រាជធានីភ្នំពេញ ៖ បុគ្គលិកឆ្នោតខ្មែរភូលវើលហ្វែរឡូតធើរី ខូអិលធីឌី ផ្នែកចែកចាយលើទីផ្សារម្នាក់ ត្រូវបានថៅកែប្តឹងកងរាជអាវុធហត្ថរាជធានី ឱ្យចាប់ខ្លួនបញ្ជូនទៅតុលាការ កាលពីព្រឹកថ្ងៃទី១៨ មីនា ពាក់ព័ន្ធនឹងករណីគៃបំបាត់ប្រាក់ក្រុមហ៊ុនអស់ចំនួន១,២៣៨៦ដុល្លារអាមេរិក ។
រាជធានីភ្នំពេញ ៖ បុគ្គលិកឆ្នោតខ្មែរភូលវើលហ្វែរឡូតធើរី ខូអិលធីឌី ផ្នែកចែកចាយលើទីផ្សារម្នាក់ ត្រូវបានថៅកែប្តឹងកងរាជអាវុធហត្ថរាជធានី ឱ្យចាប់ខ្លួនបញ្ជូនទៅតុលាការ កាលពីព្រឹកថ្ងៃទី១៨ មីនា ពាក់ព័ន្ធនឹងករណីគៃបំបាត់ប្រាក់ក្រុមហ៊ុនអស់ចំនួន១,២៣៨៦ដុល្លារអាមេរិក ។
តាមបទចោទប្រកាន់បានឱ្យដឹងថា បុគ្គលិកឆ្នោតរូបនោះឈ្មោះ វង្ស សុខលាភ ភេទស្រី អាយុ២៤ឆ្នាំ មានអាសយដ្ឋាននៅសង្កាត់ភ្នំពេញថ្មី ខណ្ឌសែនសុខ ។ តាមប្រភពព័ត៌មានពីសាលាដំបូងរាជធានី បានឲ្យដឹងថា ឈ្មោះ វង្ស សុខលាភ បានចូលបម្រើការងារឲ្យក្រុមហ៊ុនឆ្នោតខ្មែរភូលវើលហ្វែរជាង១ឆ្នាំ ហើយមានតួនាទីជាអ្នកយកសន្លឹកឆ្នោតទៅចែកចាយតាមដេប៉ូ និងតាមទីផ្សារនៅរាជធានីភ្នំពេញ ។ ប្រភពបន្តថា នៅពេលនាង វង្ស សុខលាភ យកឆោតទៅដាក់តាមដេប៉ូ និងតាមទីផ្សារហើយ នាងត្រូវប្រមូលប្រាក់យកមកបង់ចូលគណៈនេយ្យក្រុមហ៊ុនវិញ ។
រយៈពេលជាងមួយឆ្នាំ នាងគោរពតាមតួនាទីរបស់ខ្លួនច្បាស់លាស់ណាល់ បានប្រាក់យកមកបង់ឲ្យក្រុមហ៊ុនធម្មតា និងគ្រប់ចំនួន តែពេលចុងក្រោយនេះ ក្រុមហ៊ុនបានទូទាត់បញ្ជីទៅរកឃើញថា នាង វង្ស សុខលាភ បានគៃបំបាត់ប្រាក់ក្រុមហ៊ុនអស់ជាង១ម៉ឺនដុល្លារអាមេរិក ពោលគឺឈ្មោះ វង្ស សុខលាភ មិនបានយកប្រាក់ដែលលក់សន្លឹកឆ្នោតទៅបង់ឲ្យក្រុមហ៊ុនទេ គឺយកទៅចាយវាយជាប្រយោជន៍ផ្ទាល់ខ្លួន ។
ដោយសារមូលហេតុយ៉ាងដូច្នេះហើយ ក្រុមហ៊ុនបាននិយាយជាមួយនាង វង្ស សុខលាភ ជាច្រើនដងឲ្យនាងរកប្រាក់បង្វិលចូលក្រុមហ៊ុនវិញ តែនាងធ្វើព្រងើយកន្តើយថែមទាំងគេចវេះទៀតផង ។ ជាចុងក្រោយថៅកែក្រុមហ៊ុនបានសម្រេចចិត្តប្តឹងទៅសមត្ថកិច្ចឲ្យចាត់ការតាមផ្លូវច្បាប់ ។
តាមចម្លើយនាង វង្ស សុខលាភ បានទទួលស្គាល់ថាពិតជាបានពាក់ព័ន្ធប្រាក់ក្រុមហ៊ុនឆ្នោខ្មែរខាងលើនោះមែន តែប្រាក់នោះនាងមិនបានយកទៅចាយវាយទេ គឺនាងនៅមិនទាន់បានប្រមូលពីអតិថិជនដែលនៅជំពាក់ ។ ខាងក្រុមហ៊ុននិយាយថាចម្លើយនៅដំណាក់កាលអយ្យការដូច្នេះ គ្រាន់តែជាការដោះបន្ទុក ដើម្បីចង់គេចវេះពីការសងបំណុលទៅក្រុមហ៊ុន និងចង់ឲ្យរួចផុតពីការចោទប្រកាន់តែប៉ុណ្ណោះ រឿងដែលសំខាន់វាស្ថិតនៅលើភស្តុតាងគ្រប់គ្រាន់ដែលក្រុមហ៊ុនមានគឺបញ្ជាក់ថា នាងបានគៃបំបាត់ ៕
ចែករំលែកព័តមាននេះ