រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៦ មីនា ២០១៧ បានប្រកាសសាលក្រមផ្តន្ទាទោសលើសំណុំរឿងឈ្មួញអង្ករ ដែលចង់បានងារឧកញ៉ា ហើយចេញមូលប្បទានបត្រអត់សាច់ប្រាក់ ត្រូវបានដាក់ពន្ធនាគារកំណត់១ឆ្នាំ និង
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៦ មីនា បានប្រកាសសាលក្រមផ្តន្ទាទោសលើសំណុំរឿងឈ្មួញអង្ករ ដែលចង់បានងារឧកញ៉ា ហើយចេញមូលប្បទានបត្រអត់សាច់ប្រាក់ ត្រូវបានដាក់ពន្ធនាគារកំណត់១ឆ្នាំ និងពិន័យប្រាក់ចូលថវិការរដ្ឋចំនួន២លានរៀល សងទៅដើមបណ្តឹងចំនួន៣ម៉ឺនដុល្លារសហរដ្ឋអាមេរិក ព្រមទាំងបង់ជំងឺចិត្ត១០លានរៀលថែមទៀត ។
សាលក្រមបើកសិទ្ធិទុកឱ្យភាគីទាំងសងខាងប្តឹងឧទ្ធរណ៍តាមកំណត់ច្បាប់ ដែលសាលក្រមនេះ បានប្រកាសធ្វើឡើង ដោយលោក កោ វណ្ឌី អនុប្រធានសាលាដំបូងរាជធានីភ្នំពេញ ។
គួរបញ្ជាក់ថា កាលពីថ្ងៃទី២០ កុម្ភៈ ឆ្នាំ២០១៧ សាលាដំបូងរាជធានីភ្នំពេញ បានលើកយកសំណុំរឿងនេះ (មិនបំពេញកាតព្វកិច្ចចំពោះឧបករណ៍ដែលអាចជួញដូរបាន) ពោលគឺបទល្មើសចេញមូលប្បទានបត្រអត់សាច់ប្រាក់ (សែកស្អុយ) ដែលមានជនជាប់ចោទឈ្មោះ រិន បូរ៉ា ភេទប្រុស អាយុ៣៧ឆ្នាំ ជាឈ្មួញអង្ករមានងារជាឧកញ៉ាជនជាប់ចោទ ត្រូវបានតុលាការឃុំខ្លួន កាលពីខែមិថុនា ឆ្នាំ២០១៦កន្លងទៅ ។
នៅក្នុងអង្គសវនាការ ជនជាប់ចោទបានឆ្លើយសារភាពថា ខ្លួនពិតជាបានចេញសែកលេខ១៧៣ ១៤១ របស់ធនាគារ CIMB ដែលមានទឹកប្រាក់ចំនួន៣ម៉ឺនដុល្លារអាមេរិក ឱ្យទៅលោកហេង សុខ ជាដើមបណ្ដឹងរដ្ឋវេណីប្រាកដមែន ប៉ុន្តែសែកនេះ គ្រាន់តែចេញឲ្យ ដើម្បីធ្វើឲ្យមានទំនុចិត្តលើគ្នា ក្នុងការបំពេញនូវកិច្ចសន្យាការងារទៅវិញទៅមកប៉ុណ្ណោះ ។
ចែករំលែកព័តមាននេះ