ខេត្តមណ្ឌលគិរី ៖ ស្នាក់ការបណ្ដោះអាសន្នរបស់សហគមន៍ភូមិពូគង់ ស្ថិតក្នុងភូមិពូគង់ ឃុំស្រែព្រះ ស្រុកកែវសីមា ត្រូវជនមិនស្គាល់មុខប្រមាណជា៦០នាក់ នាំគ្នាទៅដុតបំផ្លាញខ្ទេច កាលពីវេលាម៉ោង១០ព្រឹកថ្ងៃទី១៦ មីនា ។
ខេត្តមណ្ឌលគិរី ៖ ស្នាក់ការបណ្ដោះអាសន្នរបស់សហគមន៍ភូមិពូគង់ ស្ថិតក្នុងភូមិពូគង់ ឃុំស្រែព្រះ ស្រុកកែវសីមា ត្រូវជនមិនស្គាល់មុខប្រមាណជា៦០នាក់ នាំគ្នាទៅដុតបំផ្លាញខ្ទេច កាលពីវេលាម៉ោង១០ព្រឹកថ្ងៃទី១៦ មីនា ។
ពួកគេទាំងនោះ ជិះម៉ូតូសំដៅទៅស្នាក់ការ ដោយក្នុងដៃមានកាន់ដបសាំង និងបិទមុខផង ហើយបានឡោមព័ទ្ធក្រុមការងារឧទ្យានុរក្ស និងមន្ត្រីរដ្ឋបាលការពារនិងអភិរក្សធម្មជាតិ ដែលប្រចាំការនៅដែនជម្រកសត្វព្រៃកែវសីមា ។ ខណៈនោះ ពួកគេបានសុំចូលខាងក្នុងស្នាក់ការដោយទាមទារដើម្បីបានកាប់ព្រៃដុតឆ្ការ និងដាំដំឡូង ហើយមួយចំនួនផ្សេងទៀតបានលួចដុតស្នាក់ការពីខាងក្រោយ ។
មន្ត្រីបរិស្ថានបានឲ្យដឹងថា ជាវិធានការដើម្បីទប់ស្កាត់ការកាប់រុករានដីព្រៃ និងសកម្មភាពដែលផ្ទុយពីច្បាប់ក្នុងដែនជម្រកសត្វព្រៃកែវសីមា ប្រធានគម្រោងដែនជម្រកសត្វព្រៃកែវសីមា បានចាត់តាំងកម្លាំងបន្ថែមឲ្យប្រចាំការនៅទីនោះដើម្បីឃ្លាំមើលពីសកម្មភាពកាប់បំផ្លាញព្រៃឈើ ។ ប៉ុន្តែពួកគេមិនត្រឹមតែមិនយល់ព្រមផ្អាកសកម្មភាពកាប់ឆ្ការទេ ថែមទាំងបំផ្លាញស្នាក់ការរបស់មន្ត្រីជំនាញទៀតដែលបណ្តាលឲ្យខូចខាតរួមមាន អង្រឹង១ ឯកសណ្ឋានកងរាជអាវុធហត្ថ២សម្រាប់ អាគុយ១ ស្បៀងអាហារ និងសម្ភារផ្សេងៗមួយចំនួនទៀត ។
ស្នាក់ការនេះសាងសង់ឡើងដោយសហគមន៍ភូមិពូគង់ ដែលមានទំហំ៥ម៉ែត្រគុណ៦ម៉ែត្រ ប្រក់ស័ង្កសី ក្នុងគោលបំណងស្នាក់អាស្រ័យ និងសម្រាក បន្ទាប់ពីដើរល្បាត ។ ទោះជាយ៉ាងណាក៏ដោយ នៅពេលនេះកម្លាំងសមត្ថកិច្ចកំពុងស្វែងរកជនដៃដល់ដែលដុតស្នាក់ការធ្វើការរបស់សហគមន៍ ដើម្បីចាត់ការតាមច្បាប់ ។
ចែករំលែកព័តមាននេះ