រាជធានីភ្នំពេញ ៖ សេចក្តីរាយការណ៍បានឱ្យដឹងថា កាលពីព្រឹកថ្ងៃទី១៦ មីនា នេះ សាលាដំបូងរាជធានីភ្នំពេញ បានលើកយកសំណុំរឿងឃាតកម្មសម្លាប់សង្សារ នៅក្នុងផ្ទះសំណាក់«អូយេស» ប៉ុន្តែសវនាការនោះ ក្រោយពីសាកសួរដេញដោលចប់សព្វគ្រប់ ត្រូវបានប្រធានក្រុមប្រឹក្សាបានលើកពេលប្រកាសសាលក្រម ទៅថ្ងៃទី២៨ មីនា ខាងមុខវិញ ។
រាជធានីភ្នំពេញ ៖ សេចក្តីរាយការណ៍បានឱ្យដឹងថា កាលពីព្រឹកថ្ងៃទី១៦ មីនា នេះ សាលាដំបូងរាជធានីភ្នំពេញ បានលើកយកសំណុំរឿងឃាតកម្មសម្លាប់សង្សារ នៅក្នុងផ្ទះសំណាក់«អូយេស» ប៉ុន្តែសវនាការនោះ ក្រោយពីសាកសួរដេញដោលចប់សព្វគ្រប់ ត្រូវបានប្រធានក្រុមប្រឹក្សាបានលើកពេលប្រកាសសាលក្រម ទៅថ្ងៃទី២៨ មីនា ខាងមុខវិញ ។
គួរបញ្ជាក់ថា ជនត្រូវចោទឈ្មោះចាន់ សុភ័ក្ត្រ ហៅពៅ អាយុ៣៨ឆ្នាំ ស្នាក់នៅមិនពិតប្រាកដ និងមានស្រុកកំណើតនៅឯខេត្តព្រះវិហារ ។ រីឯនារីរងគ្រោះក្នុងអំពើឃាតកម្មនោះ ឈ្មោះអាង វណ្ណា ហៅលីលី អាយុ២២ឆ្នាំ ជាបុគ្គលិកខារ៉ាអូខេយីហោ «ហេងហេង» នៅដេអិន ស្នាក់នៅផ្ទះជួល១៦C.១៦D ផ្លូវលេខ១១២ ស្ថិតក្នុងសង្កាត់ ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
កាលពីថ្ងៃទី០១ វិច្ឆិកា កម្លាំងសមត្ថកិច្ចចាប់ខ្លួនជនជាប់ចោទ នៅក្នុងផ្ទះសំណាក់ «អូយេស» ទៅកាន់សាលាដំបូងរាជធានី
ភ្នំពេញ ។ ពេលចាប់ខ្លួនជនសង្ស័យ ត្រូវបានលោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់បញ្ជាក់ថា មុនកើតហេតុថា នៅយប់ថ្ងៃទី២៤ តុលា ជនសង្ស័យខាងលើបានជិះម៉ូតូឌុបចេញពីផ្សារញ៉ែ ក្នុងគោលបំណងទៅជួលផ្ទះសំណាក់យីហោ អូយេស ស្ថិតក្នុងបន្ទប់លេខ២០C ជាន់ទី៣ ដើម្បីណាត់សង្សារមកដេក ។
លុះដល់វេលាយប់ជ្រៅបន្តិច ក៏លេចមុខស្ត្រីរងគ្រោះបានទៅដល់ផ្ទះសំណាក់ អូយេស រួចក៏សួររកបន្ទប់ ដែលជនសង្ស័យជួលស្នាក់អាស្រ័យមុននេះ ហើយនាងក៏បានដើរឡើងទៅដេកជាមួយសង្សារនាងតែម្តងទៅ ។ ស្រាប់តែវេលាយប់ជ្រៅបន្តិច ស្ត្រីរងគ្រោះបានសុំជនសង្ស័យ ដែលជាសង្សារត្រឡប់ទៅផ្ទះវិញ តែជនសង្ស័យមិនព្រមឲ្យទៅ ទើបមានការឈ្លោះប្រកែកគ្នា នៅក្នុងបន្ទប់ជួលនោះ ។
ការឈ្លោះប្រកែកគ្នានោះ ជនសង្ស័យបានចោទប្រកាន់នាងសង្សារថា មានប្រុសច្រើន ។ ខណៈនោះ ស្ត្រីរងគ្រោះបានយកទូរស័ព្ទមកឆាតលេងជាមួយប្រុស និងបានបង្ហាញរូបថតអ្នកដែលស្រឡាញ់ខ្លួន ឲ្យជនសង្ស័យមើលទៀតផង ទើបបណ្ដាលឲ្យជនសង្ស័យជាប្រុសស្នេហ៍ ខឹងក៏ស្ទុះទៅធ្វើសកម្មភាពសង្កត់ពីលើខ្ទប់មាត់ច្របាច់ក ទាល់តែដាច់ដង្ហើមស្លាប់ភ្លាម ។ ខណៈនោះជនសង្ស័យមិនទាន់អស់ចិត្ត ខ្លាចក្រែងជនរងគ្រោះមិនទាន់ស្លាប់ ក៏យកកន្សែងពោះគោហែក ធ្វើជាខ្សែចងរិតកសម្លាប់បន្ថែម ដើម្បីបញ្ចប់ជីវិតឲ្យអស់សង្ស័យតែម្ដង ។
ចែករំលែកព័តមាននេះ