ល្បែងកន្ទុយលេខ(សៀម-វៀតណាម)កំពុងបើកលេងយ៉ាងគគ្រឹកគគ្រេង ជ្រកក្រោមស្លាកឆ្នោតជាតិ
ខេត្តប៉ៃលិន ៖ ល្បែងកន្ទុយលេខឆ្នោត (សៀម យួន) កំពុងតែពេញនិយមសម្រាប់ប្រជាពលរដ្ឋមួយ ចំនួនរស់នៅក្នុងក្រុងប៉ៃលិន ដោយមានមេឆ្នោតធំៗ
ខេត្តប៉ៃលិន ៖ ល្បែងកន្ទុយលេខឆ្នោត (សៀម យួន) កំពុងតែពេញនិយមសម្រាប់ប្រជាពលរដ្ឋមួយ ចំនួនរស់នៅក្នុងក្រុងប៉ៃលិន ដោយមានមេឆ្នោតធំៗ
ខេត្តប៉ៃលិន ៖ ល្បែងកន្ទុយលេខឆ្នោត (សៀម យួន) កំពុងតែពេញនិយមសម្រាប់ប្រជាពលរដ្ឋមួយ ចំនួនរស់នៅក្នុងក្រុងប៉ៃលិន ដោយមានមេឆ្នោតធំៗ នៅក្នុងផ្សារជាច្រើននាក់ កំពុងកត់លក់យ៉ាង គគ្រឹកគគ្រេង ដោយជ្រកក្រោមស្លាកឆ្នោតជាតិ។ តែគេមិនឃើញ មានអាជ្ញាធរ ឬសមត្ថកិច្ចណាម្នាក់ ចុះទៅធ្វើការបង្ក្រាបចំពោះល្បែងមួយនេះនេះឡើយ ខណៈមេឆ្នោតមួយចំនួនអះអាងថា រូបគេបាន បង់លុយឱ្យទៅសមត្ថកិច្ចគ្រប់លំដាប់ថ្នាក់អស់ហើយ បើចង់ថតរូបភាពយកទៅចុះផ្សាយយ៉ាងណា ក៏គេមិនខ្លាចដែរ។
ម្យ៉ាងវិញទៀត គេលេងតែលុយរបស់ខ្លួនទេ មិនបានយកប្រាក់អ្នកកាសែតទៅ លេងឡើយ។ ជាក់ស្តែងកាលពីវេលាម៉ោង២ និង១០នាទីរសៀល ថ្ងៃទី១៦ ខែមីនា ឆ្នាំ២០១៧នេះ មេឆ្នោតចំនួន៣នាក់ ក្នុងនោះមានផ្សារសាមគ្គីហៅប៉ាហ៊ី ចំនួន២នាក់ និងនៅក្នុងផ្សារត្រីក្បែ រគ្នា១នាក់ ។ ចំណែកមួយចំនួនទៀត ពេលឃើញអ្នកសារព័ត៌មានទៅដល់នាំគ្នាយកក្រដា សកាតុងសម្រាប់កត់ កន្ទុយលេខឆ្នោតលាក់បាត់អស់ ។ ប្រជាពលរដ្ឋជាច្រើននាក់ រស់នៅក្នុងខេត្តប៉ៃលិន បានព្រួយបារម្ភ យ៉ាងខ្លាំងចំពោះបញ្ហា ភូមិឃុំមានសុវត្ថិភាព ខណៈល្បែងកត់កន្ទុយលេខឆ្នោត ត្រូវគេបើកលេងយ៉ាង ពេញនិយមនៅតាមភូមិ និងនៅក្នុងផ្សារនានាក្នុងខេត្ត ជាពិសេសផ្សារប៉ាហ៊ីតែម្តង។
