូបនេះកន្លងមកគេឃើញតែងតែពិសារស្រាជាប់ជាប្រចាំផងដែរ ក្រោយពីពិនិត្យសាកសពរួចសមត្ថកិច្ចបានប្រគល់សាកសពឲ្យក្រុមគ្រួសាររៀបចំធ្វើបុណ្យតាមប្រពៃណី ៕
ចែករំលែកព័តមាននេះ