នារីម្នាក់បញ្ចប់គ្រប់យ៉ាងផ្អើលស្ពានជ្រោយចង្វាបន្សល់ទុកតែស្បែកជើង កាបូប និងតុក្កតា
- ភ្នំពេញ
រាជធានីភ្នំពេញ៖ នារីវ័យក្មេងម្នាក់បានធ្វើដំណើរទៅលោ.តទឹកពីលើស្ពានជ្រោយចង្វារ ហើយបាន
រាជធានីភ្នំពេញ៖ នារីវ័យក្មេងម្នាក់បានធ្វើដំណើរទៅលោ.តទឹកពីលើស្ពានជ្រោយចង្វារ ហើយបានលិចបាត់ បន្សល់ទុកតែស្បែកជើង តុក្កតា និងកាបូបដែលមានទូរស័ព្ទ ព្រមទាំងសម្ភារៈមួយចំនួនទៀត។
ហេតុការណ៍ខាងលើនេះបង្កអោយមានការភ្ញាក់ផ្អើលកើតឡើងកាលពីវេលាម៉ោងប្រមាណ១២ថ្ងៃត្រង់ថ្ងៃទី៦ ខែតុលា ឆ្នាំ ២០២២ នៅចំណុចស្ពានជ្រោយចង្វារចាស់ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ទាក់ទិនករណីខាងលើនេះ គេពុំដឹងពីមូលហេតុអ្វីឡើយ ។ ទោះបីជាយ៉ាងណា គេអះអាងថា ប្រហែលជានាងមានវិបត្តិអ្វីមួយ ទើបបានជាបញ្ចប់ជីវីតទាំងវ័យក្មេងបែបនេះ។
តាមរយៈប័ណ្ណចាក់វ៉ាក់សាំងកូវីដ១៩ និងកាតធ្វើការនៅរោងចក្រ ដែលបានបន្សល់ទុក បានឱ្យដឹងថា នារីរូបនោះឈ្មោះ ចេង ស្រីណេត ជាកម្មការីនីកាត់ដេរ ផ្នែកវេចខ្ចប់នៅក្រុមហ៊ុន ហុង អ៊ីន ស៊ីងហ៊ែប៊ែក(ខេមបូឌា)ហ្វេកធើរី។
តាមសាក្សីនៅកន្លែងកើតហេតុបានឱ្យដឹង នៅមុនពេលកើតហេតុ គេឃើញនារីវ័យក្មេងរូបនោះបានធ្វើដំណើរមកឈប់នៅលើស្ពានជ្រោយចង្វារ ឈរតោងបង្កាន់ដៃស្ពានដោយទឹកមុខស្រងូតស្រងាត់ លុះមួយសន្ធុះក៏បានដោះស្បែកជើង ហើយទុកកូនតុក្កតា និងកាបូប ដែលមានទូរស័ព្ទ ប័ណ្ណចាក់វ៉ាក់សាំងកូវីដ១៩ និងកាតជាកម្មការីនីរោងចក្រ រួចក៍បានលោ.តពីលើស្ពានជ្រោយចង្វារ ចូលទៅក្នុងទន្លេសាបលិចបាត់តែម្តង។
តាមប្រភពដដែលបានអោយដឹងបន្តថា បន្ទាប់ពីមាននារីម្នាក់លោ.តទឹកបែបនេះ បានបង្កការភ្ញាក់ផ្អើលដល់ប្រជាពរដ្ឋឈប់ចោមរោមមើល ហើយសមត្ថកិច្ចនគរបាលក៍បានចុះទៅកន្លែងកើតហេតុផងដែរ ។ ចំណែកសម្ភារៈដែលបានបន្សល់ទុក ត្រូវបាននគរបាលមូលដ្ឋានប៉ុស្តិ៍រដ្ឋបាលជ្រោយចង្វារ យកទៅរក្សាទុក ដើម្បីប្រគល់អោយក្រុមគ្រួសារវិញ ៕
ចែករំលែកព័តមាននេះ