បំណុលជាមួយអាមេរិកកំពុងកើតកូន ពូនជាចៅ
រាជធានីភ្នំពេញ៖ លោក ហេង រតនា អគ្គនាយកប្រធានមជ្ឈមណ្ឌលសកម្មភាពកំចាត់មីនកម្ពុជា បានឲ្យដឹងថាចាប់ពីឆ្នាំ១៩៧៣ ដល់ឆ្នាំ២០១៧ នេះ កម្ពុជាបានជំពាក់លុយអាមេរិកកើនឡើងដល់
រាជធានីភ្នំពេញ៖ លោក ហេង រតនា អគ្គនាយកប្រធានមជ្ឈមណ្ឌលសកម្មភាពកំចាត់មីនកម្ពុជា បានឲ្យដឹងថាចាប់ពីឆ្នាំ១៩៧៣ ដល់ឆ្នាំ២០១៧ នេះ កម្ពុជាបានជំពាក់លុយអាមេរិកកើនឡើងដល់៦៦២លានដុល្លារ ។
លោក ហេង រតនា បានឲ្យដឹងតាមបណ្តាញសង្គមបញ្ជាក់ថា «បញ្ហាលំបាករបស់យើងគឺថា លុយអាមេរិកដែលថាខែ្មរជំពាក់សម័យសង្គ្រាមកំពុងកើតកូន ពូនជាចៅ ដោយកើនឡើងពីប្រមាណ២៧៤លានដុល្លារក្នុងឆ្នាំ១៩៧៣ មកដល់៦៦២លានដុល្លារក្នុងឆ្នាំ២០១៧»។
ក្នុងបណ្តាញសង្គមប្រធាន CMAC បានលើកឡើងថា គេកើនលុយ យើងកើនការភ័យខ្លាច សោកនាដកម្ម និងរងគ្រោះដល់អាយុជីវិត។
ការលើកឡើងរបស់លោក ហេង រតនា បន្ទាប់ពីក្រុមជំនាញរបស់ CMAC ដោះគ្រាប់បែកទំលាក់ពីយន្តហោះអាមេរិកប្រភេទ MK2 ចំនួន២គ្រាប់ សិ្ថតពីទីតាំងចម្ងាយពីគ្នាប្រមាណ៣០០ម៉ែត្រ ស្ថិតក្នុងបឹងទន្លេសាបនៃភូមិ-ឃុំសំរោងសែន ស្រុកកំពង់លែង ខេត្តកំពង់ឆ្នាំង កាលពីពេលថ្មីៗកន្លងមកនេះ បានដោះបន្សាបប្រកបដោយសុវតិ្ថភាព និងបានដឹកជញ្ជូនមករក្សាទុកនៅសាលាហ្វឹកហ្វឺនរបស់ស៊ីម៉ាក់នៅទីរួមខេត្តកំពង់ឆ្នាំង។
លោកបានបន្ថែមថា បញ្ហាលំបាករបស់យើងគឺថា លុយអាមេរិកដែលថាខែ្មរជំពាក់សម័យសង្គ្រាមកំពុងកើតកូន ពូនជាចៅ ដោយកើនឡើងពីប្រមាណ២៧៤លានដុល្លារក្នុងឆ្នាំ១៩៧៣ មកដល់៦៦២លានដុល្លារក្នុងឆ្នាំ២០១៧ ហើយចំនួននឹងហក់ឡើងកាន់តែច្រើនឡើងកាន់តែឆាប់រហ័ស។
ចែករំលែកព័តមាននេះ