ខេត្តកំពង់ស្ពឺ ៖ ក្មេងស្រីអាយុទើបតែ៨ឆ្នាំ ត្រូវបុរសចំណាស់ម្នាក់បបួលទៅចាប់កង្កែប ហើយពេលដែលជីដូនរវល់ដាំស្លរ ឃើញបាត់ចៅ ក៏បានដើរតាមរក ពេលដែលរកឃើញក៏ស្រែកឆោឡោឱ្យអ្នកស្រុកជួយ ខណៈ
ខេត្តកំពង់ស្ពឺ ៖ ក្មេងស្រីមានអាយុទើប៨ឆ្នាំ ត្រូវបានព្រានតណ្ហាល្បួងថា ទៅរកចាប់កង្កែប តែពេលទៅដល់ព្រៃស្ងាត់ បែរជាមានចាប់នាងរំលោភ តែគាប់ជួនជីដូនដែលបាត់ចៅបានដើររកទៅទាន់ពេលជនសង្ស័យកំពុងធ្វើសកម្មភាព ក៏ស្រែកឱ្យអ្នកស្រុកជួយអន្តរាគមន៍ចាប់ជនសង្ស័យប្រគល់ឱ្យសមត្ថកិច្ចតែម្តង។
ករណីនេះកើតឡើងកាលពីល្ងាចថ្ងៃទី១៧ ខែមីនា ឆ្នាំ២០១៧ នៅចំណុចចំការស្វាយរបស់ឈ្មោះ តាហៀង យាយកង នៅខាងក្រោយផ្ទះជនរងគ្រោះ៣០០ម៉ែត្រ ក្នុងភូមិត្រពាំងត្រោក ឃុំប្រាំបីមុម ស្រុកថ្ពង ខេត្តកំពង់ស្ពឺ ។
ជនល្មើសឈ្មោះយ៉ា យ៉ែម ភេទប្រុស អាយុ៥៦ឆ្នាំ មុខរបរធ្វើស្រែរស់នៅភូមិ-ឃុំខាងលើ ក្មេងស្រីរងគ្រោះអាយុ៨ឆ្នាំរស់នៅភូមិ-ឃុំជាមួយគ្នា ។
នៅព្រឹកថ្ងៃទី១៨ មីនា ក្មេងស្រីរងគ្រោះបានប្រាប់សមត្ថកិច្ចថា មុនពេលកើតហេតុរូបនាងនៅផ្ទះជាមួយជីដូនធម្មតា ស្រាប់តែតាម្នាក់មកបបួលនាងថា ទៅរកចាប់កង្កែប ពេលឮដូច្នេះរូបនាងក៏បានទៅតាមលោកតានោះ ដើម្បីរកចាប់កង្កែប តែពេលទៅដល់ក្រោយចំការស្វាយតាហៀង ស្រាប់តែលោកតានោះធ្វើសកម្មភាពចាប់នាងរំលោភ តែគាប់ជួនពេលនោះជីដូន មកទាន់ក៏ស្រែកឱ្យអ្នកភូមិជួយ ពេលឃើញដូច្នោះលោកតានោះក៏រត់គេចទៅទិសខាងជើងបាត់ទៅ។
បើតាមជីដូនបានរៀបរាប់ថា នៅពេលដែលឪពុកម្ដាយមិននៅផ្ទះ ហើយរូបគាត់តែរវល់ដាំស្លរ ទើបមិនដឹងថា ចៅទៅណានោះទេ ពេលឃើញបាត់ចៅ គាត់ក៏បានដើររកចៅ តែពេលដែលទៅដល់ក្រោយចំការស្វាយតាហៀងកន្លែងកើតហេតុ ស្រាប់តែគាត់ឃើញជនល្មើសធ្វើសកម្មភាពចាប់រំលោភចៅរបស់គាត់ ពេលនោះគាត់ក៏ស្រែកឆោឡោឱ្យស្រុកជួយ។ ពេលដែលឮគាត់ស្រែកធ្វើឱ្យជនល្មើសនោះភ័យក៏រត់គេចខ្លួនទៅទិសខាងជើងបាត់ទៅ ចៃដន្យអីពេលដែលគាត់ស្រែកនោះបានលឺដល់ក្រុមប្រជាការពារ ហើយក្រុមប្រជាការពារបានជួយដេញចាប់បានភ្លាមៗ និងបញ្ជូនមកអធិការដ្ឋាននគរបាលស្រុកតែម្តង។
នៅព្រឹកថ្ងៃទី១៨ មីនា ក្រោយពេលដែលប្រជាការពារចាប់ខ្លួនជនសង្ស័យប្រគល់ឱ្យសមត្ថកិច្ចនោះ ជនសង្ស័យបានឆ្លើយសារភាពថា ខ្លួនពិតជាបានប្រព្រឹត្តដូចការលើកឡើងមែន មកពីខ្លួនកើតមានចំណង់ចង់រួមភេទ ទើបធ្វើបែបនេះ តែមិនទាន់បានសម្រេចផង ត្រូវជីដូនក្មេងស្រីមកទាន់ ដោយខ្លួនភ័យពេក ក៏រត់យករួចខ្លួន តែត្រូវប្រជាការពារចាប់បានតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅកាន់ការិយាល័យប្រឆាំងការជួញដូរ និងការពារអនីតិជនចាត់ការបន្តតាមនីតិវិធី ។
សមត្ថកិច្ចបានធ្វើការសន្និដ្ឋានថា ជនល្មើសពិតជាបានធ្វើសកម្មភាពពិតប្រាកដមែន តែមិនទាន់សម្រេចនោះទេ៕
ចែករំលែកព័តមាននេះ