រាជធានីភ្នំពេញ ៖ គំនរកាកសំណល់រោងចក្រផលិតស្បែកជើង និងគ្រឿងបន្សំស្បែកជើងរបស់ក្រុមហ៊ុន «វ៉ាន់ស្កូ អ៊ីនធើរណេសិនណល» ត្រូវបានអគ្គិភ័យឆេះយ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលវេលាម៉ោង០៩យប់ថ្ងៃទី១៥ មីនា ស្ថិតក្នុងភូមិត្រពាំងជ្រៅ សង្កាត់កាកាប ខណ្ឌពោធិ៍សែនជ័យ ។
រាជធានីភ្នំពេញ ៖ គំនរកាកសំណល់រោងចក្រផលិតស្បែកជើង និងគ្រឿងបន្សំស្បែកជើងរបស់ក្រុមហ៊ុន «វ៉ាន់ស្កូ អ៊ីនធើរណេសិនណល» ត្រូវបានអគ្គិភ័យឆេះយ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលវេលាម៉ោង០៩យប់ថ្ងៃទី១៥ មីនា ស្ថិតក្នុងភូមិត្រពាំងជ្រៅ សង្កាត់កាកាប ខណ្ឌពោធិ៍សែនជ័យ ។
តាមប្រភពកន្លែងកើតហេតុថា នៅវេលាម៉ោងប្រហែល៧យប់ ស្ថិតនៅចំណុចខាងលើ ឃើញមានភ្លើងឆេះតិចៗនៅខាងក្រោយរោងចក្រ (កន្លែងផ្ទុកកាកសំណល់សេសសល់ពីស្បែកជើង) ក្រោយមកក៏ឆេះកាន់តែខ្លាំងតែម្តង ។
ប្រជាពលរដ្ឋបាននាំគ្នាយកបំពង់ពន្លត់អគ្គីភ័យអស់ជាង១០បំពង់ និងនាំគ្នាដងទឹកមកបាញ់ និងជះពន្លត់ តែអណ្តាតភ្លើងនៅតែឆាបឆេះទៀត ទើបប្រជាពលរដ្ឋទូរស័ព្ទ ហៅរថយន្តពន្លត់អគ្គិភ័យមកជួយ ។ អគ្គិភ័យខាងលើនេះ គេឃើញមានរថយន្តពន្លត់អគ្គិភ័យចុះជួយ៨គ្រឿង (មានរថយន្តរបស់ស្នងការរាជធានីភ្នំពេញ៤គ្រឿង និងរថយន្តរបស់អង្គភាព៧១១) ដោយប្រើប្រាស់ទឹកអស់៦គ្រឿង ។
ទន្ទឹមនោះ ប្រជាពលរដ្ឋនៅកន្លែងកើតហេតុ បានកោតសសើរដល់ក្រុមរថយន្តពន្លត់អគ្គិភ័យរបស់អង្គភាព៧១១ ដែលឃើញមាន
នារីៗចុះប្រត្តិការបាញ់ដោយស្វាហាប់ ក្នុងការជួយពន្លត់ ដោយមិនខ្លាចអណ្តាតភ្លើងសន្ធោសន្ធៅនោះទេ ។ អគ្គីភ័យនេះ មិនបានឆេះឆ្លងរាលដាលដល់ផ្ទះប្រជាពលរដ្ឋនៅក្បែរៗនោះទេ ។
ចែករំលែកព័តមាននេះ