ឆេះបន្ទប់ពិសោធន៍គីមីនៅសាកលវិទ្យាល័យវិទ្យាសាស្ត្រសុខាភិបាល
រាជធានីភ្នំពេញ ៖ បន្ទប់ពិសោធន៍នៅសាលាក្រហមត្រូវបានទុស្សេម៉ាស៊ីនUPSហុយផ្សែងបង្កឱ្យមានការភ្ញាក់ផ្អើលដល់សមត្ថកិច្ច
រាជធានីភ្នំពេញ ៖ បន្ទប់ពិសោធន៍នៅសាលាក្រហមត្រូវបានទុស្សេម៉ាស៊ីនUPSហុយផ្សែងបង្កឱ្យមានការភ្ញាក់ផ្អើលដល់សមត្ថកិច្ច និងរថយន្តពន្លត់អគ្គីភ័យអន្តរាគមន៍បាញ់ពន្លត់អស់៣គ្រឿងទាំងយប់ទើបរលត់អស់ទាំងស្រុង បង្កឱ្យមានការភ្ញាក់ផ្អើលកាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី២០ ខែមីនា ឆ្នាំ២០១៧ តាមបណ្តោយផ្លូវព្រះមុនីវង្សនៅចំណុចសាកលវិទ្យាល័យវិទ្យាសាស្ត្រសុខាភិបាល ហៅសាលាក្រហម ស្ថិតនៅក្នុងសង្កាត់ស្រះចក ខណ្ឌដូនពេញ ។
សមត្ថកិច្ចបានឱ្យដឹងថា មុនពេលកើតហេតុបុគ្គលិកនៅក្នុងសាកលវិទ្យាល័យវិទ្យាសាស្ត្រសុខាភិបាល ដេកប្រចាំការក្នុងបន្ទប់បានមួយសន្ទុះក្រោយមក ស្រាប់តែមានធុំក្លិនផ្សែងចេញមកពីបន្ទប់ពិសោធន៍ជាន់ទី២ ទើបគាត់បានស្ទុះទៅយកបំពង់ពន្លត់អគ្គីភ័យយកទៅបាញ់អស់8បំពង់នៅតែមិនរលត់ ទើបផ្អើលដល់សមត្ថកិច្ចមូលដ្ឋាន និងរថយន្តពន្លត់អគ្គីភ័យបានអន្តរាគមន៍បាញ់ពន្លត់អស់៣គ្រឿងទើបរលត់ ។
សមត្ថកិច្ចបានឲ្យដឹងថា មូលហេតុដែលបង្កឱ្យមានអគ្គីភ័យកើតឡើងមកពីទុស្សេប្រអប់UPS នៅក្នុងបន្ទប់ពិសោធន៍ អគ្គីភ័យនេះមានរថយន្តពន្លត់អគ្គីភ័យចំនួន៤គ្រឿងបានមកដល់កន្លែងកើតហេតុប្រើប្រាស់អស់៣គ្រឿងមិនមានខូចខាតសម្ភារអ្វីច្រើនទេ ៕
ចែករំលែកព័តមាននេះ