ប្រទះឃើញគ្រាប់មីនប្រភេទ69មួយគ្រាប់ដែលសេសសល់ពីសម័យសង្គ្រាម
ខេត្តប៉ៃលិន ៖ គ្រាប់មីនមិនទាន់ផ្ទុះ1គ្រាប់ដែលសេសសល់តាំងពីសម័យសង្គ្រាមត្រូវបានប្រជាពលរដ្ឋប្រទះឃើញគេយកទៅផ្លុងចោលនៅក្បែររបងវត្តអូរច្រា
ខេត្តប៉ៃលិន ៖ គ្រាប់មីនមិនទាន់ផ្ទុះ1គ្រាប់ដែលសេសសល់តាំងពីសម័យសង្គ្រាមត្រូវបានប្រជាពលរដ្ឋប្រទះឃើញគេយកទៅផ្លុងចោលនៅក្បែររបងវត្តអូរច្រា
ខេត្តប៉ៃលិន ៖ គ្រាប់មីនមិនទាន់ផ្ទុះ1គ្រាប់ដែលសេសសល់តាំងពីសម័យសង្គ្រាមត្រូវបានប្រជាពលរដ្ឋប្រទះឃើញគេយកទៅផ្លុងចោលនៅក្បែររបងវត្តអូរច្រា ហើយក៏បានរាយការណ៍ជូនអាជ្ញាធរភូមិ-ឃុំឱ្យប្រាប់ដល់អាជ្ញាធរកំចាត់មីនយកទៅរក្សាទុកនៅកន្លែងរបស់ខ្លួនដើម្បីកំទេចចោល ។ ហេតុការណ៍ប្រទះឃើញគ្រាប់មីនប្រភេទ69នេះបានកើតឡើងនៅវេលាម៉ោង1និង3នាទីថ្ងៃទី24 ខែមីនា ឆ្នាំ2017 ស្ថិតនៅក្បែររបងវត្តអូរច្រា ក្នុងភូមិអូរច្រាកណ្តាល សង្កាត់ទួលល្វា ក្រុងប៉ៃលិន ។
ប្រភពព័ត៌មានបានឱ្យដឹងថា មានប្រជាការពារភូមិអូរច្រាកណ្តាលម្នាក់ឈ្មោះ ឃិត ថា បានទទួលដំណឹងពីប្រជាពលរដ្ឋមួយចំនួនថា មានគ្រាប់មីនប្រភេទ69មិនទាន់ផ្ទុះមួយគ្រាប់ ស្ថិតនៅក្បែររបងវត្តអូរច្រានៅទិសខាងលិចហើយគ្រាប់មីននោះបើសិនជាមានក្មេងយកទៅគប់លេង ឬយកទៅដុតនោះអាចបណ្តាលឱ្យផ្ទុះទទួលរងគ្រោះថ្នាក់ដល់អាយុជីវិតផងដែរ ។
សូមបញ្ជាក់ថា បញ្ហាគ្រាប់មីន និងយុទ្ធភ័ណ្ឌមិនទាន់ផ្ទុះនៅមានសេសសល់ជាច្រើនក្នុងខេត្តប៉ៃលិនបើទោះបីជាមានអង្គការកំចាត់មីនជាច្រើនចូលមករាវរកយកទៅកំទេចជាយូរមកហើយក៏ដោយ ។ ដូច្នេះសូមបងប្អូនប្រជាពលរដ្ឋមានការប្រុងប្រយ័ត្នចំពោះសុវត្ថិភាពខ្លួនឯង ៕
ចែករំលែកព័តមាននេះ