រាជធានីភ្នំពេញ ៖ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានអះអាងថា លោកមិនខ្លាចបាត់បង់តួនាទីជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ពេលចាប់ដៃជាមួយគណបក្សកម្ពុជានិយមនោះទេ។ ការអះអាងរបស់លោក ញឹក…
រាជធានីភ្នំពេញ ៖ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានអះអាងថា លោកមិនខ្លាចបាត់បង់តួនាទីជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ពេលចាប់ដៃជាមួយគណបក្សកម្ពុជានិយមនោះទេ។
ការអះអាងរបស់លោក ញឹក ប៊ុនឆៃនេះ បន្ទាប់ចុះហត្ថលេខាលើកិច្ចព្រមព្រៀង រួមមួយរវាងគណបក្សខ្មែររួបរួមជាតិ និងគណបក្សកម្ពុជានិយមរបស់លោក យ៉ែម បុញ្ញឬទ្ធិ អតីតមន្ត្រីជាន់ខ្ពស់គណបក្សសង្គ្រោះជាតិ។
ជាងនេះការលើកឡើងនេះ បន្ទាប់ពីលោក គង់ មុនីកា ប្រធានគណបក្សឆន្ទៈខ្មែរ និងជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់បានសម្រេចចូលរួមជាមួយគណបក្សភ្លើងទៀន ត្រូវបានព្រះមហាក្សត្របញ្ចប់តួនាទីជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់កាលពីពេលថ្មីៗកន្លងមកនេះ។
ក្នុងសន្និសីទសារព័ត៌មាន នាព្រឹកថ្ងៃទី១០ តុលា ឆ្នាំ២០២២នៅសណ្ឋាគាសាន់វ៉េ លោក ញឹក ប៊ុនឆៃ បានបញ្ជាក់ថា៖«លោកគង់ មូនីការ គាត់ជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ ហើយមានតួនាទីនៅក្នុងរដ្ឋាភិបាលហើយគា ត់យកគណបក្សទាំងមូលទៅរួបរួមគណបក្សប្រឆាំង គឺមានបញ្ហាហើយ ឬឯកខ្ញុំខុសពីគាត់ខ្ញុំមានតួនាទីដូចគាត់ដែរ ប៉ុន្តែរួខ្ញុំរួមរួបជាមួយគណបក្សកម្ពុជានិយមនេះគ្រាន់ ដើម្បីបង្កើតប៉ូលនយោបាយថ្មីមួយ មិនមែនជាបក្សប្រឆាំងទេ អីញ្ចឹងវាខុសគ្នា។ខ្ញុំមិនបានព្រួយបារម្ភទេព្រោះតាមផ្លូវច្បាប់មិនមានអ្វីដែលអាចបញ្ហានោះទេ»។
ចំណែក យ៉ែម បុញ្ញឬទ្ធិ ប្រធានគណបក្សកម្ពុជានិយមបានអះអាងថា ការចាប់ដៃគ្នានេះ គឺដើម្បីធ្វើនយោបាយសន្តិសហវិជ្ជមានធ្វើទំនាក់ទំនងជាមួយបរទេសប្រទេសមហាអំណាចណាក៏ដោយ គឺដើម្បីផ្តល់ផលប្រយោជន៍ប្រទេសកម្ពុជា។
សូមជម្រាបថា គណបក្សឆន្ទៈខ្មែរដែលមានលោក គង់ មូនីកាជាប្រធានគណបក្សកាលពីពេលកន្លងមកនេះបានប្រកាសមិនដាក់បេក្ខជនឈរឈ្មោះចូលរួមបោះឆ្នោតជ្រើសរើសក្រុមប្រឹក្សាឃុំ សង្កាត់នោះទេ ដោយសារគណបក្សនេះ បានចូលរួមជាមួយគណបក្សភ្លើងទៀន។
ក្រោយប្រកាសចូលរួមមួយថ្ងៃជាមួយគណបក្សភ្លើងទៀន ព្រះមហាក្សត្រនរោត្តម សីហមុនីឡាយព្រះសហត្ថលេខាបញ្ជប់តួនាទីលោកគង់ មុនីកា ពីសមាជិកឧត្តមក្រុមប្រឹក្សាពិគ្រោះ និងផ្តល់យោបល់ដែលាមឋានៈស្មើទេសរដ្ឋមន្ត្រីនិងថ្នាក់ដឹកនាំចំនួន២រូបទៀតផងដែរ៕
ចែករំលែកព័តមាននេះ