ប្រភពបន្តទៀតថា កន្លែងណាមានល្បែងស៊ីសង ទីនោះតែងតែកើតមានអំពើលួចឆក់ប្លន់ កាប់សម្លាប់ និងអំពើហិង្សា ក្នុងគ្រួសារ ព្រោះកន្លងមកពេលប្តីប្រើប្រពន្ធឱ្យយកលុយទៅទិញម្ហូបអាហារ ស្រាប់តែនាងយកប្រាក់ ទៅចាក់កន្ទុយលេខឆ្នោតអស់រលីង លុះអត់បានម្ហូបយកទៅផ្ទះវិញ ក៏ត្រូវប្តីវាយដំរហូតដល់ក្លាយទៅ ជាកើតឈ្លោះទាស់ទែងលែងលះគ្នាផងដែរ។ ម្យ៉ាងវិញទៀត មានបុរសស្ត្រីខ្លះចំណាយលុយចាក់ឆ្នោត ក្នុង១ថ្ងៃៗ ចាប់ពី១លានទៅ២លានរៀល ហើយអ្នកខ្លះទៀតលេងឆ្នោតរហូតដល់ លក់របស់របរក្នុងផ្ទះ ខ្ទេចខ្ទីអស់រលីង ក្លាយជាអ្នកលេងឆ្នោតអាជីព ហើយចុងក្រោយអត់មានលុយសងបំណុលគេ ក៏ប្រកាសលក់ផ្ទះ ដែលជាលំនៅឋាន ដ៏កម្ររកនេះ ដើម្បីយកប្រាក់សងជំពាក់ថ្លៃលេងកន្ទុយលេខឆ្នោត រួចនាំគ្នារត់ ទៅរកស៊ីនៅប្រទេសថៃបាត់អស់ទៅ។
លើសពីនេះ ដោយសារតែល្បែងឆ្នោត សៀម យួន ជ្រកក្រោមស្លាកឆ្នោតជាតិនេះ កាលពីពេលថ្មីៗ កន្លងទៅ មានចោរចូលមកក្បែរផ្សារសាមគ្គីហៅប៉ាហ៊ី បានកាច់សោកម៉ូតូប្រជាពលរដ្ឋអស់មួយចំនួនរួចរត់គេខ្លួនដោយសុវត្ថិភាព។ ពួកគាត់សំណូមពរ ឱ្យសមត្ថកិច្ច មេត្តាយកចិត្តទុកដាក់ចុះអប់រំ និងបង្ក្រាបល្បែងកន្ទុយលេខឆ្នោត ដែលកំពុងតែបើក លេងយ៉ាងចំហរនេះផង។ មើលទៅប្រហែលជាលោកព្រះរាជអាជ្ញាអមសាលាដំបូងខេត្ត ដែលទើបនឹង ឡើងតំណែងថ្មី អត់ទាន់ដឹងរឿងនេះទេ។
ពាក់ព័ន្ធនឹងបញ្ហានេះ លោក ស៊ុន យី អភិបាលក្រុងប៉ៃលិន បានឱ្យដឹងថា ល្បែងកន្ទុយលេខឆ្នោត ដែលគេបើកលេងនោះខាងលោកអត់ដឹងនោះទេ ហើយបើសិន ជាមានមែនខាងលោកនឹងចាត់ឱ្យសមត្ថកិច្ចចុះទៅត្រួតពិនិត្យមើល។ ម្យ៉ាងវិញទៀត ល្បែងឆ្នោតដែ លគេកំពុងលេងនោះជាឆ្នោតជាតិទេ គេមានច្បាប់ត្រឹមត្រូវ ។ ចំណែកលោក លឹម វាសនា អធិការ នគរបាលក្រុងប៉ៃលិន បានឱ្យដឹងថា ល្បែងកន្ទុយលេខឆ្នោត ដែលគេកំពុងបើកលេងនោះ ខាងលោក ក៏អត់ដឹងដែរ បន្ទាប់ពីទទួលបានព័ត៌មាននេះ ខាងលោកនឹងចាត់កូនចៅឱ្យចុះទៅមើល៕
ចែករំលែកព័តមាននេះ