ក្មេងប្រុសមានសតិមិនគ្រប់ម្នាក់ដុតបំផ្លាញសាលារៀនឆេះហ្មត់
ខេត្តឧត្តរមានជ័យ ៖ សាលាបឋមសិក្សាសែនមនោរម្យដ៏អត្តខាត់មួយខ្នងដែលមានទំហំ១២គុណ៦ម៉ែត្រ សាងសង់អំពីឈើ ដំបូលប្រក់ស្បូវ
ខេត្តឧត្តរមានជ័យ ៖ សាលាបឋមសិក្សាសែនមនោរម្យដ៏អត្តខាត់មួយខ្នងដែលមានទំហំ១២គុណ៦ម៉ែត្រ សាងសង់អំពីឈើ ដំបូលប្រក់ស្បូវ
ខេត្តឧត្តរមានជ័យ ៖ សាលាបឋមសិក្សាសែនមនោរម្យដ៏អត្តខាត់មួយខ្នងដែលមានទំហំ១២គុណ៦ម៉ែត្រ សាងសង់អំពីឈើ ដំបូលប្រក់ស្បូវ និងជញ្ជាំងបាំងស្បូវត្រូវក្មេងប្រុសជំទង់សតិមិនគ្រប់យកភ្លើងដុតឆេះហ្មត់ កាលពីវេលាម៉ោង២និង៣០នាទីរសៀលថ្ងៃទី២៣ មីនានៅក្នុងភូមិសែនមនោរម្យ ឃុំគោកខ្ពស់ ស្រុកបន្ទាយអម្ពិល ។
យោងតាមសម្តីអ្នកភូមិសែនមនោរម្យ បានឱ្យដឹងថា សាលាបឋមសិក្សានេះអាជ្ញាធរភូមិឃុំរួមទាំងអ្នកភូមិបានរៃអង្គាសថវិកាគ្នាបន្តិចបន្តួច នាំគ្នាសាងសង់ឡើងសម្រាប់ឱ្យកូនៗបានរៀនសូត្រអស់រយៈពេលជាយូរឆ្នាំមកហើយ ។ ការបង្កឱ្យមានភ្លើងឆេះសាលារៀនដ៏អត្តខាត់មួយខ្នងនេះ គឺបណ្តាលមកពីក្មេងប្រុសជំទង់ម្នាក់ ឈ្មោះ ងួន ងី អាយុ១៣ឆ្នាំ រស់នៅក្នុងភូមិឃុំកើតហេតុខាងលើដែលពលរដ្ឋបានអះអាងថា ជាមនុស្សមានសតិមិនគ្រប់បានដុតបំផ្លាញចោល ។
តាមប៉ូលិសស្រុកបន្ទាយអម្ពិល បានឱ្យដឹងថា ហេតុការណ៍ភ្លើងឆេះសាលារៀននេះ កើតចេញពីក្មេងជំទង់ដែលមានសតិមិនប្រក្រតី បានដុតបំផ្លាញមែន ។ ដោយសារតែសាលាប្រក់និងបាំងដោយស្បូវ ត្រូវអណ្តាតភ្លើងលេបត្របាក់តែមួយប៉ប្រិចភ្នែក សាលាទាំងមូលបានក្លាយជាផេះផង់ គឺមិនអាចជួយអន្តរាគមន៍ពន្លត់បានឡើយ រីឯសម្ភារដូចជាតុរៀនចំនួន១៣ ក្តារខៀន១ ក៏ត្រូវបានឆេះអស់គ្មានសល់ដែរ ៕
ចែករំលែកព័តមាននេះ