នៅមិននៅរពិសដៃលួចគេ មានអីគេចមិនផុតខ្នោះ
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកំរិតស្រាលខេត្ត ដឹកនាំដោយលោកវរសេនីយ៍ទោ ហង្ស សូផាតភីរម្យ ប្រធានការិយាល័យនគរបាលព្រហ្មទណ្ឌកំរិតស្រាលខេត្តសៀមរាប បានចុះ
ខេត្តសៀមរាប ៖ កម្លាំងការិយាល័យនគរបាលព្រហ្មទណ្ឌកំរិតស្រាលខេត្ត ដឹកនាំដោយលោកវរសេនីយ៍ទោ ហង្ស សូផាតភីរម្យ ប្រធានការិយាល័យនគរបាលព្រហ្មទណ្ឌកំរិតស្រាលខេត្តសៀមរាប បានចុះអនុវត្តដីកាបញ្ជាឱ្យចូលខ្លួនលេខ154 ចុះថ្ងៃទី17 មីនា 2017 របស់លោក រៀម ចន្ទមន្នី ព្រះរាជអាជ្ញារង។
ជនសង្ស័យឈ្មោះ យិន ឌីកាឡា ភេទប្រុស អាយុ៣១ឆ្នាំ មានទីលំនៅភូមិឫស្សីស្រស់ ខណ្ឌច្បារអំពៅ រាជធានីភ្នំពេញ ពីបទរំលោភលើទំនុកចិត្ត រហូតឈានដល់ឃាត់ខ្លួនបានជនសង្ស័យបាននៅចំណុចមុខផ្សារផ្អាវ ខេត្តកំពង់ចាម រួចនាំយកមកធ្វើការសួរនាំនៅការិយាល័យជំនាញខេត្ត ។ ក្នុងប្រតិបត្តិការនាំខ្លួនជនសង្ស័យម្នាក់នេះ បានធ្វើឡើងនៅក្នុងថ្ងៃទី១៨ មីនា ស្ថិតនៅចំណុចមុខផ្សារផ្អាវ ឃុំផ្អាវ ស្រុកបាធាយ ខេត្តកំពង់ចាម ។
លោកវរសេនីយ៍ទោ ហង្ស សូផាតភីរម្យ ប្រធានការិយាល័យនគរបាលព្រហ្មទណ្ឌកំរិតស្រាលខេត្តសៀមរាប បានប្រាប់នៅថ្ងៃទី១៩ មីនា ២០១៧ នេះថា បន្ទាប់ពីមានដីកាបញ្ជាឱ្យចូលខ្លួនរបស់លោក រៀម ចន្ទមន្នី ព្រះរាជអាជ្ញា ទើបសមត្ថកិច្ចយើងបានចុះធ្វើការស្រាវជ្រាវរកឃើញជនសង្ស័យនៅចំណុចផ្សារផ្អាវ ឃុំផ្អាវ ស្រុកបាធាយ ខេត្តកំពង់ចាម។
លោកបានបន្តថា ក្រោយពីធ្វើការសួរនាំរួច ជនសង្ស័យបានសារភាពថា បានយកប្រាក់របស់ក្រុមហ៊ុនជាង១ម៉ឺនដុល្លារ និងសម្ភារមួយចំនួនដូចជា កុំព្យួទ័រ១គ្រឿង, ម៉ាស៊ីនស្កេន១គ្រឿង ។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញរៀបចំសំណុំរឿងបញ្ជូនទៅតុលាការខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