ចេះនោះចេះ! យើងហ្នឹង… តោះមើលវីដេអូ…!
ខេត្តបន្ទាយមានជ័យ ៖ រឿងចម្លែកមួយដែលសឹងមិនគួរឱ្យជឿថា សត្វឆ្កែមេមួយក្បាលនៅមាត់ច្រកទ្វារអន្តរជាតិប៉ោយប៉ែត ចេះលូគ្រប់ ពេលដែលឮភ្លេងគោរពទង់ជាតិ ដោយលូរាល់ព្រឹក និងល្ងាច ។
ខេត្តបន្ទាយមានជ័យ ៖ រឿងចម្លែកមួយដែលសឹងមិនគួរឱ្យជឿថា សត្វឆ្កែមេមួយក្បាលនៅមាត់ច្រកទ្វារអន្តរជាតិប៉ោយប៉ែត ចេះលូគ្រប់ ពេលដែលឮភ្លេងគោរពទង់ជាតិ ដោយលូរាល់ព្រឹក និងល្ងាច ។
មេឆ្កែខាងលើមានឈ្មោះឃីម អាយុ៧ឆ្នាំ ជារបស់នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតម្នាក់ ។ នេះបើតាមការឱ្យដឹងពីមន្ត្រីនគរបាលប៉ុស្តិ៍ច្បាមចល័ត នៅជាប់គល់ស្ពានព្រំដែនកម្ពុជា-ថៃ ច្រកទ្វារអន្តរជាតិប៉ោយប៉ែតខ្លងលឹក ។
នគរបាលអន្តោប្រវេសន៍និយាយថា នាងឃីម (ឆ្កែ) ឱ្យតែដល់ម៉ោងគោរពទង់ជាតិ គឺមិនដែលខកខានទេ មិនថាព្រឹក ឬល្ងាចឡើយ រយៈពេលជាង១ឆ្នាំមកហើយចេះបែបនេះ ។ កាលពីព្រឹកថ្ងៃមុន មានស្ត្រីជនជាតថៃមកដាក់ចំណីឱ្យ ដោយកំពុងស៊ីអាហារ នាងឃីមសុខចិត្តស្រែកលូតាមបទចម្រៀងគោរពទង់ជាតិ រហូតស្លាក់.កហើយក៏មិនឈប់លូទៀត គឺលូរហូតដល់ចប់តែម្តង។
រឿងរ៉ាវចម្លែកនេះ សមត្ថកិច្ចតែងនិយាយប្រាប់គេឯងជាញឹកញាប់ តែគ្មានអ្នកជឿ ទីបំផុតល្ងាចថ្ងៃទី១៧ មីនា នេះ ភ្នាក់ងារកោះសន្តិភាពចាំថតផ្ទាល់ ដោយដំបូងនាងឃីមដេកលង់លង់ ។ លុះឮបទគោរពទង់ជាតិ ស្រាប់តែស្ទុះក្រោក ហើយលូតាំងពីដើមរហូតដល់ចប់តែម្តង ។
សមត្ថកិច្ចបញ្ជាក់ថា ឆ្កែមួយក្បាលនេះ គឺលូរាល់ម៉ោងគោរពទង់ជាតិមិនដែលខានម្តងណាឡើយ ហើយ ធានាថា ជាការពិត បើមិនជឿគ្រប់គ្នាអាចមកចាំពិនិត្យមើលទាំងអស់គ្នាបាន រាល់ម៉ោងគោរពទង់ជាតិ ។
ចែករំលែកព័តមាននេះ