រកឃើញហើយ! នារីម្នាក់បញ្ចប់គ្រប់យ៉ាងលើស្ពានជ្រោយចង្វា បន្សល់ទុកស្បែកជើង កាបូប និងតុក្កតា
- ភ្នំពេញ
រាជធានីភ្នំពេញ ៖ នារីម្នាក់ដែលលោ.តទឹកពីលើស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌ
រាជធានីភ្នំពេញ ៖ នារីម្នាក់ដែលលោ.តទឹកពីលើស្ពានជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ កាលពី២ថ្ងៃមុនហើយបានលិចបាត់បន្សល់ទុកតែស្បែកជើង និងតុក្កតា រួមទាំងកាបូបដែលមានទូរស័ព្ទ ព្រមទាំងសម្ភារះមួយចំនួនទៀត ស.ពនារីរងគ្រោះបានប្រទះឃើញអណ្តែតឡើងហើយ កាលពីព្រឹកថ្ងៃទី៨ ខែតុលា ឆ្នាំ២០២២នេះ។ គួររំលឹកថា នារីម្នាក់បញ្ចប់គ្រប់យ៉ាងផ្អើលស្ពានជ្រោយចង្វាបន្សល់ទុកតែស្បែកជើង កាបូប និងតុក្កតា
នារីរងគ្ករោះត្រូវបានគេស្គាល់ឈ្មោះ ចេង ស្រីណេត ជាកម្មាការីនីកាត់ដេរ ផ្នែកវេចខ្ចប់នៅក្រុមហ៊ុន ហុង អ៊ីន ស៊ីងហ៊ែនប៊ែក(ខេមបូឌា)ហ្វេកធើរី មានស្រុកកំណើតនៅភូមិអូរខ្យង ឃុំសាក្រាម ស្រុកប្រាសាទបល្ល័ង ខេត្តកំពង់ធំ ។
តាមព័ត៌មានព័ត៌មានអោយដឹងថា ស.ពនារីរងគ្រោះរូបនោះបានផុសអណ្តែតឡើងកាលពីវេលាម៉ោងប្រមាណ៧និង៣០នាទីព្រឹកថ្ងៃទី៨ខែ តុលា ឆ្នាំ២០២២ នៅចំណុចក្បែរស្ពានជ្រោយចង្វារក្នុងសង្កាត់ជ្រោយចង្វារ ហើយត្រូវបានប្រជានេសាទ អូសទៅឡើងច្រាំង ដើម្បីប្រគល់អោយនគរបាលចុះត្រួតពិនិត្យ ។ បន្ទាប់ពីប្រទះឃើញស.ពនារីខាងលើអណ្តែតទឹក គេឃើញក្រុមគ្រួសារក៏បានចុះទៅទទួលយកស.ពផងដែរ ។ ទោះបីជាយ៉ាងណា ក្រុមគ្រួសារពុំដឹងពីមូលហេតុអ្វីឡើយ ។
ក្រុមគ្រួសាររបស់នារីរងគ្រោះបានអះអាងថា ស.ពនឹងត្រូវបូជានៅវត្តណាមួយនៅជ្រោយចង្វារ ព្រោះពុំមានលទ្ធភាពនាំយកទៅធ្វើបុណ្យនៅស្រុកកំណើតនោះទេ ។
គួរបញ្ជាក់ថា នារីជាកម្មការីនីរូបនោះបានធ្វើដំណើរទៅលោ.តទឹកពីលើស្ពានជ្រោយចង្វារកាលពីវេលាម៉ោងប្រមាណ១២ថ្ងៃត្រង់ទី៦ ខែតុលា ឆ្នាំ ២០២២ ហើយបានលិចបាត់រកស.ពពុំឃើញ ដោយបន្សល់ទុកស្បែកជើង និងទុកកូនតុក្កតារូបខ្លាឃ្មុំមួយពណ៌លឿងចំនួន១ រួមទាំងកាបូប ដែលមានទូរស័ព្ទ, ប័ណ្ណចាក់វ៉ាក់សាំងកូវីដ១៩ និងកាតជាកម្មការីនីរោងចក្រ ។ ក្រោយកើតហេតុបាន២ថ្ងៃ ស.ពនារីរងគ្រោះត្រូវបានប្រទះឃើញអណ្តែតឡើង នៅចំណុចក្បែរស្ពានជ្រោយចង្វា ៕
ចែករំលែកព័តមាននេះ