រូបសំណាកព្រះអង្គឌួងធ្វើអំពីស្ពាន់ត្រូវបានចាប់បដិសន្ធិឡើងនៅក្នុងទឹកដីខេត្តកំពត
ខេត្តកំពត ៖ រូបសំណាកព្រះអង្គឌួងធ្វើអំពីស្ពាន់មានកម្ពស់ជិតប្រាំបីម៉ែតត្រូវបានធ្វើពិធីក្រុងពាលីបញ្ចុះបឋមសិលា
ខេត្តកំពត ៖ រូបសំណាកព្រះអង្គឌួងធ្វើអំពីស្ពាន់មានកម្ពស់ជិតប្រាំបីម៉ែតត្រូវបានធ្វើពិធីក្រុងពាលីបញ្ចុះបឋមសិលាសាងសង់ឡើងនាព្រឹកថ្ងៃទី១៦ មីនា នៅលើបរិវេណសួនច្បារមាត់ព្រែកកំពង់កណ្តាល ស្ថិតក្នុងភូមិសុវណ្ណសាគរ សង្កាត់កំពង់កណ្តាល ដែលមានការអញ្ចើញចូលរួមពីលោក អឹង ម៉េងហ៊ួរ ប្រធានក្រុមប្រឹក្សាខេត្ត, លោក ចាន់ ចេស្តា អភិបាលនៃគណអភិបាលខេត្ត ប្រតិភូរធនាគារជាតិនៃកម្ពុជាតំណាងលោក ជា ចាន់តូ អភិបាលរងខេត្ត, ប្រធានមន្ទីរស្ថាប័ននានាជុំវិញខេត្ត កងកម្លាំងប្រដាប់អាវុធទាំងបីប្រភេទប្រមាណជាង១០០នាក់ ។
ការកសាងរូបសំណាកព្រះអង្គឌួងនេះផ្ដួចផ្ដើមឡើងដោយសម្ដេចព្រះវ័នរ័ត្ន ណយ ច្រឹក ព្រះសង្ឃនាយករងទី៣ និងជាព្រះចៅអធិការវត្តច័ន្ទបុរីវង្ស រួមជាមួយលោក ជា ចាន់តូ អគ្គទេសាភិបាលធនាគាជាតិ ទុកជាទីគោរពបូជាដល់ប្រជារាស្ត្រជំនាន់ក្រោយឲ្យបានស្គាល់ពីប្រវត្តិព្រះបាទព្រះមហាក្សត្រខ្មែរ ព្រះអង្គ ឌួង ដែលព្រះអង្គបានដណ្តើមយកជ័យជម្នះសម័យលង្វែកជូនដល់ប្រជារាស្ត្រខ្មែររហូតមកដល់បច្ចុប្បន្នក្នុងសម័យទីក្រុងឧត្តុង ។
លោក ចាន់ រស្មី ជាអ្នកទទួលម៉ៅការសាងសង់រូបសំណាកព្រះអង្គឌួងបានឱ្យដឹងថា រូបសំណាកព្រះមហាក្សត្រខ្មែរព្រះបាទ អង្គ ឌួង ធ្វើឡើងអំពីស្ពាន់ មានកម្ពស់ជិតប្រាំបីម៉ែត ។ ចំណែកប្រជាពលរដ្ឋរស់នៅក្នុងក្រុងកំពតដែលបានដឹងអំពីព្រះជីវប្រវត្តិរបស់ព្រះបាទព្រះមហាក្សត្រខ្មែរព្រះបាទអង្គ ឌួង ដ៏ល្បីល្បាញនាសម័យលង្វែកបានសម្ដែងនូវក្តីរីករាយ ចំពោះការទទួលបាននូវរូបសំណាកព្រះអង្គឌួងមួយនេះដើម្បីទុកជាទីគោរពបូជា និងបួងសួងសូមសេចក្ដីសុខ ៕
ចែករំលែកព័តមាននេះ