ក្រុមហ៊ុន កូកា-កូឡា ជាក្រុមហ៊ុនភេសជ្ជៈឈានមុខគេនៅកម្ពុជា បានបង្កើតនូវកម្មវិធី ក្នុងឱកាសបុណ្យចូលឆ្នាំខ្មែរនេះ ខុសពីក្រុមហ៊ុនដទៃជាមួយយុទ្ធនាការ «ចែក រំលែកភាពរីករាយ និងក្តីស្រលាញ់» របស់ខ្លួន នឹងផ្តល់ជូនប្រជាជនកម្ពុជានូវឱកាស ឈ្នះសំបុត្ររថយន្ដក្រុងទៅស្រុកកំណើត ដើម្បីអបអរពិធីបុណ្យចូលឆ្នាំខ្មែរនេះ។ សំបុត្ររថយន្ដក្រុងចំនួន 1.000 រង្វាន់ នឹងចាប់ផ្តើមចែកជូនចាប់ពីថ្ងៃទី11 ខែមីនា នេះតទៅ។
លោកស្រី គង់ កុសល នាយកផ្នែកទីផ្សារប្រចាំ CBC បានឲ្យដឹងថា «ពិធីបុណ្យចូលឆ្នាំខ្មែរ គឺជាឱកាសដ៏សំខាន់សម្រាប់ប្រជាជនកម្ពុជា ដែលមានទំនៀមទម្លាប់ប្រពៃណីដ៏មានតម្លៃ ក្នុងការចែករំលែកភាពរីករាយ និងក្តីស្រលាញ់ដ៏មានអត្ថន័យជ្រាលជ្រៅបំផុត។ ក្រុមហ៊ុន កូកា-កូឡា មានសេចក្តីសោមនស្ស និងទទួលយកនូវគុណតម្លៃទាំងនេះជាមួយយុទ្ធនាការដែលមានឈ្មោះថា «ចែករំលែក ភាពរីករាយ និងក្តីស្រលាញ់»។ យុទ្ធនាការនេះ មានគោលបំណងលើកទឹកចិត្តដល់យុវវ័យឲ្យរស់នៅប្រកបដោយគុណតម្លៃ និងបង្ហាញក្តីស្រលាញ់ទៅនរណាម្នាក់ តាមរយៈការផ្តល់ឲ្យពួកគាត់នូវសំបុត្ររថយន្តក្រុងទៅស្រុកកំណើតក្នុងឱកាសបុណ្យចូលឆ្នាំខ្មែរនេះ។ យុវវ័យទាំងអស់អាចបង្កើត និងចែករំលែកនូវឃ្លាជូនពររបស់ពួកគាត់ លើប្រព័ន្ធផ្សព្វផ្សាយសង្គម ដើម្បីមានឱកាសឈ្នះសំបុត្ររថយន្ដក្រុងក្នុងចំណោម 1.000 រង្វាន់ដែលមាន។ យើងសង្ឃឹមថា យុទ្ធនាការនេះ នឹងធ្វើឲ្យពិធីបុណ្យចូលឆ្នាំខ្មែរ កាន់តែពិសេសដល់ប្រជាជនកម្ពុជា»។
អ្នកឈ្នះរង្វាន់នឹងត្រូវប្រកាសនៅថ្ងៃទី17 និងថ្ងៃទី21 ខែមីនា ហើយរថយន្តក្រុង កូកា-កូឡា នឹងជូនដំណើរអ្នកឈ្នះរង្វាន់ទាំងអស់ទៅស្រុកកំណើតចាប់ពីថ្ងៃទី08 ខែមេសា។
ចែករំលែកព័តមាននេះ