សហគមន៍អ្នកនេសាទរលាយអស់ដោយសាតែអ្នកចាក់ដីលុបសមុទ្រ
ខេត្តកំពត ៖ សហគមន៍អ្នកនេសាទរលាយអស់ដោយសារតែអ្នកចាក់ដីលប់សមុទ្រ លក់បន្តគ្នា៣ដំណាក់កាល ហើយការចាក់ដីលុបសមុទ្រយ៉ាងគគ្រឹកគគ្រេង
ខេត្តកំពត ៖ សហគមន៍អ្នកនេសាទរលាយអស់ដោយសារតែអ្នកចាក់ដីលុបសមុទ្រ លក់បន្តគ្នា៣ដំណាក់កាល ហើយការចាក់ដីលុបសមុទ្រយ៉ាងគគ្រឹកគគ្រេងបែបនេះស្ថិតនៅក្នុងភូមិកែបថ្មី ឃុំបឹងទូក ស្រុកទឹកឈូ សកម្មភាពអ្នកចាក់ដីលុបសមុទ្រនោះមិនមែនជារឿងថ្មីទេ បើតាមដឹងអ្នកចាក់ដីលុបសមុទ្រនៅភូមិកែបថ្មីនេះមានរយៈពេលជាង៣ឆ្នាំហើយ តែខែប្រាំងទើបចាក់ដីបាន បើខែវស្សាមិនបានចាក់ទេ ។ ការចាក់ដីលុបសមុទ្រនេះត្រូវបានគេដឹងថា មានទទឹង១គឺឡូដី បណ្ដោយ៤គឺឡូដីធ្វើឱ្យអ្នកនេសាទនៅសហគមន៏កែបថ្មីមានការក្ដៅក្រហាយដោយសារតែសហគមន៏ធានាគាក្ដាមត្រូវរលាយរលត់បាត់អស់ ។ លោកប្រធានសហគមន៍អ្នកនេសាទកែបថ្មីបានថ្លែងប្រាប់ឱ្យដឹងកាលពីព្រឹកថ្ងៃទី១៧ មីនា ថាអ្នកនេសាទក្នុងសហគមន៍មិនសប្បាយចិត្តទេដោយសារតែគេអ្នកមានលុយចាក់ដីលុបសមុទ្របាត់បង់កន្លែងចិញ្ចឹមក្ដាមដែកគេហៅថា ធានាគាក្ដាមនោះគឺកន្លែងក្ដាមពង និងកន្លែងក្ដាមកូន ព្រោះវិនាសហិនហោយ និងបែករលាយសហគមន៍ដោយសារតែចាក់ដីលុបសមុទ្រ ។
លោកប្រធានសហគមន៍បានប្រាប់ឱ្យដឹងថា អ្នកចាក់ដឺលុបសមុទ្រនេះបានលក់បន្តគ្នា៣ដំណាក់កាលហើយទីមួយគឺក្រុមហ៊ុនលោក កែវ ជា តែលោក កែវ ជា បានលក់ទៅឱ្យលោក សៀង ណាំ ហើយលោក សៀង ណាំ បានលក់បន្តទៅឱ្យក្រុមហ៊ុនចិនធ្វើមកដល់សព្វថ្ងៃ លោកប្រធានសហគមន៍មិនចង់និយាយអ្វីទៀតទេខ្លាចគេរករឿង ។ លោក ស សារិន ប្រធានការិយាល័យជលផល និងនេសាទខេត្តបានប្រាប់ឱ្យដឹងថា សហគមន៍អ្នកនេសាទកែបថ្មីមានគម្រោងរៀបចំឡើងវិញ ហើយលោក ស សារិន បានអះអាងថា អ្នកដែលបានចាក់ដីលុបសមុទ្រនោះគេបានច្បាប់ ទោះជាបែបណានៅសមុទ្រខេត្តកំពតត្រូវបានគេចាក់ដីលុបសមុទ្រមាន៣កន្លែងផ្សេងៗគ្នាដែលគេបានអះអាងថា ក្រុមហ៊ុនមានអាជ្ញាប័ណ្ណ ៕
ចែករំលែកព័តមាននេះ