ថៃបញ្ជូនសពពលករ2នាក់ប្រគល់ឲ្យសាច់ញាតិ
ខេត្តបន្ទាយមានជ័យ ៖ សពពលករខ្មែរ២នាក់ដែលម្នាក់ស្លាប់ដោយសារខ្យល់គរ និងម្នាក់ទៀតស្លាប់ដោយសារធ្លាក់ពីលើអគារការដ្ឋានសំណង់
ខេត្តបន្ទាយមានជ័យ ៖ សពពលករខ្មែរ២នាក់ដែលម្នាក់ស្លាប់ដោយសារខ្យល់គរ និងម្នាក់ទៀតស្លាប់ដោយសារធ្លាក់ពីលើអគារការដ្ឋានសំណង់ហើយក្នុងខេត្តជាមួយគ្នាលើទឹកដីថៃត្រូវបានភាគីថៃជួយបញ្ជូនឲ្យសាច់ញាតិតាមច្រកទ្វារអន្តរជាតិប៉ោយប៉ែតនៅព្រលប់ថ្ងៃទី១៤ មីនា ។ ជនរងគ្រោះស្លាប់ដោយខ្យល់គរឈ្មោះ មៀន សាក់ ភេទប្រុស អាយុ៣១ឆ្នាំ ជាកម្មករសំណង់ និងមានទីលំនៅភូមិកំបោរ ឃុំភ្នំលាប ស្រុកព្រះនេត្រព្រះ ខេត្តបន្ទាយមានជ័យ ។
តាមប្រភពពីសាច់ញាតិសពបានឱ្យដឹងថា ជនរងគ្រោះបានស្លាប់នៅវេលាម៉ោង៨យប់ថ្ងៃទី១៣ មីនាដោយសារខ្យល់គរ ចំពោះជនរងគ្រោះស្លាប់ដោយធ្លាក់ពីលើអគារការដ្ឋានសំណង់ឈ្មោះ ឆន ធឿន ភេទប្រុស អាយុ១៩ឆ្នាំ ជាកម្មករសំណង់មានទីលំនៅស្រុកមោងឬស្សី ខេត្តបាត់ដំបង ។ តាមសាច់ញាតិប្រាប់មន្ត្រី និងសមត្ថកិច្ចនៅច្រកទ្វារអន្តរជាតិប៉ោយប៉ែតថា ជនរងគ្រោះបានស្លាប់ដោយសារពេលដល់ម៉ោងបញ្ចប់ការងារឡើងបូកស៊ីម៉ងត៍សង្ស័យងងឹតមុខធ្លាក់មកដីពីជាន់ទី៤ ហើយបានស្លាប់ក្រោយបញ្ជូនដល់មន្ទីរពេទ្យ ៕
ចែករំលែកព័តមាននេះ